السلام عليكم
عايز الزق ستيكر اسود على سقف العربية وحتى من الكبوت
ومش عارف الحكاية دي فيها مشاكل ولا ايه وكمان حكاية تفييم الفوانيس
ياريت حد يفيدني
عايز اخليها زي دي كدة
http://up.as7abi.com/images/p6oxpkff...i0zy_thumb.png
السلام عليكم
عايز الزق ستيكر اسود على سقف العربية وحتى من الكبوت
ومش عارف الحكاية دي فيها مشاكل ولا ايه وكمان حكاية تفييم الفوانيس
ياريت حد يفيدني
عايز اخليها زي دي كدة
http://up.as7abi.com/images/p6oxpkff...i0zy_thumb.png
اقصد حتة من الكبوت سوري ياجماعة
ممنوع وضع اى ملصقات على اى مكان فى العربية سواء الجسم او الزجاج و الا تبقى مخالف و تدفع غرامة و يتنططو عليك بلاش احسن
كل حاجة ممنوع ممنوع ممنوع ممنوع ممنوع
العربية لازم تكون كما ولدتها امها بدون اي حاجة ولا حتى معطر ع المراية بتاعت الصالون
عمار يا مصر
انت مشربتش من نيلها ولا ايه
ممنوع وغير كده بيلم تراب ومؤرف جدا فى تنضيفه وكمان لما تيجى تشيله هيبوظلك دهان العربية
للاسف ممنوع
بص يا جميل هوا ممنوع طبعا حتى لو كنت مرخص العربية لونين باردو.
لو ظابط (رخم) وقفك هيسحب الرخص طبعا ودى حصلت معايا زمان قبل مرش العربية وكان ظابط فى اسكندرية .
وكمان الاستيكر مش بيبوظ البوية ولا حاجة انا قعدت مركبة لمدة تزيد عن سنتين وشيلتوه وركبتو تانى ومحصلش حاجة فى اللون لحد فى الاخر قولت أرش الكبوت والشنطة وعملت استيكر على السقف والقوايم ورخصتى لونين من زمان واالحمد لله بدخل أى كمين طبعا الأمناء بيجو جرى عليا وظباط تنط على العربية وبعدين بيشوفو الرخص ويتكبسو ويقولولى اتفضل .:err:
انا كنت عامل كده ع الكبوت لغاية معاد الفحص رحت رشه اسود وفحصت وعملت الرخصة لونين فضي في اسود
طيب ولو عملت الرخصة لونين
ينفع اعمل جزء من الكبوت بس اسود ولا لازم الكبوت كله؟
؟؟؟؟؟؟؟؟؟؟؟؟؟
بص يا باشا انا واحد صاحبي كان عامل خط عريض على الكبوت و الشتطة و السقف
اتخالف لحد مازهق و شاله في الاخر :)
ابعد عن الشر و غنيله الضباط و المرور في مصر حاجه جميييله اوي
حكاية اللونين الله اعلم ماقدرش افتي :)
طيب أنا أسف أولاً لأن سؤالي مختلف شوية
لو أنا عندي شوية خرابيش في العتب وخايف عليهم من البارومة والمية في الشتاء ممكن أغطيهم بالإستيكر ده زي كده ما شوفت إستيكر على بعض العتب بتاع العربيات الجديدة ويا ترى هيحميني وهل هلاقي اللون إلي أنا عايزة والاقي فين معلش أصلي جديد لسة
الاماكن عند مصر الجدية شارع دمشق عند محل اسمه ابراهيم
وفي الهرم في شارع المطبعة و التعاون
معلش يا جماعة انا عندي سؤال تاني بخصوص الموضوع ده
هنا في الامارات بيلزقو ستيكر علي كل مساحة العربية، الستيكر ده بيكون بنفس لون العربيه بالضبط بس الفكرة انو مش ميتليك بيكون لون مطفي يعني.
لو انا جبت الستيكر ده معايا من الامارات ممكن الاقي حد في مصر يلزقهولي.
و هل انا محتاج اغير لون العربية في الرخصة عشان انا لزقت ستيكر بنفس لون الرخصة بس اللون مطفي (مش ميتاليك يعني) و هل ستيكر زي ده بكل مساحة العربية اخد عليه مخالفة؟
انا نفسى والله العظيم بجد اعرف اية اللى مسموح بية من الاكسسوارات لانى بصراحة والله العظيم بامانة اتعقدت نفسيا من المرور الواحد بقى عامل زى المهربيين كل ميركب حاجة يبقى خايف ليتافش فى كمين كل حاجة ممنوع فياريت لو حد يعرف اية اللى مسموح يقولى وجزاة الله الف خير
طيب هو ينفع ارخص لونين بس اللون التانى هيكون استيكر مش رش؟
يعنى الزق السقف مثلا استيكر لون تانى ولا لازم ارشه؟
لو معاك رخصة لونين ممكن تعمل زي ما انت عايز
و معروف ان ايحاجة تتحط علي جسم العربية غير النمر بتاعتها يتكتبلك مخالفة