الموضوع: الشركه طلبت من موظفيها تقديم استقاله

السبب ده غير صحيح اطلاقا - طبقا لقانون العمل من حق صاحب العمل عند التغيب بدون سبب أن يبعت انذار اول و ثاني و فى خلال أيام ينهي العقد ببساطة للتغيب و يشيلوا من التأمينات بورقة بسيطة من غير ما يحتاج الموظف اصلا و و ينهي التأمينات من تاريخ بدأ التغيب

المشاركة الأصلية كتبت بواسطة fepsceasar

فى حجة تانية سمعتها من صاحب عمل والله اعلم
انه لما بيامن على الناس في بعض الناس يمشى من غير حتى ما يكلمه فى التليفون لو جاتله فرصة تانية
ويفضل يدفع تاميناته شهرين تلاتة لحد ما يسوى موقفه فهو بيعمل كده
على اى حال الله اعلم وربنا يوفقك للى فيه الخير

انا شاكر جدا لمشاعر حضراتكم و ردودكم
الحقيقة انا مش عايز امشى و كنت مستقر فى الشركة دا بقالى 8 شهور و الغريبة انهم كانوا مفهيمنا اننا متامن علينا من اول يوم.... بس بعد زيارة مكتب العمل للتفتيش مشونا و تانى يوم طلعولنا فى حوا اننا لازم نمضى استمارة 1 للتامين و معاها استمارة 6 و استقاله و ورقة استلام مستحقات.

الفكرة انى عمرى ما اشتغلت فى شركة قطاع خاص و طلبوا مننا الطلب ده!!!
عموما انا هحاول اعمل بنصيحه حضراتكم و اماطلهم و لو صمموا هاضطر امضى و امشى.... لانهم ممكن يمشونا فى اي وقت لو مضينا كلنا

الغريبة اني لما بتكلم مع اي حد بيقولوا ده طبيعي هو انت مش من البلد دي؟؟ و بحاول اقنع فيهم ان ده الغلط.... بس كل الناس مفهماني انى انا اللى محبكها شويتين

مره تاني مش عارف اقول ايه لاحسن ناس فى الدنيا اهتمت و ردت و لو بكلمه.

شكرا لحضراتكم