عرض للطباعة
يا جماعة محتاج مساعدتكو عشان انا بفكر اجيب جولف 5 موديل 2006 او 2007 بس ديه هتبقى اول عربية اشتريها فا عايز اعرف بالنسبة لاسعار قطع الغيار والصيانة بتاعتها هل اسعار عالية اوي مقارنة مثلا بالسيراتو ولا الاسعار قريبة ياريت مساعدتكو عشان ناس كتير بتقولي بلاش الجولف خليك في السيراتو او اللانسر عشان قطع الغيار والصيانة تقدر عليها.
شكرا مقدما
فعلا اسعار قطع الغيار نار و لو انت مش قدها يبقي سبها احسن
انا والدي معاه جيتا وطبعا بعد لما شفته بيدفع فلوس كتير ف الصيانات انا ذات نفسي جبت النترا 2010
الي انا سمعته ان اه قطع الغيار سعرها عالي مقارنة بالكوري طبعا بس في نفس الوقت التحمل بتاع قطع الغيار ديه اعلى بكتير من اي حاجه تانيه فا بتعيش اكتر بكتير فا ياريت لو حد معاه جولف 5 يقولنا كده الصيانة بتتكلف كام وقطع الغيار اللي بتتغير كتير سعرها كام
فكك هي بتقعد اكتر بس لو حصلت معاك مشكله هتقعد تلف ورا العربيه ...... حضرتك انا ظاهرلي صوت غريب لما بمشي بالعربيه وده لحن الصوت تك تك تك تك والتوكيل مش عارف ايه ده وبيقولي النهارده سبلنا العربيه نقعد كام يوم رحت قولتله ما انا سبتلكم العربية من اسبوعين وقعدتوها 4 ايام! وقولتولي مش عارفين وهنبعت لالمانيا .... قالي المانيا برضو مش عارفه!!!! لازم يتسمع الصوتاقتباس:
المشاركة الأصلية كتبت بواسطة mino2824
قولتله استني استلم عربيتي الجديده واديها لوالدي يسوقها وابقي اديكم العربيه تقعدها تشتغلو فيها لو حتي شهر
ان بالنسبة ليا عاوز اطمن عالفتيس بس
هل فيه مشاكل ؟
لااقتباس:
المشاركة الأصلية كتبت بواسطة s o p h o s
غيرت كلتشات علي 60 الف
والفتيس مشاء الله عليه جبار
شوف يا اخ mino العربية الجولف عربية ممتازة وهى رقم 1 فى الهاتشباك فى العالم بس فى حاجات عاوزك تخليها ادام عينك الا وهىاقتباس:
المشاركة الأصلية كتبت بواسطة mino2824
حالة العربية لان العربية دى كل الى بيركبها شباب فا هتكون متبهدلة
العربية مغيرة موتور ولا لا
الصيانات الدورية بتاعتها وهل الفتيس بتاعها فية مشاكل ولا وهل تم تغير زيت الفتيس ولا لا لان لازم تغير زيت الفتيس كل 60 الف كيلو متر بالنسبة للموتور 1600 الى بينزل فيها
بالنسبة لقطع الغيار موجود منها الاصلى والى تحت الاصلى يعنى مثلا التيل انا بغيرة فى عربيتى الجيتا هى هى الجولف ب حوالى 600 جنية كل حوالى 25 او 30 الف كيلو على حسب الاستخدام
المساعدين مثلا فى الجيتا الاصلى ب 2200 انما ممكن تجيب بديل لية وتركبة ب 700 او 800 جنية وهيقضى نفس الغرض وفى كمان قطع غيار استيراد
بالنسبة للصنايعية والميكانيكية بتوع فولكس كتير ومتوفرين برة وموجود الكمبيوتر بتاع العربية برة فا مش هتغلب فى صيانة او تصليح
بالنسبة للصيانة كل 10000 كيلو وفى العادى بتتكلف حوالى 500 او 600 جنية منهاا حوالى 350 جنية زيت ومش متذكر كام بظبط وتربيط عفشة وتدخيلها على الكمبيوتر وغسل الموتور والشغل دا
والصيانة ال 10000 الى بعدها بتخش معايا فى 800 او 900 لانى كل 20000 كم بغير فلاتر وبوجيهات عشان اداء العربية واستهلاك البنزين لان البنزين فى مصر سيئ
ولو محتاج تستفسر عن اى شيئ فى العربية انا تحت امرك وانا برد عليك من واقع استخدامى للجيتا الى هى نفسها الجولف الى بشنطة