الموضوع: استفسار بخصوص شراء سيارة 127 توب

طيب متشوف 128 احسن و اعتمادية اعلى وو اسعة عن التوب و اعطال اقل

أهلاً بيك يا أستاذ عمر، و يا رب تكون تمام. اللهم صلي و سلم و بارك على حبيبك المصطفى و على آله و صحبه و سلم تسليماً كثيراً. بالنسبة لسؤال حضرتك... بإختصار كدة هما كلمتين و ماتزعلش مني. بعد تجربة مريرة و عذاب... القديم يغور! وجع قلب و مكانينكي و سمكري و بهيجي و كهربائي و اشي قطع غيار أصلي ولا مضروب و مصنعية لدة و دة و دة! و وقت ضايع و مشاوير دي عربية بقلها بتاع 30 سنة بتدحر في شوارع المحروسة مستني منها إيه بظبط؟! كتر ألف خيرها هي من وجهة نظري العربية قالت خلاص... أنا رأيي إركب عربية والدك حالياً لو مفيش إمكانية إركب مواصلات بكرامتك و كبر قرشك و إركب مواصلات و كدة مهيكونش عليك رخص و لا أي مصاريف صيانة أو بنزين أو مناديية أو أو - إنت عارف إن العربية دي ذي البيت المفتوح...، و لما أمورك المالية تتحسن جيب زيرو أو عربية بقلها سنتين تلاتة شغالة و خلاص و دة عشان تاخد خير العربية و تركب العربية و إنت مرتاح، أنا بجيب عربية عشان اركبها و مش بجيب تهمة عشان تركبني... صح؟ لو غاوي وجع قلب جيب عربية وكلاها البارومة و مش مكيفة و مش هنضحك على بعض مهما تكون العربية حالتها شغالة فهي هتطلع روحك مصاريف و جهد و وقت و حرقت دم و عمرها بردو بعض كل ده مهتزبت معك و ترجع ذي الاول. أنا بكلم حضرتك ذي أخوية و خايف عليك و على قرشك و تعبك و ربنا يعمل لحضرتك الأصلح إن شاء الله و ابقى طمنا. أخوك أحمد سامي

المشاركة الأصلية كتبت بواسطة kokowasfy

طيب متشوف 128 احسن و اعتمادية اعلى وو اسعة عن التوب و اعطال اقل

ناس كتير قالتلى كده بس بصراحه نفسي ف التوب كا حجم كمان , وفيه قريبي معاه واحده فا غرياني بصراحه لو حب يبيع هاخدها منو وش , فا عشان كده مسكت فيها أكتر :d

المشاركة الأصلية كتبت بواسطة abaza2107

السلام عليكم
بص بالنسبه لل127 توب عربيه جميله وحجمها ظريف وشبابيه وحط تحت كلمه شبابيه ديه خط ليه لأنها ممكن تكون مع واحد شاب دايس عليها جامد وفي الحاله ديه هتكون متبهدله وممكن تكون مع شاب حاببها ومحافظ عليها وفي الحاله ديه انسى انها ممكن تكون بالسعرده
الحاله الي ممكن تشتريها انها تكون مع حد معرفه او تشتريها من حد وتكون متأكد انها بيتي وهيكون سعرها مناسب وتروقها زي منتا عاوز وربنا يوفقك وممكن تروح في المنتدى هنا لأقسام

قســم خاص لطلـبات شــراء الســـيارات و متعلقاتها فقـــط

وقسم الفيات

وهناك الأعضاء هي فيدوك جدا ان شاء الله

انا قدامي راجل كبير معاه العربية , بس زي ما قولتلك راجل كبير وكان أول رجل عليها ومن ساعتها محافظ عليها أكتر من أي حاجة يعنى بس طبعا ما هوا إلا كاسيت تقريبا بتاع بلدها زي ماهو :d , وولا حاجة طبعا محطوطة فيها , زيها زي المصنع :) , فا أنا كمان عايز أعرف دي لو هاخدها هاخدها منو على كام

المشاركة الأصلية كتبت بواسطة abaza2107

شوف الأعلان ده انا شوفت وانا بقلب قولت افيدك


http://www.nilemotors.net/nile/424283-127-84-a.html

أنا شاكر أفضالك ياريس ربنا يكرمك , بس أنا كنت بدور على التوب اللى هيا مود 79 باب واحد

المشاركة الأصلية كتبت بواسطة egyptiandiver

أهلاً بيك يا أستاذ عمر، و يا رب تكون تمام. اللهم صلي و سلم و بارك على حبيبك المصطفى و على آله و صحبه و سلم تسليماً كثيراً. بالنسبة لسؤال حضرتك... بإختصار كدة هما كلمتين و ماتزعلش مني. بعد تجربة مريرة و عذاب... القديم يغور! وجع قلب و مكانينكي و سمكري و بهيجي و كهربائي و اشي قطع غيار أصلي ولا مضروب و مصنعية لدة و دة و دة! و وقت ضايع و مشاوير دي عربية بقلها بتاع 30 سنة بتدحر في شوارع المحروسة مستني منها إيه بظبط؟! كتر ألف خيرها هي من وجهة نظري العربية قالت خلاص... أنا رأيي إركب عربية والدك حالياً لو مفيش إمكانية إركب مواصلات بكرامتك و كبر قرشك و إركب مواصلات و كدة مهيكونش عليك رخص و لا أي مصاريف صيانة أو بنزين أو مناديية أو أو - إنت عارف إن العربية دي ذي البيت المفتوح...، و لما أمورك المالية تتحسن جيب زيرو أو عربية بقلها سنتين تلاتة شغالة و خلاص و دة عشان تاخد خير العربية و تركب العربية و إنت مرتاح، أنا بجيب عربية عشان اركبها و مش بجيب تهمة عشان تركبني... صح؟ لو غاوي وجع قلب جيب عربية وكلاها البارومة و مش مكيفة و مش هنضحك على بعض مهما تكون العربية حالتها شغالة فهي هتطلع روحك مصاريف و جهد و وقت و حرقت دم و عمرها بردو بعض كل ده مهتزبت معك و ترجع ذي الاول. أنا بكلم حضرتك ذي أخوية و خايف عليك و على قرشك و تعبك و ربنا يعمل لحضرتك الأصلح إن شاء الله و ابقى طمنا. أخوك أحمد سامي

أنا مش عارف أشكر حضرتك إزاي والله , ربنا يكرم حضرتك جدا جدا جدا جدا شكرا جزيلا :))
أنا زي ما قولت للي ربنا يكرمهم ردو عليا برده , أنا قدامي راجل كبير ( 70 سنة ) مش شاب يعنى يروش وو و و , بيتحرك بالعربيه كل فين وفين , يعنى حتا أما سألت قالولى ممكن متعملهاش عمرة ده ماتورها بحالته !! رغم إنها 79 بس برده ماتورها بحالته مبيستعملهاش خالص ولو استعملها ويوم ماتجيب الرابع يبقا عيد :d يعنى حتا الجري بيها مبيجريش , ف العربية تحس إنها لسة زيرو بدون مبالغه , فا ده اللى مخليني ماسك فيها جامد بصراحه , وبوجه عام حبيت العربية عشان حجمها وشكلها بصراحه ولقيت ناس كتير جايباها مظبطاها جامد فا غرتني بشكل مبالغ فيه , ولو إن كلام حضرتك تمام 100 ال 100 :) , فكرة الميكانيكية والجو ده بصراحه أنا عشته ف عرابيات والدي كانت قديمة وطلع عينينا :( , بس الفكرة أنا قصدي لو ميكانيكي عدل خلاص أنا ظبطت كده الآداء وبقيت معايا عربية الناس بتحلم بيها ! فاهم قصدي ؟ وبصراحه جو إنى أتعب وأجيب ميكانيكي عدل ده أعتقد أسهل كتير من المواصلات الإيام دي وخصوصا ف مشواري للكليه بشوف الويل ومعايا أدوات وحاجات ف الكلية بتكفرني ف المواصلات أحيانا , بالمناسبة أنا ف كلية هندسة واحتمال إن شاء الله عمارة فا طبعا كمان شغل عمارة لوح ومسطرة 120 ف المواصلات استحالة !