الموضوع: مرور السلام ... اذهـــب غير مأسوف عليك

المشاركة الأصلية كتبت بواسطة abogogo

مبروك عزيزي أحمد ... أنت عزلت التجمع ولا الشروق ...؟؟
أنا بفكر أغير البطاقة على التجمع عشان مرور الشروق حاجة فله .... بس قلت أستنى أشوف مجمع مرور الاميرية والدنيا هتكون هناك عاملة إيه ... لقيت نفس قرف السلام هغير إقامة على طول لمصر الجديدة أو التجمع وأنفد بجلدي من قرف المجمعات المرورية اللى فيها أكتر من منطقة سكنية

الله يبارك فيك يا ابو جنة ... انا عزلت للشروق وأول حاجة عملتها انى غيرت بطاقتى عليها
غير بطاقتك للتجمع او الشروق لو تعرف افضل وأخلص من مشاكل السلام حتى ولو فصلوه ونقلوه لان ممكن يتنقلوا بفكرهم ومساوئهم برضوا

المشاركة الأصلية كتبت بواسطة midooo_119

طب ياريت تحكيلى بالتفصيل ايه المقرف عشان انا برضه اتنقلت لمرور الاميريه و قدامى انى انقل سكنى لشقتى فالتجمع و اروح الشروق .. ياريت توضيح عشان رايح اجدد كمان اسبوعين

انقل بطاقتك للتجمع أفضل ... علشان تروح مرور الشروق لانه اعتقد هيبقى افضل حتى وان تم تقسيم السلام

المشاركة الأصلية كتبت بواسطة abogogo

مرور الشروق معاملة أدمية ... رايق جداً ... نضافة ...ومفيش نصابين ... فأكيد هيكون أفضل من الاميرية اللى هيكون شايل كذا منطقة كل منطقة لوحدها محافظة صغيرة :_alshmokh11:

مرور الاميرية هيكون مجمع مرور نفس فكرة مجمع مرورالسلام اللى كان شايل أكثر من منطقة سكنية ( السلام - عين شمس - المطرية - وأجزاء من المرج ) وكلهم مناطق ذات كثافة سكانية عاليه فلما مجمع الاميرية هياخد عين شمس والمطرية والاميرية يبقى احنا معملناش حاجه ...!!!
في الاول هيكون في شوية نظام وبعدين الدنيا هتتعك للأسف حال أي حاجة جديدة في مصر ... الصح كان كل منطقة لها مرورها الخاص عين شمس مرور لوحدها والمطرية مرور لوحدها والاميرية لوحدها :h_angry[1]:

كلامك سليم ... اعتقد انه مع مرور الوقت هيتحول للسلام بشرطة

المشاركة الأصلية كتبت بواسطة ahmedfathi

هو كده بقى مرور السلام معاه ايه ؟؟؟؟
السلام والمرج بس؟؟؟

اعتقد هيبقى سلام ونهضة ومرج وتراخيص تاكسى والله اعلم ... مش متأكد بصراحة

المشاركة الأصلية كتبت بواسطة hussein_ramdan

فعلا كلام سليم مبنى خاص للاميرية ومبنى اكبر للمطرية وعين شمس
وحتى مكان الفحص مكان مختلف وحتى المساحة البارك اكبر بكتير الخاص بالاميرية الصراحة شغا عالى
وتم قفل الشارع الاتجاة المقابل للمرور تم عمل بارك وتم عمل حائط خرسانات
بس للاسف مفيش حاجة كاملة الاشكال الزبالة البلطجية الى كانت بتقف قدام مرور السلام جت معاهم هنا ههههههنههههههه
المنطقة دى هتبقى زحمة جدا بعد تشغيل المجمع كاملا مثلا الاحوال المدينة والجوزات وامن الدولة والسجل المدنى وطبعا غير
فى الناحية التانية مجمع محاكم كبير جدا بيتبنى

المشكلة فعلاً انه هينقل نفس عينة البشر اللى كانت عند السلام سواء من الموظفين اللى كانوا هناك أو تحابيش المرور من البلطجية والحرامية اللى بيخلصوا المصالح للناس

المشاركة الأصلية كتبت بواسطة unoman

بدئت قصتى معاه من 2009تقريبا ,,,
رخصت وطلع عينى فى 4 ايام ورشاوى
ورخصت تانى سنه برضة على 3 ايام
وفضلت من غير رخص لحد السنادى لانى كنت مقروف اروح افحص وارخص هناك ومشيت برخص منتهيه سنتين
بس لاسف بقة رخصت برشاوى وفحصت والعربية مخبطه ومكسرة ومفهاش طفاية ونيله قبل ما يتقسم بيومين وبعت العربية كرها فى المرور دا ,,,
الحمد لله انه رحم ناس كتير من العقاب دا ,,

رغم ان معظم معاملاتى هناك كانت بتم فى غرف الكوسة ... لكن برضوا كنت كاره تعاملاتى معاه
ربنا يكرمك وما تتحوجشى ليه تانى

المشاركة الأصلية كتبت بواسطة ramymechanics

طب انا دلوقتى عزلت فالقاهرة الجديدة و عربيتى لسة تبع السلام ينفع أنقلها للشروق من هناك ولا لازم اروح المرور الأصلى بتاعها ؟؟

المشاركة الأصلية كتبت بواسطة ramymechanics

العنوان متغير خلاص بقاله فترة فانا مش عارف عشان انقل ملف العربية أروح السلام (أو الأميرية) ولا أروح الشروق وهم هيبعتوا يجيبوه ؟؟

لازم تجيب شهادة مخالفات من مرور السلام الأول وبعدين تروح تنقل للشروق ... الكلام ده لو الرخصة لسة سارية وانت مالك العربية
الملف بيتنقل براحته ... انا الرخصة عندى مؤقتة بنفس النمر لـمدة 6 شهور لحين وصول الملف