تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

**R A N A** · 13-10-2008 12:38 AM

النهاردة وانا راجعة من شغلي وراكنة العربية في اخر الشارع عشان مكنش فيه ركنات قدام الشركة كالعادة وركنت عمودي على الرصيف زي ماكل العربيات راكنة رجعت لاقيت عربية مرسيدس موديل قديم بس حجمها كبير ويدوب دخل بين العربيتين بالعافية وجزء من عربيته من ورا طالع طبعا للشارع عن باقي العربيات لانه كان في اخر الصف والصف اللي بعديه راكن موازي للرصيف عشان عربيته طويلة (يارب تكونوا متخيلين الصورة وفاهمين قصدي) المهم الركنة بتاعة الأستاذ ده دي خلتني معرفش ادخل مابين العربيتين ولا افتح الباب لان المكان ضيق جدا ميدخلش اي بني ادم مهما كان حجمه قليل (مع العلم انا رفيعة ومع ذلك المكان مساعنيش لإنه ضيق جدا) اعمل ايه رحت فتحت العربية من الباب التاني ودخلت جوة العربية بالعافية ونقلت على كرسي السواق وطبعا وضع سخيف جدا :k26: ودورت العربية وكمان افتكرت اني مشيلتش الشماستين الخلفيتين اللي بحطهم على الإزاز :k41: وعشان اعرف اشوف ورايا وارجع بضهري اضطريت اقوم واتحرك جوة العربية لحد ماطولت الشماستين وشيلتهم بالعافية بردة يعني عملت اكروبات جوة العربية :k34: النهاردة عشان اطلع بيها من المأزق ده والحمد لله ان المسافة بيني عربيتي والعربية اللي جنبها من الناحية التانية سمحتلى بده والا مكنتش هاروح النهاردة وافضل مستنية حضرته يشرف ده لو نزل يومها تاني ومكنش روح بيته نام وقرر ماينزلش غير تاني يوم الصبح .
من غيظي بصراحة قلت اعمل ايه طيب في البني ادم اللي مفكرش في الناس اللي راكنة جنبه ده وركن الركنة المنيلة دي رحت كتبت ورقة محتواها الآتي:

(حرام عليك بسبب ركنة حضرتك اضطريت ادخل من الباب التاني لعربيتي وعانيت على ماطلعتها من الركنة دي لان حضرتك منعتني من دخول عربيتي من باب السائق طبعا بركنتك دي ارجوك تبقي تراعي الناس اللي راكنة جنبك شوية وانت بتركن عربيتك).
ولما طلعت من الركنة وقفت عربيتي ونزلت حطيتهاله تحت المساحة الأمامية :k41:.
الموقف بجد غاظني جدا وومبقتش عارفة اعمل ايه فكتبتله الورقة دي لعلّ وعسي لما يقراها ياخد باله بعد كده وهو بيركن.
خصوصا اني بحاول وانا بركن اراعي المسافة بيني وبين العربية اللي جنبي حتى لو في اصعب الظروف كانت المسافة ضيقة بتكون من ناحية الباب التاني بتاع اللي هايركب جنب السائق لانه ممكن ينتظره لحد مايطلع العربية من الركنة ويركب بعد كده لكن باب السائق بالذات لازم اسيبله مسافة يعرف يدخل منها لان ده الشخص اللي هايحرك العربية ويخرجها من الركنة اصلا وفي عربيات صعب جدا انك تركب من الباب التاني وتنقل على باب السواق.
انا حكيت الموقف ده من غلبي وعايزة اعرف ارائكوا في اللي انا عملته ده ولو انتوا مكاني هاتعملوا ايه؟ :K14:

**islamnabil** · 13-10-2008 01:53 AM

في اوروبا و الدول المتقدمة (زي دول الخليج مثلا :K15:)
من حقك انك تطلبي النجدة و هما يجوا يشولولك العربية اللي مضايقاكي بالونش
او على الاقل بيتصلوا بصاحب العربية عشان ينزل يحرك عربيته
وطبعا اساسا عندهم اماكن الانتظار مخططة و عرضها واسع جدا بحيث ان ممكن عربيتين بيك اب يركنوا جنب بعض و يكونوا ملتزمين بالخطوط و مافيش حد قافل على التاني

المهم طبعا تصرفك ايجابي و ياريت فعلا ماحدش يسكت على الغلط اللي بيشوفه

SS · 13-10-2008 02:15 AM

عادى جدا جدا ...مش عارف ليه دايما يا جماعة بتنسوا انكم فى مصر ...عموما الحمد لله انه ماكنش واقف ورا منك موازى و معشق...و كويس جدا موضوع الورقة ده انا كنت بفكر فيه من فترة بصراحة عشان ما اتخانقش مع حد ..و اهو يمكن الزوق يجيب نتيجة و الناس تحس....بس قولى لى كنت هاتعملى لو تصادف وجود مشكلة عندك فى الباب اليمين زى ماحصل معايا؟

**mohamed2002** · 13-10-2008 02:23 AM

المشاركة الأصلية كتبت بواسطة birdybirdy

الموقف بجد غاظني جدا وومبقتش عارفة اعمل ايه فكتبتله الورقة دي للّ وعسي لما يقراها ياخد باله بعد كده وهو بيركن.
:K14:

تصرف سليم وايجابي انك كتبتي الورقة دي

**ahmedsrs** · 13-10-2008 06:59 AM

الورق مش بيجيب نتيجة فى ناس عندها تبلد ومبتحسش بسهولة بس هو فى حل فى الحالات دى
1- لو المكان مزنوق وزحمه و حاسس ان فى حد ممكن يعمل الحركة دى بسيب العربية فى وضع المور عشان اعرف احركها بسهولة عشان اركب .
2- لو هو عربيته ممكن تتزق بزقها شويه وبعدين ارجعها مكانها .
3- لو مفيش فايدة وخلاص لادى ولادى نافعة فى تصرف بس مينفعش الواحد يقوله

**abo_hosni** · 13-10-2008 07:03 AM

موقف مش ظريف طبعاً. و فكرة الورقة دي كويسة ممكن يخللي عنده دم بعد كده
في طريقة تانية للدخول للعربية من غير أبواب :) امبارح وقفت مع واحد نسي مفاتيح عربيته جوه (باسات قديمة) و سألني على مفاتيح رفيعة و حاولت معاه طبعاً ما ينفعش نفتح قفل الأبواب. قلت له نجيب المفاتيح الاستبن أحسن قال لي "في الاسماعيلية" لكن عرفنا نفتح الشنطة. عمل إيه بعدها؟ قام نايم جوه الشنطة و طلع إيده بصعوبة جداً من ورا الكنبة و شد الدراعات دي عشان يتني الكنبة. و هب دخل للصالون من الشنطة :)

**zarkoor** · 13-10-2008 09:01 AM

عادى جدا
اخلاق الغابه هى السائدة دلوقتى
المحترم بحترمه
اما اللى بيستعبط فا احنا برضه بنعرف نستعبط و نضحك برضه الضحكة البلهاء و نقول معلش

لو عربية صغيره بزوقها انا و اصحابى حتى لو معشقه و ذنبه على جنبه لو حاجه حصلت فى الموتور او رفرف اتخلع او اكصدام و احنا بنشلها هيلا بيلا

اما لو عربيه كبيره فعادى جدا نزق بمفك الازاز و نحاول نفتح الباب و نفك الفرامل او التعشيقه و لو صاحبها جه و احنا بنعمل كده نهاره اسود لو فتح بقه

الاحترام للمحترم فقط

**drhaytham** · 13-10-2008 09:37 AM

المشاركة الأصلية كتبت بواسطة birdybirdy

النهاردة وانا راجعة من شغلي وراكنة العربية في اخر الشارع عشان مكنش فيه ركنات قدام الشركة كالعادة وركنت عمودي على الرصيف زي ماكل العربيات راكنة رجعت لاقيت عربية مرسيدس موديل قديم بس حجمها كبير ويدوب دخل بين العربيتين بالعافية وجزء من عربيته من ورا طالع طبعا للشارع عن باقي العربيات لانه كان في اخر الصف والصف اللي بعديه راكن موازي للرصيف عشان عربيته طويلة (يارب تكونوا متخيلين الصورة وفاهمين قصدي) المهم الركنة بتاعة الأستاذ ده دي خلتني معرفش ادخل مابين العربيتين ولا افتح الباب لان المكان ضيق جدا ميدخلش اي بني ادم مهما كان حجمه قليل (مع العلم انا رفيعة ومع ذلك المكان مساعنيش لإنه ضيق جدا) اعمل ايه رحت فتحت العربية من الباب التاني ودخلت جوة العربية بالعافية ونقلت على كرسي السواق وطبعا وضع سخيف جدا :k26: ودورت العربية وكمان افتكرت اني مشيلتش الشماستين الخلفيتين اللي بحطهم على الإزاز :k41: وعشان اعرف اشوف ورايا وارجع بضهري اضطريت اقوم واتحرك جوة العربية لحد ماطولت الشماستين

وشيلتهم بالعافية بردة يعني عملت اكروبات جوة العربية :k34:

النهاردة عشان اطلع بيها من المأزق ده والحمد لله ان المسافة بيني عربيتي والعربية اللي جنبها من الناحية التانية سمحتلى بده والا مكنتش هاروح النهاردة وافضل مستنية حضرته يشرف ده لو نزل يومها تاني ومكنش روح بيته نام وقرر ماينزلش غير تاني يوم الصبح

.
من غيظي بصراحة قلت اعمل ايه طيب في البني ادم اللي مفكرش في الناس اللي راكنة جنبه ده وركن الركنة المنيلة دي

رحت كتبت ورقة محتواها الآتي:

(حرام عليك بسبب ركنة حضرتك اضطريت ادخل من الباب التاني لعربيتي وعانيت على ماطلعتها من الركنة دي لان حضرتك منعتني من دخول عربيتي من باب السائق طبعا بركنتك دي ارجوك تبقي تراعي الناس اللي راكنة جنبك شوية وانت بتركن عربيتك).
ولما طلعت من الركنة وقفت عربيتي ونزلت حطيتهاله تحت المساحة الأمامية :k41:.
الموقف بجد غاظني جدا وومبقتش عارفة اعمل ايه فكتبتله الورقة دي لعلّ وعسي لما يقراها ياخد باله بعد كده وهو بيركن.
خصوصا اني بحاول وانا بركن اراعي المسافة بيني وبين العربية اللي جنبي حتى لو في اصعب الظروف كانت المسافة ضيقة بتكون من ناحية الباب التاني بتاع اللي هايركب جنب السائق لانه ممكن ينتظره لحد مايطلع العربية من الركنة ويركب بعد كده لكن باب السائق بالذات لازم اسيبله مسافة يعرف يدخل منها لان ده الشخص اللي هايحرك العربية ويخرجها من الركنة اصلا وفي عربيات صعب جدا انك تركب من الباب التاني وتنقل على باب السواق.
انا حكيت الموقف ده من غلبي وعايزة اعرف ارائكوا في اللي انا عملته ده ولو انتوا مكاني هاتعملوا ايه؟ :K14:

انا بحييك على انك سبتيله الورقة لانه لازم نبطل السلبيه اللي جايبانا ورا دي

**KoDaK_Gti** · 13-10-2008 10:17 AM

انا كل يوم بعانى من الموضوع ده عند شغلى والغلط فى الركنة العمودى اصلا غلط هى اللى بتسبب المشكلة دى
ولو بصيتى على عربيته من الجمب التانى هتلاقيه موسع لنفسه مكان علشان سيادته ينزل
بس نصيحة لما تركنى عمودى اركنى بضهرك يعنى خلى الشنطة هى اللى تكون فى الرصيف
متدخليش بوش العربية وسيبيها ممورة ومش هتتزنقى الزنقة الوحشة دى تانى ان شاء الله حتى لو اتزنقتى هتزقيها مسافة متر بالظبط وهتعرفى تفتحى بابك وتركبى من غير اكروبات

الناس اهم حاجة مصلحتها وبس

**Yarisawy** · 13-10-2008 11:17 AM

حلو موضوع الورقه ده .. انا بحاول اتجنب على قد ما اقدر ان حد يقفل عليا بس اكيد بتحصل معايا وبقعد اعافر عشان اطلع ... لو مش حرام والله الواحد كان خرم الكاوتش بتاع العربيه لان الناس دول فاكرين انهم عايشين لوحدهم

الموضوع: تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

تحذير: ردارات المحور رجعت تعمل

ظابط مرور راكن علي الشمال - عايزين ايه تاني

تحذير .... لو جنبك خط ارضي ماترحموش

تعمل ايه لو لاقيت حد قافل عليك وانت راكن؟

لو فكرت تروح تعمل صيانة لعربيتك بلاش احسن

الكلمات الدلالية لهذا الموضوع

المفضلات

المفضلات

ضوابط المشاركة