اللهم لاتسلط علينا بذنوبنا من لايخافك ولا يرحمنا يا ارحم الراحمين
اللهم لاتسلط علينا بذنوبنا من لايخافك ولا يرحمنا يا ارحم الراحمين
لا حول و لا قوة الا بالله ... اللهم لا تاخدنا بما فعل السفهاء منا
اسواء شعوب الارض
المصريين طبعا
سنة 1995 إنقلب أوتوبيس يحمل معتمرين متجهين للسويس
الخمسين واحد كانوا مصابين ومش قادرين
واحد صديقي هو أول من قابلهم وتوقف لنجدتهم
فقالوا له ::ـ
عدى علينا قبلك عربية شرطة والأمناء نزلوا سرقوا كل حاجة معانا ومشيوا
الكلام ده من عشرين سنة
إنت معدتش على مصر ولا إيه ؟
ـ
بردو عادي ان الشرطة في مصر تعدي على مصابين تسرقهم وتمشي يفرقوا ايه عن الشرطة اللي بتبتز اصحاب عربية مسروقة ومش عايزين يقولوا مكانها في انهي مرور غير لما يقبضوا
صديقى العزيز زيكو ... سورى زيكو بيه انتو محدش بيعرف يكلمكم دلوقتى :beatbrick:
لو ليك حد عربيته محجوزة فالمرور بقالها اسبوع ولا اتنين روح اسأله اما جه يستلمها لقاها عاملة ازاى
لو مقالكش انها من غير كاوتش او بطارية ويمكن من غير برابريز كمان ابقى تعالى العب استغماية على قبرى
عربية اخو مراتى كانت محجوزة فالقسم شهر راح خدها من غير دركسيوووووووووون و من غير كاوتش ومن غير بطارية
أكيد مجاش حرامية سرقوا الحاجات دى من جوة القسم يعنى
ولا ايه يا زيكو ؟؟ قصدى يا زيكو بيه ؟؟
الصراحة الموضوع ده مش جديد على و يمكن يكون زاد بعد الثورة لانعدام الخوف. لفترة معينة ليس الا
لكن الموضوع لصيق بالمصريين من زمان حتى بره مصر للاسف المصريين مشهوريين بكده
انا فى موقف حصل ادامى سنة الزلزال لو حد فاكر. فى مصر الجديدة اما العمارة الكبيرة الى فى ميدان هيليوبلس وقعت اول ٢٠ دقيقة وسط التراب الكثيف و الرؤية المعدومة و كلنا انا وصحابى و كنا لسة شباب صغير بنحاول ننقذ اى حد فوجئت بحوالى ٥٠ او ٦٠ واحد بيسرقوا اى حاجة تطولها ايديهم يعتى النسبة كانت تقريبا ٨٠٪ بيسرق و ٢٠٪ بينقذ
استغربت بعد كده اما شفت المعونات الى جاية من بره كانت بتتباع فى اولاد رجب الى فى سانت فاتيما
اما سافرت بره شفت الاغلبية من المصريين بسلوك مشابه كان تقريبا نفس النسبة و هناك اكتشفت ان المصريين سمعتهم وحشة لان الاغلبية فى منتهى السوء و الاقلية ممتازين جدا و اتعاملت على هذا الوضع بالحذر عند التعامل مع المصريين رغم ان فى ناس منهم كانوا زى الذهب
اما رجعت لقيت ان النسبة الناس الكويسة قلت جدا فى البداية. اما اشتغلت فى مؤسسة دولية ليها صفقات بمبالغ ضخمة فوجئت ان موضوع العمولة الشخصية ده عادى جدا تتفق مع سمسار لتنفيذ الصفقة فى البورصة و السمسار يطلع عمولة شخصية ليك انت و للادارة طبعا الكل حاول يقنعنى ان ده حلال و ان حتى الاجانب الى عندنا بياخدوا العمولة بس انا اعتبرتها سرقة صريحة و رفضت الموضوع تماما و طبعا بقيت مكروه من الكل و يوم حد عزمنى على العشاء و احما بنتعشى طلعلى شيك بمبلغ خرافى و باسمى و بيقولى ما تكسفش ايدى قولتله انا فى يوم هموت و هقف ادام ربنا اقوله ايه هقوله انا كفرت برزقك الحلال و خدت رزق حرام انت ترضهالى
طبعا اعتبرونى مغضوب على و بدات الحرب بعد الثورة كله لم نفسه بس دلوقتى رجع الوضع زى ما كان و اسوء
و بعيد عن الشغل انئا شفت بلاوى فى السلوك من حتى ناس يفترض انها محترمة سواء اما بتشترى حاجة او حد بيعملك خدمة سواء عمال او غير ذلك
ليه صديق فاتح صيدلية مشهورة بيقولى انه يوميا بيتسرق منه حاجات بالف او الفين جنيه من ناس شكلها محترم و بيتمسكوا و بيمضيهم على ايصالات امانة لانه لو بلغ الشرطة الحاجة المسروقة بتروح القسم و بتتسرق هناك و نفس الكلام حصل ايام الثورة ليا صديق فى ادارة كارفور قالى ان الى سرق كان العاملين جوه كارفور و سرقوا المول بالكامل
و الموضوع للاسف انتشر فى كل حته و انا مريت بتجارب كتير جدا فالاسف بقيت عايش فى البلد و مش عايش فيها بمعنى احتكاكى بالناس قل جدا جدا
حاولت افسر الموضوع و خرجت بتفسير واحد ان احنا بجد شعبين مش شعب واحد بس مش الشعبين بتوع على الحجار لا شعبين مختلفين تماما فى النشئة و السلوك شعب تعداده لا يتعدى ١٠ مليون محترم خدوم يعرف ربنا و يعرف الحلال من الحرام و شعب تانى حقود فيه غل الدنيا و لا يعرف اخلاق و لا سلوك هذا الشعب هو الى بتصوره الافلام العربى فى الفترة الاخيرة الشعب الى عنده الشتيمة و سب الدين عادى و الى بستحل اى حاجة بحجة انه رزق بعتهوله ربنا و الى ممكن يسرق اى حاجة فى اى وقت تحت اعتقاد انه اكيد الى سرق منه ده حرامى زيه لدرجة ان مره موظف جديد من بيئة محترمة دخل مكتبى و سرق من جيبى ٢٠٠ دولار على اعتبار انى مش هلاحظ مثلا منا ربنا فاتح عليا و الكارثة ان الكاميرا كانت مصوراه و الكل بيقولى سامحه ده لسه جديد و هتضيع مستقبله لان السرقة بقت عادى و كان ردى ان سيدنا محمد قال لو فاطمة بنت محمد سرقت لقطعت يدها لقيت الكل مستغرب منا المفروض جاى من اوروبا بقى يعنى مفروض مدخلش الدين فى الحاجات دى
طبعا انا ليا الفخر ان انا مصرى بس من الشعب الاولانى الى بيتقى ربنا و الى عارف الحلال من الحرام مش من الشعب الى انعدمت فيه الاخلاق و الدين و للاسف بعض منهم بيستغل الدين كمان علشان يبعد الشبهات عنه و شفت الكام ده بعينى ناس مبتطلعش من الجامع الا علشان تنهب و تستحل اموال الناس و اعراضهم كمان فى بعض الاحيان لدرجة كان مره عندى ضيوف اجانب و اجرتلهم شقة كان صاحبها دكتور فى كلية محترمة و هما ماشيين الراجل صادر التامين و كان مبلغ كبير كلمونى فرحتله و بناقشة راح قلى دول اجانب كفرة انت جاى فى صفهم على حساب اولا د بلدك رحت ضاحك قلتله ياراجل اتقى الله هو ربنا قلنا نستحل اموال الناس تحت اى وضع
للاسف كلامك صح
قلبت علينا المواجع
ربنا يصلح الحال