للأسف دة شبة عرف فى الشركات القطاع الخاص الصغيرة، والحجة علشان لما تعمل مشاكل وعايزين يمشوك يعرفوا من غير وجع دماغ، ولو انت مشيت بشكل ودى هتاخد حقوقك كلها.
عرض للطباعة
للأسف دة شبة عرف فى الشركات القطاع الخاص الصغيرة، والحجة علشان لما تعمل مشاكل وعايزين يمشوك يعرفوا من غير وجع دماغ، ولو انت مشيت بشكل ودى هتاخد حقوقك كلها.
فى حجة تانية سمعتها من صاحب عمل والله اعلم
انه لما بيامن على الناس في بعض الناس يمشى من غير حتى ما يكلمه فى التليفون لو جاتله فرصة تانية
ويفضل يدفع تاميناته شهرين تلاتة لحد ما يسوى موقفه فهو بيعمل كده
على اى حال الله اعلم وربنا يوفقك للى فيه الخير
انا شاكر جدا لمشاعر حضراتكم و ردودكم
الحقيقة انا مش عايز امشى و كنت مستقر فى الشركة دا بقالى 8 شهور و الغريبة انهم كانوا مفهيمنا اننا متامن علينا من اول يوم.... بس بعد زيارة مكتب العمل للتفتيش مشونا و تانى يوم طلعولنا فى حوا اننا لازم نمضى استمارة 1 للتامين و معاها استمارة 6 و استقاله و ورقة استلام مستحقات.
الفكرة انى عمرى ما اشتغلت فى شركة قطاع خاص و طلبوا مننا الطلب ده!!!
عموما انا هحاول اعمل بنصيحه حضراتكم و اماطلهم و لو صمموا هاضطر امضى و امشى.... لانهم ممكن يمشونا فى اي وقت لو مضينا كلنا
الغريبة اني لما بتكلم مع اي حد بيقولوا ده طبيعي هو انت مش من البلد دي؟؟ و بحاول اقنع فيهم ان ده الغلط.... بس كل الناس مفهماني انى انا اللى محبكها شويتين
مره تاني مش عارف اقول ايه لاحسن ناس فى الدنيا اهتمت و ردت و لو بكلمه.
شكرا لحضراتكم
مسألة إمضاء إستقالة بدون تاريخ موجودة في شركات كتير
وكان موجود في شركة أجنبية (متعددة الجنسيات) إشتغلت فيها فترة
جزء من الموظفين (فئة الإداريين) كانوا بيمضوهم على إستقالة أثناء توقيع العقد قبل ما تستلم الشغل
يا كده يا يفتح الله
طبعاً بتمضي
إنت أصلاً بتدور على شغل مش جاي تزورهم نزاهة
الجزء التاني بيعملوا العقد على مشروع منتهي او جاري الإنتهاء منه
وبالتالي وجودك مرتبط بالمشروع المنتهي
يبقى وجودك أصلاً خارج العقد
وده كان في عقود المهندسين
لكن كنت بتاخد مستحقات لو مشيت بالمليم شغل أجانب
ومبتحسش بأي أثر لهذا الموضوع
إلآ
لو طلع واحد بايظ أو مستهتر فده بيترفد وقتي
بيقلولوا متجيش بكره
وبرضه بياخد مستحقاته
أو إن الشغل يقف بسبب ركود أو كارثة
وبالتالي بيبتدوا يصفوا الكماليات ثم الغير أكفاء ....
موضوع إنك تمضي على إنك إستلمت مستحقاتك ده حاجة مبالغ فيها شوية انا مشفتهاش قبل كده
لأن توقيع الإستقالة كافي
السؤال اللي تسأله لنفسك
هل عندك بديل أفضل (مش أي بديل)
لو في
خلاص روحله
لو مفيش
حافظ على شغلك وإتلكع شوية في موضوع الإمضاء
لكن برضه في الآخر حافظ على شغلك
ـ