تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

**moustafamoussa** · 22-11-2008 04:11 AM

طيب يا جماعة انا و انا في الجامعة شوفت موقف العن
عربية لادا راكنة عامودي للرصيف و عربية شاهين راكنة وراها موازي ليها
يقوم بتاع اللادا يجي يحركها يلاقيها معشقة .
قام داخل عربيتة واداها مارشدير وفضل يرجع و يخرشم في الشاهين لغاية ما خرج من الركنة

**hanyelwaly2010** · 22-11-2008 02:43 PM

لو لقيت عربيتين زنقين عليا من الناحيتين
هاركب من الشنطه

**abzoabzo** · 16-12-2008 04:31 PM

المشاركة الأصلية كتبت بواسطة gemino

حادخل من الباب اليمين عادى و مش حاكتب ورقة و لا أعمل اى حاجة علشان ممكن جدا اللى راكن كده ده مايكونش بيعرف يقرا و يكتب ....................بس لو مجهود دخول العربية زاد و العملية قلبت بقرف يبقى مافيش غير الواد مسمار (مفك مصدى) و جنب العربية كله و انا راجع بضهرى علشان اطلع من الركنة

:k32: كلام الناس الغقلين للاننا فى زمن الغاب ولازمن ولابد تاخد حقق بايدك مجدش فاضى يجبلك حقق والشرطة مش فاضية لحد الله يعنهم على التقليب من الغلابة اللى بمثلوا انهم غلابة :k32:

**thegoodhacker** · 21-12-2008 05:41 PM

ححاول اركب من اليمين ولو ما نفعش يبقي حاسال بوابين العمارات المجاورة علشان حد ينادي عليه علشان يحرك العربية........ لو ماعرفتش اجيبه يبقي حاشوفلي بواب ولا اتنين من اللي اعرفهم و اخليهم يساعدوني في زق العربية التانية بحيث اعرف اركب عربيتي و حاسيبله معظم عربيته في الطريق وامشي علشان عربيته تتخبط و يحرم يعمل الحركة دي تاني......

**SAMER_ENGINES** · 21-12-2008 07:35 PM

بجد برافو عليكي في موضوع الورقة ده
بس فعلا زي ما كتب زميلنا Ss انتم ليه يا جماعة بتنسوا انكم في مصر؟؟؟؟!!!!!!
و بما اننا في مصر تفتكري مفيش حد ماشي في الشارع يكون اخد الورقة؟؟
هو مش هيعمل بيها حاجة بس حيرميها في الشارع نوع من الغتاتة و التباتة و التناحة المتأصلة عند البعض.
بس احلي حاجة انك انخدتي موقف ايجابي بجد ياريت كلنا نعمل كدة يمكن يكون في امل و الناس يبقي عندها دم (الدم هو عبارة سائل احمر يسري في الجسد البشري)
و يقال:-
اني اللي عنده دم بيحس.
و اللي عنده دم احسن من اللي عنده عزبة.

**M.Osman** · 21-12-2008 09:38 PM

انا بتحصل معايا بس انا اللى بنقى مكان ضيق و اركن فيه و بعدين معرفش انزل من الباب بتاعى ...هههه

بس اللى نرفزنى اكتر انه من كام يوم راكن العربية .. رجعت لقيت واحد واقف ورايا ( عربية لادا قديمة حالتها حالة ) و قافل عليا ..!

كان معايا واحد صاحبى ..قاللى نزقها لفينا الباشا رافع الهاند...

فضلت اكلكس حوالى 5 دقايق مفيش فايدة لحد ما جه راجل طول بعرض قلت شكله هو دا صاحبها ... طلع صاحب العربية اللى راكنة جنبى ...هههه ... استنينا شوية مفيش فايدة ( صاحب العربية معندوش دم .. و بصراحة كدا ميستاهلش انه يسوق عربية زي البنى ادمين اصلاً !! )

الراجل صاحب العربية اللى جنبى قاللى تعالوا نحوال معاها .. و فعلاً! .. زقينا العربية بس كانت تقيلة جدا جدا ... بس نجحت المهمة ... كل دا و صاحب العربية مش موجود برضه ...!!

**ahmed_samir_ahmed10** · 02-01-2009 06:49 AM

anty ansana mo7tarma be rad elm fa3l dah askorak

**mo7a_mo7a** · 02-01-2009 06:38 PM

وانت ايه اللي ضمنك ان صاحب العربية بيعرف يقري ويكتب
وحتي لو قري تفتكري انه حيفهم؟؟؟

احنا في مصر
بس بحييكي علي ايجابيتك
وكويس انك مسكتي اعصابك واحد تاني (زيي مثلا) كان اتهور او عمل حاجة تانية محبش اوصي بيها

**mo7a_mo7a** · 02-01-2009 06:40 PM

المشاركة الأصلية كتبت بواسطة SuccessCre8or

انا بتحصل معايا بس انا اللى بنقى مكان ضيق و اركن فيه و بعدين معرفش انزل من الباب بتاعى ...هههه

بس اللى نرفزنى اكتر انه من كام يوم راكن العربية .. رجعت لقيت واحد واقف ورايا ( عربية لادا قديمة حالتها حالة ) و قافل عليا ..!

كان معايا واحد صاحبى ..قاللى نزقها لفينا الباشا رافع الهاند...

فضلت اكلكس حوالى 5 دقايق مفيش فايدة لحد ما جه راجل طول بعرض قلت شكله هو دا صاحبها ... طلع صاحب العربية اللى راكنة جنبى ...هههه ... استنينا شوية مفيش فايدة ( صاحب العربية معندوش دم .. و بصراحة كدا ميستاهلش انه يسوق عربية زي البنى ادمين اصلاً !! )

الراجل صاحب العربية اللى جنبى قاللى تعالوا نحوال معاها .. و فعلاً! .. زقينا العربية بس كانت تقيلة جدا جدا ... بس نجحت المهمة ... كل دا و صاحب العربية مش موجود برضه ...!!

وطبعا لما حركتوها قفلت علي ناس تانيين!!!!