الموضوع: تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

قوانين المرور( فى الدول الى فيها قانون مرور)بتنص على انك لما تركن تركن بوشك و مفيش حاجه اسمها اركن بضهرى و لو ركنت بالضهر تاخد مخالفه

بصراحه انا اول مره اسمع الكلام ده من حضرتك ده حتى الخبراء الاجانب فى الشركه عندنا ايطاليين وبيقولوا ان القانون عندهم العكس يعنى لو حتركن عمودى يبقى بضهرك مش بوشك

موضوع شركات البترول ده بس بيكون فى المواقع بس لسرعة الهرب عند حدوث طوارىْ حريق او انفجار

فى المواقع و فى الاداره مش لمواقع بس

(ده لو حد عرف يهرب اساسا)

هههههههههههه على رأيك ربنا يستر

لو انا عملت زيك كده و ارتبطت بكل انسان كسرت له عربيته و زقيتها له من امام الجراج بتاعى كان زمانى مرتبط بنص المنطقه اللى ساكن فيها. برجالتها, بمدامتها, بضيوفهم اللى على طول رايحيين جاييين بايتيين

ههههههههههههه شكلك غاوى تكسير و عامة انا حرمت (لايلدغ المؤمن من جحر مرتين) :)

السلام عليكم
حلو موضوع الورقة ده و على طول معايا نوتة وقلم للحا جات دي خاصة لازم أعرفه انه لو ههو اللي مكاني كان عمل ايه
ولو معايا وقت أستناه أفهم ظروفه ايه
حلو كمان ان الواحد يحسس شرطة المرور-إن وجدوا- بدورهم ويستدعيهم ولو إنهم كتروا في مناطق معينة
وفيه حاجة مهمة أوي إن لو في سايس من اللي مرميين في الشوارع اللي بيشاور ده وياخد فلوس ,طبعا أتخانق معاه وماديلوش فلوس لإنه مش عامل حاجة
وبالمناسبة دي أقترح أو أذكر إن ممكن ظروفنا تدفعنا إننا نركن ركنة وحشة أو نقفل على حد وفي الحالة دي ظريف نحط ورقة بمكاننا