تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

**R A N A** · 23-10-2008 03:30 PM

المشاركة الأصلية كتبت بواسطة ethan82

طيب ورد عليكي ؟؟

اكيد لأ لاني لا كتبتله رقمي ولا اميلي يعني عشان يرد عليا وكمان انا اصلا مكنتش منتظرة رد عليا انا شخصياً بس زي ماوضحت انا كتبتها منه افش غلي ومنها للذكرى والتاريخ يمكن يكون حد كويس فعلا وغصب عنه ركن ومخدش باله من انه قفل القفلة دي على عربية اللي جنبه.
بس النهاردة وانا داخلة الشارع بتاع الشركة لاقيته راكن بعد ركنة كويسة في وسط العربيات تفتكروا ورقتي عملت مفعول فعلا؟ :D :D

**aboalm** · 23-10-2008 04:00 PM

طيب شوفى يا ستى من مده جيت نازل الصبح و انا عندى جراج فى البيت و المدخل واضح وضوح الشمس لاقيت واحد راكن بالعرض قافل الدنيا تماما نزق العربيه مافيش فايده رحت سايبه له ورقه برضه (( شكرا ان سيادتك عطلتنى عن شغلى )) و رحت بالمترو و كنت ضرورى انزل بالعربيه يومها .
لما رجعت لاقيته حاطط الورقه ليا بيعتذر بصراحه احترمته مع انى كنت حا أطق

**ethan82** · 23-10-2008 04:15 PM

المشاركة الأصلية كتبت بواسطة birdybirdy

اكيد لأ لاني لا كتبتله رقمي ولا اميلي يعني عشان يرد عليا وكمان انا اصلا مكنتش منتظرة رد عليا انا شخصياً بس زي ماوضحت انا كتبتها منه افش غلي ومنها للذكرى والتاريخ يمكن يكون حد كويس فعلا وغصب عنه ركن ومخدش باله من انه قفل القفلة دي على عربية اللي جنبه.
بس النهاردة وانا داخلة الشارع بتاع الشركة لاقيته راكن بعد ركنة كويسة في وسط العربيات تفتكروا ورقتي عملت مفعول فعلا؟ :D :D

ايوه يعني رد والا لأ ؟

**R A N A** · 23-10-2008 04:46 PM

المشاركة الأصلية كتبت بواسطة ethan82

ايوه يعني رد والا لأ ؟

لو حضرتك قريت ردي كويس كنت هاتعرف انه مردش :k41:

**Osama_soliman** · 23-10-2008 05:07 PM

ده موضوع محتاج ثقافة وذوق

- انا لما بركن احاول قدر الاماكن ان مسافة للجنبى

بس برضة ساعات بتكون المكان ضيق جدا

يعنى ممكن نعذر اللى راكن ده

بس برضه لازم يكون فى ذوق عند الناس

**ethan82** · 23-10-2008 05:40 PM

المشاركة الأصلية كتبت بواسطة birdybirdy

لو حضرتك قريت ردي كويس كنت هاتعرف انه مردش :k41:

اه اه خلاص فهمت يعني انتي بعتيلو جواب وهوا مردشت عليك .

طيب متبعتلو تاني يمكن مشافوش

ويجعله عاامر

**tutankhamoun** · 13-11-2008 09:23 AM

فيه مكان بنركن فيه ....... و المكان متخطط عمودي على الرصيف و فيه يافطة تسد عين الشمس مكتوب عليه " من فضلك الركن عمودي "
و ألاقي واحد غبي ........ بجد غبي جدا لأن أغلب العربيات كانت راكنة عمودي ...... هما صحيح متجاهلين الخطوط بس كانوا راكنين عمودي
المهم الغبي ده كان راكن موازي للرصيف بعكس كل اللي كانوا راكنين
المهم أول مرة سيبت ورقة على الزجاج وورقة أخرى على المرايا و باب السائق
و كتبت الأتي

من فضلك .... أركن موازي علشان نقدر نطلع بالعربيات و تسيب مكان تاني لغيرك

لقيته تاني يوم مطنش و عامل أهبل

رحت سايب ورقة تانية بنفس الطريقة و كاتب عليها

لو معدلتش ركنتك .......... هانيملك العجل ........و أخربشلك الصاج ..... و اعذر من أنذر

تالت يوم ..........لقيته زي الألف ......... راكن عمودي ......... و بعدين رابع يوم ساب المركن خالص و راح ركن في مركن تاني و بقى بيركن صح برضه
ناس تخاف متختشيش

الناس دي باردة و معندهاش ريحة الإحساس و الذوق و لا عنده دم

كلمته بالأدب ......... معملش حساب الكلام ..... و خاف لما أتهدد

ده دليل يا جماعة و دليل دامغ كمان إن أحنا شعب مينفعش معاه غير العصايا و قلة الأدب و أنا بتكلم عن الأغلبية مش الكل

أديهم على دماغهم ..........يمشوا مظبوطين ......... ترخرخ الحبل ......يتعوجوا و ما يتظبطوش غير بالعصايا تاني

سيدنا عمرو ابن العاص قالها من 1400 سنة
شعب يلتف حول الطبلة و تفرقهم العصا

و ملوك الفراعنة عرفوا الوصفة السحرية لحكم هذا الشعب و هو انكساره
أدبهم ........يسمعوا الكلام ........ تدلعهم يتعوجوا عليك

**MohaMed_Refaat** · 13-11-2008 11:35 AM

على فكرة كلنا احيانا بنضطر نركن زى الراجل اللى ركن وقفل الباب عليها دة لان مشكلة الركن دية عالمية فى مصر فى عتبة ميدان عابدين والديزة ؟ يعنى كولنا لسنا طرف محايد علشان نحكم فى المشكلة دة الواحد سعات ياخد المشوار من البيت للمكان اللى رايحة فى ربع ساعة ويقعد يدور على ركنة فى تلت ساعة واى حد لو ملقاش ركنة غير زى بتاع المرسيدس حيركنها فهى المشكلة مش فى بتاع المرسيدس بس المشكلة فى البلد وعدم تناسب عدد الباركات مع عدد العربيات .

كامل تعاطفى مع مشكلتك يا birdybirdy بس هو دة رايى

**lordnykon** · 15-11-2008 02:46 AM

3ala fekra ya gama3a hena kaman mmken nekalimel police yenfa3 fi el mawdoo3 dh ..
ana kont fi el mawkef dh 2bl keda w la2eet amin shorta 2oltelo 3ala el 3arabeya elly 2afla 3alaia kallem el wensh w shalo el 3arabeya (el 3araneya el tanya kanet 3ala el P w handbrake kanet marfo3a) w el wensh shadaha koll dh mokabel 5 pounds
heya di masr . w 3ala fekra bardo ben7ebaha w 3aysheen feha mabsooteen..

**Amr_Moh** · 15-11-2008 11:25 AM

المشاركة الأصلية كتبت بواسطة mohamed ibiza

طوبه و اكسريله ازاز السواق و نزلي الهاند و رجعي العربية في نص الشارع بس مش اكتر من كده عشان يتعلم بعد كده لان الورقة دي اخره هيرميها و يقول يعني اعملك ايه ملقتش حته تانية اركن فيها

akeed dah mesh 7al