عيب أراه كثيرا في صالون الفيكترا .. (صور)

**superkenwood** · 12-10-2008 10:42 PM

في كل سيارات الفيكترا تقريبا أرى الجلدة اللي على الفتيس مشققة

بل كذلك اللي في عصاية الـ Hand break

ياترى ايه السبب ؟؟ وهل الألمان مش عارفين يعملوا جلد كويس !!

وحد عارف بتتغير بكام ؟؟

**MoDyBeNz2008** · 12-10-2008 10:53 PM

يمكن علشان العرية قديمة (اعتقد 98 - 2001) او سوء استخدام

**youssefmustang** · 12-10-2008 11:27 PM

يا باشا الحاجة بتدوب اذا كان الحديد بيصدى وبيتاكل الجلد هيعيش اكيد طبعا مع الاستخدام وعرق الايد التراب والعوامل دى كلها اكيد لازم يتاكل بس ليه حل روح عند اى سروجى ممكن يعمله والله واعلم هل سروجى ولا حد تانى ...ده رائ انا
اخوك يوسف

**M.Mokhtar** · 12-10-2008 11:42 PM

هى مش فى الفكترا بس على فكره
هى فى كل العربيات :)
اى عربيه هتلاقى الجلد بتاعها بيقشر مع الوقت (فتيس وهند بريك)
وبيتغيروا عادى بس معنديش فكره عن الاسعار

**Ahmad Allawy** · 12-10-2008 11:56 PM

الكورسات كمان و الاسترا كله بيحصل فيه الموضوع ده..
الجلدة دي بتتباع لوحدها..
امريكان ستار كنت سألت عنده من فترة كانت الالماني بتاعتها بحوال 120 او 160 جنيه.
بتاعت الفتيس بس.. الهاند بريك مش فاكر.. بس كانت موجوده برضه..
و كان في كمان ماركات مضروبة بقي تمنها بتاع 10 جنيه و 20 جنيه و كده.. بس دي اشك انها تكون بتركب كويس عشان القاعدة الناشفة اللي في الجلدة دي من تحت..
الجلدة دي مش طبيعي طبعا.. عشان كده بتشقق من الشمس.. و قلة الاهتمام.. (دهخ السبب الرئيسي)
الناس برة بتهتم بالحاجات دي و بتعملها بحاجات مخصوص و كل حاجة التابلوه و العدادات و الكاوتش و الفرش.. الخ الخ الخ.. لكن احنا هنا مفيش الكلام ده.. او قليل قوي..
الحل التاني ان السروجي يعملها بس يكون واحد نضيف و يعملها جلد طبيعي..و يعملها زي القديمة بالظبط.. و يثبت القاعدة بتاعتها فيها بنفس الطريقة.. و نصيحة كمان بقي..
لو هتعمل الموضوع ده.. خليه يعمل ليك كسوة جلد طبيعي برضه للدركسيون.. و تتخيط بغرز واسعه من جوة كده.. زي العربيات اللي الطارة بتاعتها بتنزل جلد اصلا.. بيبقي شكلها وهمي.. و ممتعه قوي ف السواقة.. و سهلة التنضيف جدا.. و سعر الاتنين مع بلعض مش هيعدي 150 جنيه.. و بقت الطارة جلد طبيعي.. :)

**volcano12** · 13-10-2008 10:17 AM

أيام الكورسا ... رحت عند سروجى و عملهملى و طلعوا زى الفل...
مش فاكر نوع الجلد ايه بس نضيف.. فى حدود 30 جنيه و لا حاجه كده مش فتكر أوى....
و لو تعرفه كويس حاول تظبت معاه

**superkenwood** · 13-10-2008 05:46 PM

أشكر كل من رد على موضوعي

شكلي حأروح لسروجي نظيف

بس يا أحمد يا علاوي أنا مش عارف هل موضوع الطارة الجلد بتاعة الدركسيون دي حتبقى حلوه عندي !! لو عندك صورة ياريت ترفعها

**Ahmad Allawy** · 13-10-2008 09:22 PM

بصراحة مش لاقي صور ليها علي النت..
بس هتبقي طبقة الجلد علي الطارة نفسها الدايرة بس.. و متخيطة من جوة بغرزة واسعه..
اي سروجي هيعملها جلوة عشان مش صعبة.. بس خليه يعملها غرزة واسعه زي ما قولتلك نش عادية..
و ممكن لو حبيت تعملها لون تاني غير االاسود.. عشان يليق علي لون العربية..