تعمل إيه لو رجعت لاقيت حد راكن جنبك على الشمال ومانعك من الدخول لعربيتك؟؟؟؟
النهاردة وانا راجعة من شغلي وراكنة العربية في اخر الشارع عشان مكنش فيه ركنات قدام الشركة كالعادة وركنت عمودي على الرصيف زي ماكل العربيات راكنة رجعت لاقيت عربية مرسيدس موديل قديم بس حجمها كبير ويدوب دخل بين العربيتين بالعافية وجزء من عربيته من ورا طالع طبعا للشارع عن باقي العربيات لانه كان في اخر الصف والصف اللي بعديه راكن موازي للرصيف عشان عربيته طويلة (يارب تكونوا متخيلين الصورة وفاهمين قصدي) المهم الركنة بتاعة الأستاذ ده دي خلتني معرفش ادخل مابين العربيتين ولا افتح الباب لان المكان ضيق جدا ميدخلش اي بني ادم مهما كان حجمه قليل (مع العلم انا رفيعة ومع ذلك المكان مساعنيش لإنه ضيق جدا) اعمل ايه رحت فتحت العربية من الباب التاني ودخلت جوة العربية بالعافية ونقلت على كرسي السواق وطبعا وضع سخيف جدا :k26: ودورت العربية وكمان افتكرت اني مشيلتش الشماستين الخلفيتين اللي بحطهم على الإزاز :k41: وعشان اعرف اشوف ورايا وارجع بضهري اضطريت اقوم واتحرك جوة العربية لحد ماطولت الشماستين :wacky: وشيلتهم بالعافية بردة يعني عملت اكروبات جوة العربية :k34: :willy_nilly: النهاردة عشان اطلع بيها من المأزق ده والحمد لله ان المسافة بيني عربيتي والعربية اللي جنبها من الناحية التانية سمحتلى بده والا مكنتش هاروح النهاردة وافضل مستنية حضرته يشرف ده لو نزل يومها تاني ومكنش روح بيته نام وقرر ماينزلش غير تاني يوم الصبح :pissedoff:.
من غيظي بصراحة قلت اعمل ايه طيب في البني ادم اللي مفكرش في الناس اللي راكنة جنبه ده وركن الركنة المنيلة دي :Lighten: رحت كتبت ورقة محتواها الآتي:
(حرام عليك بسبب ركنة حضرتك اضطريت ادخل من الباب التاني لعربيتي وعانيت على ماطلعتها من الركنة دي لان حضرتك منعتني من دخول عربيتي من باب السائق طبعا بركنتك دي ارجوك تبقي تراعي الناس اللي راكنة جنبك شوية وانت بتركن عربيتك).
ولما طلعت من الركنة وقفت عربيتي ونزلت حطيتهاله تحت المساحة الأمامية :k41:.
الموقف بجد غاظني جدا وومبقتش عارفة اعمل ايه فكتبتله الورقة دي لعلّ وعسي لما يقراها ياخد باله بعد كده وهو بيركن.
خصوصا اني بحاول وانا بركن اراعي المسافة بيني وبين العربية اللي جنبي حتى لو في اصعب الظروف كانت المسافة ضيقة بتكون من ناحية الباب التاني بتاع اللي هايركب جنب السائق لانه ممكن ينتظره لحد مايطلع العربية من الركنة ويركب بعد كده لكن باب السائق بالذات لازم اسيبله مسافة يعرف يدخل منها لان ده الشخص اللي هايحرك العربية ويخرجها من الركنة اصلا وفي عربيات صعب جدا انك تركب من الباب التاني وتنقل على باب السواق.
انا حكيت الموقف ده من غلبي وعايزة اعرف ارائكوا في اللي انا عملته ده ولو انتوا مكاني هاتعملوا ايه؟ :K14: