يا جماعة ايه رايكم الميه الخضرا ام الميه الحمرا انا حاطط ميه خضرا موبيل بس الجركن ما كفاش و بتاع الردياتير كمل بميه من الحنفيه ده غلط ولا صح كمان صنيعى قالى الميه الخضراء الموبيل دى حميه على العربيه و غيرها بميه حمرا ايه الصح فى الموضوع ده
عرض للطباعة
يا جماعة ايه رايكم الميه الخضرا ام الميه الحمرا انا حاطط ميه خضرا موبيل بس الجركن ما كفاش و بتاع الردياتير كمل بميه من الحنفيه ده غلط ولا صح كمان صنيعى قالى الميه الخضراء الموبيل دى حميه على العربيه و غيرها بميه حمرا ايه الصح فى الموضوع ده
غلط انه زود ميه من الحنفية
الميه الخضرا ولا حامية ولا حاجة بس هي مش مناسبة للعربية ... اللي مناسب حضرتك هتعمل الاتي
هتنزل الماية دي كلها لان دخل فيها ماية من الحنفية ودي هتبوظ لك دورة التبريد وتعمل املاح
هتروح تشتري مياه توتال من اي بنزينة توتال ... سعر ال 4 لتر ب 63 جنيه ... العربية بتاخد حسب الكتالوج بالظبط 5.45 لتر ...
يبقي انت تجيب اتنين جركن 4 لتر وتخلي الباقي معاك تزود بعدين منه
يا اما تجيب جركن 4 لتر ... وتشتري لتر لوحده ب 18 جنيه
توتال تركيزها 33%
اشكرك بارك الله فيك
انا بعت لشركة توتال أسألهم عن الفروق بين أنواع مياه التبريد ورد عليا مهندس من عندهم وقالي إن الفرق بين أنواع المياه هو إن كل نوع بيكون مصمم لموتور معين وراديتير معين لأن في مواتير بتتصنع من الحديد ومواتير بتتصنع من الألومنيوم وفي راديتير بيتعمل من الألمونيوم ونوع تاني من النحاس
المياه الحمرا بتاعة توتال بتمشي مع كل الأنواع دي حسب كلام المهندس بتاعهم
لو عاوز تجرب نوع تاني إبعت للشركة بتاعته إسألهم الأول لأن ممكن تكون المياه مش معمولة للمادة بتاعة موتورك أو الراديتير بتاعك فتبوظه
الكلام اللي تحت من الداتا شيت بتاعة مياه توتال الحمرا للي عاوز يقراها
COOLELF AUTO SUPRA –26°C can be used for cast iron as well as aluminium engines, and also in engine radiators in aluminium or copper alloy.
طبعا مياه توتال الحمراء أفضل حاجه وكمان صنع في فرنسا يعني حاجه محترمة ومفيهاش غش