جارى مركب كهرباء شقتة على عدادى

**MotorX** · 04-06-2014 10:32 PM

بلغ مباحث الكهرباء واعمله قضية سرقة تيار .

تحياتي.

**drcobra** · 04-06-2014 10:32 PM

المشاركة الأصلية كتبت بواسطة ahmed_rahem

انا شقتى كانت على عداد والعداد بتاعى راكب على الهوا مش متوصلة سلوك خالص والقراية على عداد تانى بتاع شقة فاضية. اكتشفتها لما الفاتورة مجتش بعد منقلت في الشقة لمدة 5 شهور واتصلح الموضوع فى سنة علشان نفهم بتوع الكهرباء الغلط فين وينقلوا العدادات.
لو هو بيشطب الشقة جديد خالص ممكن يكون التركيب من الاساس غلط ومش مقصودة, اتكلم معاة، تفهم وحاول يصلح يادار مدخلك شر، حور فى الكلام امن وضميرك.
والسلام ختام

كلام حضرتك سليم والحمد لله دا اللى حصل

**drcobra** · 04-06-2014 10:34 PM

المشاركة الأصلية كتبت بواسطة motorx

بلغ مباحث الكهرباء واعمله قضية سرقة تيار .

تحياتي.

يا باشا دا سرقنى انا مش سارق الحكومة
والله دمى اتحرق بس الحمد لله
وانا صلحت الموضوع وجبت كهربائى

**drcobra** · 04-06-2014 10:36 PM

عموما كلنا لازم نتاكد من كل حاجة بدون خجل
وكل فترة يفصل احمالة ويشوف العداد ويتحرى الصح
وربنا يسترها علينا

**Qmax** · 05-06-2014 04:10 AM

كنت شوف العداد بتاعه لو كان شغال يبقى خطأ غير مقصود
عموما حصل خير

**fepsceasar** · 05-06-2014 09:37 AM

هات كهربائي يششوف ولو اتاكدت كلمه..
لو فعلا فى غلط هيعتذر ..
ان ماكنش تعامل بقى

**drcobra** · 05-06-2014 10:01 AM

المشاركة الأصلية كتبت بواسطة qmax

كنت شوف العداد بتاعه لو كان شغال يبقى خطأ غير مقصود
عموما حصل خير

للاسف العداد من النوع الجديد ومكنتش بعرف اتعامل معاه وده لازم تدوس على زرار علشان يديك الامبير وبعدين الفولت وبعد كدة الاستهلاك وقرأت تانية مش عارفها
المشكلة انه موصل كهرباء شقتة على خارج العداد بتاعى

**drcobra** · 05-06-2014 10:26 AM

المشاركة الأصلية كتبت بواسطة fepsceasar

هات كهربائي يششوف ولو اتاكدت كلمه..
لو فعلا فى غلط هيعتذر ..
ان ماكنش تعامل بقى

جبت كهربائى وعدل التوصيلات بس للاسف ما اعتذرش
حب يعمل حوار
بيقولى هعوضك وهحط كهرباء المدخل والسلم وقدام العمارة على عدادى . قلتلة لا انا عايزك تركب عداد خدمات وبلاش عك .
ما هو اصل المدخل والسلم والشارع كهربتة من عندى .

اللى يضحك انة فاكر لما يبنى دور تالت ورابع والترخيص اساسا باربع ادوار هيبنى شقة فى الدور الخامس وعداد الخدمات هيحطة فى الشقة ويبيعها .

اساسا هو كان عندة ارض وانا بنيت دوريين اربع شقق واشتريت منة 3 شقق شقتيين فى الارضى وشقة فى التانى وهو هيسكن جنبى فى التانى

طبعا الكلام دة بيفكر فية كمان عشرة عشريين سنة

يعنى شقتة بنى وتشطيب انا اللى عماتهالة
بدل ما يشكرنى عمال يحور ويعمل شغل عيال.

للاسف حتى وهو فى موقف ضعف وانا الكهربا بتتسرق منى بيحاول يحور ومش عايز يركب عداد خدمات

والله بنى ادم للاسف طلع مش تمام