-
محتاج مساعده فى الاختيار
السلام عليكم
دلوقتى انا بعت عربية المدام (اوبل كورسا ٢٠٠٥) وكنت بدور على عربيه جديده بجانب السيفيك بتاعتى عشان اتحرك بيها .. لان طبعا السيفيك واطيه ده غير انى عامل فيها شوية حاجات موطياها زياده
بالتالى كنت بعتمد على عربية المدام فى سفري الشرقيه لأهلى
بعد المقدمه ... فكرت فى الكورولا .. وبعدين شيلتها من حساباتى بعد مشكلة وطيها ... فكرت فى الكيا اسبورتاج ٢٠١٥ ... عربيه عائليه وعاليه وواسعه وحدث ولا حرج عن الاوبشنز
بعد كده الناس اتكلمت عن تعديل الكورولا ... رجعتها تاني فى حساباتى .. روحت شوفت المعدله لقيت شكلها اهبل .. فرق شبر بين الكاوتش والرفرف .. بالنسبالى ده شكل معوق جدا
دلوقتى انا سمعت ان الكورولا ٢٠١٥ هاتنزل فيها تعديل بالنسبه لارتفاعها
هل هاتكون زى ال ٢٠١٤ المعدله بهبل ؟؟؟
لو انت مكانى تعمل ايه ؟؟؟ بغض النظر عن فرق السعر ومع العلم اى عربيه منهم هاجيبها هاتبقي توب لاين ... يعنى المقارنه هاتبقي على فئة التوب لاين فى العربيتين
كورولا ٢٠١٥ ولا سبورتاج ٢٠١٥ (ده فى حالة ان الكورولا ٢٠١٥ ماكانش شكلها اهبل زي ال ٢٠١٤)
-
برغم حبي للكورولا
لكن لو الاختيار قدامي كده اختار الكيا
-
سبورتاج
عائلية وارتفاع مناسب على الطريق وأبشنز
أعتقد هتكون مناسبة اكتر
-
مبدأياً كورولا 2015 هي هي 2014 المعدله ورغم اني مقتنع بنسبه كبيره ان الياباني احسن من الكوري غير ان الاسبورتاج تكسب عشان البلد عندنا محتاجه عربيه عاليه
-
الكورولا محترمه جدا بس انا اختار سبورتاج
-
الف شكر ليكوا فعلا حسمتولى الاختيار .. وان شاء الله تكون سبورتاج
Content Relevant URLs by
vBSEO 3.6.0 PL2