طيب يا جماعة انا و انا في الجامعة شوفت موقف العن
عربية لادا راكنة عامودي للرصيف و عربية شاهين راكنة وراها موازي ليها
يقوم بتاع اللادا يجي يحركها يلاقيها معشقة .
قام داخل عربيتة واداها مارشدير وفضل يرجع و يخرشم في الشاهين لغاية ما خرج من الركنة
طيب يا جماعة انا و انا في الجامعة شوفت موقف العن
عربية لادا راكنة عامودي للرصيف و عربية شاهين راكنة وراها موازي ليها
يقوم بتاع اللادا يجي يحركها يلاقيها معشقة .
قام داخل عربيتة واداها مارشدير وفضل يرجع و يخرشم في الشاهين لغاية ما خرج من الركنة
لو لقيت عربيتين زنقين عليا من الناحيتين
هاركب من الشنطه
ححاول اركب من اليمين ولو ما نفعش يبقي حاسال بوابين العمارات المجاورة علشان حد ينادي عليه علشان يحرك العربية........ لو ماعرفتش اجيبه يبقي حاشوفلي بواب ولا اتنين من اللي اعرفهم و اخليهم يساعدوني في زق العربية التانية بحيث اعرف اركب عربيتي و حاسيبله معظم عربيته في الطريق وامشي علشان عربيته تتخبط و يحرم يعمل الحركة دي تاني......
بجد برافو عليكي في موضوع الورقة ده
بس فعلا زي ما كتب زميلنا Ss انتم ليه يا جماعة بتنسوا انكم في مصر؟؟؟؟!!!!!!
و بما اننا في مصر تفتكري مفيش حد ماشي في الشارع يكون اخد الورقة؟؟
هو مش هيعمل بيها حاجة بس حيرميها في الشارع نوع من الغتاتة و التباتة و التناحة المتأصلة عند البعض.
بس احلي حاجة انك انخدتي موقف ايجابي بجد ياريت كلنا نعمل كدة يمكن يكون في امل و الناس يبقي عندها دم (الدم هو عبارة سائل احمر يسري في الجسد البشري)
و يقال:-
اني اللي عنده دم بيحس.
و اللي عنده دم احسن من اللي عنده عزبة.
انا بتحصل معايا بس انا اللى بنقى مكان ضيق و اركن فيه و بعدين معرفش انزل من الباب بتاعى ...هههه
بس اللى نرفزنى اكتر انه من كام يوم راكن العربية .. رجعت لقيت واحد واقف ورايا ( عربية لادا قديمة حالتها حالة ) و قافل عليا ..!
كان معايا واحد صاحبى ..قاللى نزقها لفينا الباشا رافع الهاند...
فضلت اكلكس حوالى 5 دقايق مفيش فايدة لحد ما جه راجل طول بعرض قلت شكله هو دا صاحبها ... طلع صاحب العربية اللى راكنة جنبى ...هههه ... استنينا شوية مفيش فايدة ( صاحب العربية معندوش دم .. و بصراحة كدا ميستاهلش انه يسوق عربية زي البنى ادمين اصلاً !! )
الراجل صاحب العربية اللى جنبى قاللى تعالوا نحوال معاها .. و فعلاً! .. زقينا العربية بس كانت تقيلة جدا جدا ... بس نجحت المهمة ... كل دا و صاحب العربية مش موجود برضه ...!!
anty ansana mo7tarma be rad elm fa3l dah askorak
وانت ايه اللي ضمنك ان صاحب العربية بيعرف يقري ويكتب
وحتي لو قري تفتكري انه حيفهم؟؟؟
احنا في مصر
بس بحييكي علي ايجابيتك
وكويس انك مسكتي اعصابك واحد تاني (زيي مثلا) كان اتهور او عمل حاجة تانية محبش اوصي بيها
هو احتمال فعلا ميكونش بيعرف يقرا او يكتب :U_thin1[1]: بس انا مفكرتش في الاحتمال ده يعني :Ka_che1[1]: اصلي مش متخيلة ان في حد لحد دلوقتي مش بيعرف يقرا ويكتب يعني حتى لو مش متعلم :girlsthink:.
بس انا عملت كده من باب اني افرغ شحنة الغضب والنرفزة :H_angry[1]: اللي حصلتلي من الموقف وخلاص ولما يقراها يحس على دمه وميكررش العملة دي تاني أو برده ميكونش خد باله يعني ومش قاصد يركن ركنة زبالة زي دي فلما يقرا الورقة دي يبقي يركز بعد كده وهو بيركن يعني :whtauwant:
بس انا شايفة اغلب الردود هنا بتحث على افعال شريرة زي اكسري الزجاج او زقي العربية في نص الشارع او اخبطيله عربيته :Copy of majd(4): بصراحة انا مبحبش اعمل كده :N_no[1]: عشان بستحرم وبقول اكيد هاتتردلي في يوم من الايام و سهيت او غصب عني ركنت وقفلت على حد.
بس حاضر ياجماعة المرة الجاية هاحاول ابقي شريرة :36_9_4:واعمل حل عنيف شوية :shine[1]: