مقبل على شراء لادا زيرو ان شاء الله .. هل من نصايح ؟

ازيكم يا رجالة
ان شاء الله انا ناوى اجيب عربية لادا زيرو هتكون للشغل ان شاء الله (مندوب)
هحتاجها فى داخل المدينة فقط لانى ناوى اروح بيها مناطق بعيدة لكن مش سفر
وانا حاليا معايا نيسان صنى بتاع الواد بستخدمها في اغلب المشاوير
وبصراحة مستحرم اشغل الصنى وهى لسة زيرو
فأول اختيار قدامى كان اللادا نظرا لان 90% من التكسيات في مصر لادا غير انها عربية منتشر عنها جدا سهولة صيانتها واعتماديتها ورخص تمن قطع الغيار، غير انها عربية مصممة للخدمة الشاقة وسعرها كويس نظرا لامكانيتها
فهل فى نصايح حول اللاد تقدرو تفيدونى بيها
هل فيها عيوب شائعة اقدر اتلافاها ؟
وممكن لو حد يفيدنى ويقولى سعرها وصل كام دلوقتى ؟
وكمان انا مسوقتش حاجة تقيلة حتى الان، ابتديت بفيرنا وبعدين لانوس وبعدين صنى
ولما اتعملت كنت متعلم على فيرنا مانيوال، فهل دة هيضايقنى في حاجة لما اجى اسوق اللادا؟
وياريت لو تفيدونى برضو بنوع الزيت اللي احطه واستخدملها بنزين كام وازاى اقدر احافظ عليها اكبر فترة ممكنه لانى جايبها للشغل زى ما قولت وعاوزها تفضل بحالة ممتازة اكبر فترة لانى هدفع مبلغ مش قليل فيها والفلوس دى هتكون استثمار للشغل فمش عاوز ارمى فلوسى فالارض لانى في الغالب هقسط
وهل هناك نصايح حول موديل معين من اللادا لانى معلوماتى عنها مش كتير

خليك فى اللانوس احسن او فيرنا تكييف وباور واعتمادية جدا بلاش اللادا خصوصا انك هتستخدمها جوه البلد

لانوس او فيرنا اريح و افضل بمراحل

Sent from my GT-N7000 using Forum Runner

لادا ايه بس اللى زيرو شوف لانوس او فيرنا او سبيرانزا او byd شغالين تاكسى زى الفل

اقتباس:

---

المشاركة الأصلية كتبت بواسطة ahmed_moeaz

خليك فى اللانوس احسن او فيرنا تكييف وباور واعتمادية جدا بلاش اللادا خصوصا انك هتستخدمها جوه البلد

---

اقتباس:

---

المشاركة الأصلية كتبت بواسطة mostafa.mahran

لانوس او فيرنا اريح و افضل بمراحل

sent from my gt-n7000 using forum runner

---

مع الاسف مش هقدر على تمنهم
انا هقسط كمان باقى الفلوس
انا كنت بفكر في ماروتى علشان السعر لكن مش هتسعفنى وخصوصا انى مليان ومش هرتاح فيها وصغيرة مش هتقضى بضاعة جواها

اقتباس:

---

المشاركة الأصلية كتبت بواسطة j a g u a r

لادا ايه بس اللى زيرو شوف لانوس او فيرنا او سبيرانزا او byd شغالين تاكسى زى الفل

---

غالي عليا يا باشا انا عاوز حاجة حنينة

اللادا عاملة 62000 الباور والتكييف
ولكن انا رأيي بالمبلغ دا ممكن تجيب سيارة كسر زيرو أفضل بكتير من اللادا والخيارات متاحة كتير
لانوس - فيرنا - بي واي دي - سبرانزا 516 - رينو لوجان
وعن تجربة هتفرق معاك كتير في السواقة وخاصة في وسط البلد وخنقتها
انا لسه شاري عربية بي واي دي f3 كاملة مانوال ب 76000
ولانوس عاملة 76000 والفرنا نفس السعر بردوا

انا من رأيي تجيب لادا نيفا 2009 روسي انجكشن 1.7 تكييف باور سنتر انذار ازاز كهربا 4x4 يعني خدمة شاقة بجد
هتبقى فيي حدود 45 الف لكن لو حضرتك مصمم على ال2107 فبلاش منها كرباتير دة غير التقفيل الزبالة
و مشاكل كتيير
و سعرها من بوق معرض كاملة (ازاز كهربا تكييف سنتر و باور انذار)
كانت عاملة 61 الف جنية

اقتباس:

---

المشاركة الأصلية كتبت بواسطة hamo81

اللادا عاملة 62000 الباور والتكييف
ولكن انا رأيي بالمبلغ دا ممكن تجيب سيارة كسر زيرو أفضل بكتير من اللادا والخيارات متاحة كتير
لانوس - فيرنا - بي واي دي - سبرانزا 516 - رينو لوجان
وعن تجربة هتفرق معاك كتير في السواقة وخاصة في وسط البلد وخنقتها
انا لسه شاري عربية بي واي دي f3 كاملة مانوال ب 76000
ولانوس عاملة 76000 والفرنا نفس السعر بردوا

---

انا معلميش ان اللادا بقت بتنزل بتكييف وباور :d
انا اخر حاجة اعرفها عنها حسب كونكت كار انها العادية بتاعت التكسيات وعاملة 55
وعامتا برضو غالي عليا 62 لانى زى ما قولت هقسط ، هدفع بتاع 25 واقسط الباقى
وحرام ادفع كل المبلغ دة اقساط انا برضو ورايا مصاريف

اقتباس:

---

المشاركة الأصلية كتبت بواسطة omar2017

انا من رأيي تجيب لادا نيفا 2009 روسي انجكشن 1.7 تكييف باور سنتر انذار ازاز كهربا 4x4 يعني خدمة شاقة بجد
هتبقى فيي حدود 45 الف لكن لو حضرتك مصمم على ال2107 فبلاش منها كرباتير دة غير التقفيل الزبالة
و مشاكل كتيير
و سعرها من بوق معرض كاملة (ازاز كهربا تكييف سنتر و باور انذار)
كانت عاملة 61 الف جنية

---

مش هخبى عليك انا مش عاوز مستعمل
انا اخدت خازوق عمرى فى عربية اوكتافيا مستعملة جابها الحج وخسرت فيها 35 الف جنية تصليح وبيع بخسارة
وانا هستخدم العربية فى مشاوير ياما فعاوز حاجة متاخدش منى فلوس تصليح كل شوية

اية مشكلتها اللادا يا جماعة معلش حد يفهمنى
كلو بيقول لا لا حد يفهمنى بالراحة لا لية واية البديل بنفس السعر لان السع هو العامل الاول بالنسبالى

اقتباس:

---

المشاركة الأصلية كتبت بواسطة احمد رشدي

انا معلميش ان اللادا بقت بتنزل بتكييف وباور :d
انا اخر حاجة اعرفها عنها حسب كونكت كار انها العادية بتاعت التكسيات وعاملة 55
وعامتا برضو غالي عليا 62 لانى زى ما قولت هقسط ، هدفع بتاع 25 واقسط الباقى
وحرام ادفع كل المبلغ دة اقساط انا برضو ورايا مصاريف

---

ممكن أسألك القسط كام وعلى كام سنه؟

انا دفعت 15000 مقدم لعربية بي واي دي f3 وقسط 1020 جنية على 90 شهر من بنك ناصر الإجتماعي ( سعر العربية من المعرض 77000 زي ماقولت لحضرتك كاملة مانوال )

اقتباس:

---

المشاركة الأصلية كتبت بواسطة hamo81

ممكن أسألك القسط كام وعلى كام سنه؟

انا دفعت 15000 مقدم لعربية بي واي دي f3 وقسط 1020 جنية على 90 شهر من بنك ناصر الإجتماعي ( سعر العربية من المعرض 77000 زي ماقولت لحضرتك كاملة مانوال )

---

ماهى دى المشكلة في الاقساط انه بيرفع سعر العربية بغباء
90 شهر يعنى 7 سنين ونص
وسعر العربية 77
مقدم 15 + 1020*90 = 91800 - 77000
يبقى انا هدفع على تمن العربية حوالي 15 الف

بخلاف اني مش عاوز اطلع لسعر الستينات خالص مش مقدرتى ادفع اقساط كل المدة دى

شوف تقسيط المستعمل و بعد كدة تدفع ال 25000 مقدم في حاجة زي اللانوس او الفيرنا
اللادا تجربتي معاها كانت شبه هتكرهني في العربيات اولا ناشفة جدا و فرامل مفيش انا محستش إن في فرامل الكلام ده كان في قرية في الساحل الشمالي و اعلي سرعة كانت 40 كيلومتر دا غير بعض الملفات اللي لو جيت تاخدها علي سرعات من اول 30 كيلومتر هتلاقي العربية بتميل جامد مع العلم إن العربية دي فيها باور(صاحب العربية قريبي بيقوللي علي حسب ما هو متداول بين الصنايعية انه نص باور) و انت ماشيفي ربع لفة فاضية في الدريكسيون و العربية سليمة

الادا متتجابش زيرو
انت لو اشتريت عربيه موديل تسعينات بس تكون روسة و تكون فبريكا دواخل هتتجاب ب 20 الف ولا حاجه و تصرف لك 5 - 7 الاف تضبيط ماتور و فتيس و عفشه و كاوتش و رش خارجى وفرش " دا لو عربيه متهانه " و تبقى راكب عربيه زيها زى الزيرو

المشكله ان المتاح من الادا الان تقفيل مصرى و دى سعرها 55 الف و بتوصل لحد 62 بالتكييف و الباور. المصرى عيبه جوده التقفيل متواضعه جدا و الكربيراتير مشاكله كتير و العربيه ناشفه حبتين و خصوصا ان حضرتك واخد على الصنى.... نيجى بقى للمزايا..العربيه سعرها رخيص حتى لو زيرو ...صيانتها سهله و بسيطه...قطع غيار متوفره و رخيصه و كمان ممكن تمشى ببنزين 80. ارجو انى اكون قدرت اوضحلت الصوره بموضوعيه.

شركة الامل بتدي ضمان فظيع بصراحة
سنة او 10 الاف كيلو متر ... دي عمرها ما حصلت في عالم السيارات ... دي اغلب السيارات اول صيانة تغيير زيت بتتم عند 10 الاف كيلو

اقتباس:

---

المشاركة الأصلية كتبت بواسطة omar mahmoud

شوف تقسيط المستعمل و بعد كدة تدفع ال 25000 مقدم في حاجة زي اللانوس او الفيرنا
اللادا تجربتي معاها كانت شبه هتكرهني في العربيات اولا ناشفة جدا و فرامل مفيش انا محستش إن في فرامل الكلام ده كان في قرية في الساحل الشمالي و اعلي سرعة كانت 40 كيلومتر دا غير بعض الملفات اللي لو جيت تاخدها علي سرعات من اول 30 كيلومتر هتلاقي العربية بتميل جامد مع العلم إن العربية دي فيها باور(صاحب العربية قريبي بيقوللي علي حسب ما هو متداول بين الصنايعية انه نص باور) و انت ماشيفي ربع لفة فاضية في الدريكسيون و العربية سليمة

---

والله ما عارف بصراحة افكر فى اية، انا عارف ان كلها عيوب لكن انا اللي حاكمنى السعر مش اكتر
الماروتى هتكون كويسة وانعم وموفره فى البنزين لكن حجمها صغير اوى متشيلش بضاعة جواها ومافيهاش شنطة

اقتباس:

---

المشاركة الأصلية كتبت بواسطة blazer

الادا متتجابش زيرو
انت لو اشتريت عربيه موديل تسعينات بس تكون روسة و تكون فبريكا دواخل هتتجاب ب 20 الف ولا حاجه و تصرف لك 5 - 7 الاف تضبيط ماتور و فتيس و عفشه و كاوتش و رش خارجى وفرش " دا لو عربيه متهانه " و تبقى راكب عربيه زيها زى الزيرو

---

طيب انا قدامى حاجة بتاعت صاحبى عربية محترمة ومش متهانة ماشية بتاع 50 الف وهى موديل 2007، اخدها منه على كام تقريبا تفتكر ؟؟؟، والعربية فبريكا برة وجوا

اقتباس:

---

المشاركة الأصلية كتبت بواسطة mirra

المشكله ان المتاح من الادا الان تقفيل مصرى و دى سعرها 55 الف و بتوصل لحد 62 بالتكييف و الباور. المصرى عيبه جوده التقفيل متواضعه جدا و الكربيراتير مشاكله كتير و العربيه ناشفه حبتين و خصوصا ان حضرتك واخد على الصنى.... نيجى بقى للمزايا..العربيه سعرها رخيص حتى لو زيرو ...صيانتها سهله و بسيطه...قطع غيار متوفره و رخيصه و كمان ممكن تمشى ببنزين 80. ارجو انى اكون قدرت اوضحلت الصوره بموضوعيه.

---

انا والله نفسى في حاجة تانية لكن زى ما وضحت انا اللي حاكمنى السعر

اقتباس:

---

المشاركة الأصلية كتبت بواسطة georgedada82

شركة الامل بتدي ضمان فظيع بصراحة
سنة او 10 الاف كيلو متر ... دي عمرها ما حصلت في عالم السيارات ... دي اغلب السيارات اول صيانة تغيير زيت بتتم عند 10 الاف كيلو

---

؟؟؟؟ مش فاهم اية علاقة دة بسؤألى عن اللادا ؟؟

كان معايا لادا 2107 خليجى من الزيرو موديل 1991 ممتازةوقطع غيار ببلاش ديفرنس خلفى كامل طنبورتين ومساعدين واكسات و كارونة500 جنية وبس مكانتش بور ولا تكيف بنزين متوسط240 كلل صفيحة بس سمعت ان الجديد نازل منه صينى عموما اللادا الموديل مش هيفرق ولو اخدتها موديل سنة فاتت هتبقى ارخص

عاوز الخلاصه
بما أنك استقريت على اللادا
و بتقول ظروفك مش هتسمح بحاجه سعرها أعلى
و برضوا بتقول صاحبك معاه لادا 2007
أنا رأيى كالتالى:
-----------------
تجرب عربية صاحبك فى السواقة,طريق سريع و طريق زحمه و شوف لو هتقدر تتعامل عادى
يبقى تتوكل على الله و تصلى استخارة و تجيبها
و تطلع على البشمهندس محمد طلبه اللى فى الوراق يكشفلك عليها و يعمل الحاجات اللى محتجاها و مبروك مقدماً

اقتباس:

---

محمد طلبة (توكيل لادا)
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تالت شارع شمال
او كلمه بالتليفون و انت عند الغاز احسن
01111966816
كهربا - ميكانيكا - عفشة أى حاجه متعلقه باللادا, لأن والده كان شغال فى التوكيل بتاع لادا, و هو أشتغل بعده فى نفس التوكيل و طلع بعثات لروسيا عن طريق التوكيل, و بعدين ساب التوكيل و فتح ورشته و معاه أجهزة و أدوات من روسيا, هتلاقية فاهم و محترم
محمد طلبة :- 11966816 - 011

---

حضرتك هاتشتغل مندوب يعني لف كتير
ومشاوير وزحمه واشارات وخنقه
التكييف اظن اهم شيء تدور عليه
علي حد علمي تكييف اللاد مالوش لازمه نهائي وجوده زي عدمه

اقتباس:

---

المشاركة الأصلية كتبت بواسطة احمد رشدي

مش هخبى عليك انا مش عاوز مستعمل
انا اخدت خازوق عمرى فى عربية اوكتافيا مستعملة جابها الحج وخسرت فيها 35 الف جنية تصليح وبيع بخسارة
وانا هستخدم العربية فى مشاوير ياما فعاوز حاجة متاخدش منى فلوس تصليح كل شوية

اية مشكلتها اللادا يا جماعة معلش حد يفهمنى
كلو بيقول لا لا حد يفهمنى بالراحة لا لية واية البديل بنفس السعر لان السع هو العامل الاول بالنسبالى

---

علشان مصري و سعرها مبالغ فية وناشفة جدا و كرباتير مشاكلة كتير و جابت لوحد صاحبي غضروف الرقبة بس كدة
لو حضرتك مصمم على الزيرو ممكن تجيب سايبا تيبا 4 ازاز كهربا تكييف باور سنتر abs انذار موتور 1500 سي سي 85 حصان و سعرها 68 الف بس يعني كماليات اكنتر بكتيرر من اللادا بفرق 7 الاف بس
www.nilemotors.net › ... › المنتــــــدى العـــــــــــام للسيــارات
و دة فيديو ليها
www.youtube.com/watch?v=9SBm2ZgxVds

اقتباس:

---

المشاركة الأصلية كتبت بواسطة omar2017

علشان مصري و سعرها مبالغ فية وناشفة جدا و كرباتير مشاكلة كتير و جابت لوحد صاحبي غضروف الرقبة بس كدة
لو حضرتك مصمم على الزيرو ممكن تجيب سايبا تيبا 4 ازاز كهربا تكييف باور سنتر abs انذار موتور 1500 سي سي 85 حصان و سعرها 68 الف بس يعني كماليات اكنتر بكتيرر من اللادا بفرق 7 الاف بس
www.nilemotors.net › ... › المنتــــــدى العـــــــــــام للسيــارات
و دة فيديو ليها
www.youtube.com/watch?v=9sbm2zgxvds

---

العربية دى لو اخدت حقها هتكون صفقة ممتازة بالنسبة لسعرها
لكن بما اننا في مصر
فانت بتتكلم على عربية مش منتشرة، وبالتى سعر اعادة بيع رايح فى داهية وسعر قطع غيار مولعة ومش موجودة واكيد توكيل زبالة لانه مش قادر يسوق للعربية، وكمان صعب تلاقى ميكانيكى فاهم فيها
يعنى اللى هيشتريها هيلبسها يا اما يبعها برخص التراب حتى لو زيرو

اقتباس:

---

المشاركة الأصلية كتبت بواسطة zing0

عاوز الخلاصه
بما أنك استقريت على اللادا
و بتقول ظروفك مش هتسمح بحاجه سعرها أعلى
و برضوا بتقول صاحبك معاه لادا 2007
أنا رأيى كالتالى:
-----------------
تجرب عربية صاحبك فى السواقة,طريق سريع و طريق زحمه و شوف لو هتقدر تتعامل عادى
يبقى تتوكل على الله و تصلى استخارة و تجيبها
و تطلع على البشمهندس محمد طلبه اللى فى الوراق يكشفلك عليها و يعمل الحاجات اللى محتجاها و مبروك مقدماً

---

للاسف انا من اسكندرية
هل في حد كويس اقدر اكشف على العربية عنده فى اسكندرية ؟

اقتباس:

---

المشاركة الأصلية كتبت بواسطة hugan

حضرتك هاتشتغل مندوب يعني لف كتير
ومشاوير وزحمه واشارات وخنقه
التكييف اظن اهم شيء تدور عليه
علي حد علمي تكييف اللاد مالوش لازمه نهائي وجوده زي عدمه

---

بص انا معايا صنى وقبلها كان معايا لانوس والتكييف بالنسبالى مش ضرورى بالشكل المتصور
ومع الاسف انا نفسى اجيب حاجة اعلى لكن فلوسى حكمانى وكل الناس نصحتنى انى ابعد عن اللادا زيرو
فتقريبا استقيريت انى اجيبها مستعمله وامرى لله وربنا يكملها على خير وتطلع عربية نضيفه

اقتباس:

---

المشاركة الأصلية كتبت بواسطة احمد رشدي

واكيد توكيل زبالة لانه مش قادر يسوق للعربية

---

ملحوظة يا باشا توكيل سايبا في مصر هو هو توكيل اللادا شركة الامل

اقتباس:

---

المشاركة الأصلية كتبت بواسطة احمد رشدي

فتقريبا استقيريت انى اجيبها مستعمله وامرى لله وربنا يكملها على خير وتطلع عربية نضيفه

---

ما انا قولت كدة من الاول

اقتباس:

---

المشاركة الأصلية كتبت بواسطة احمد رشدي

للاسف انا من اسكندرية
هل في حد كويس اقدر اكشف على العربية عنده فى اسكندرية ؟

---

المركز اللي في جمال عبد الناصر دة اكتر من رائع

بص هقولك على حاجة انا من عاشقي اللادا و كان نفسي اجبها زيرو من 6 سنين لكن احنا تطورنا يعني بلاش منهاا اصلا علشان متتعبكش
و طلاما مستعمل يبقى بسعر اللادا تجيب
speranza a113 2012-2013 و دة افضل اختيار من وجهه نظري العلشان الموديل و الانتشار المتوسط و بالنسبة لقطع الغيار في واحد مخصوص بتاع اسبيرانزا في جميلة ابو حريد اسمة المحاسب سنتر

اقتباس:

---

المشاركة الأصلية كتبت بواسطة omar2017

بص هقولك على حاجة انا من عاشقي اللادا و كان نفسي اجبها زيرو من 6 سنين لكن احنا تطورنا يعني بلاش منهاا اصلا علشان متتعبكش
و طلاما مستعمل يبقى بسعر اللادا تجيب
speranza a113 2012-2013 و دة افضل اختيار من وجهه نظري العلشان الموديل و الانتشار المتوسط و بالنسبة لقطع الغيار في واحد مخصوص بتاع اسبيرانزا في جميلة ابو حريد اسمة المحاسب سنتر

---

هي سعرها كام دلوقتي؟؟

معلش أنا عارف إن الناس كلها بتحاول تقول : إبعد عن اللادا
و أنا معاهم و مؤيد بشده

بس لازم نعمل إعتبار للمبلغ المتاح, و حضرتك بتقول هتبهدلها مشاوير
اللادا حلال فيها البهدله بصراحه, بس من غير شتايم :)

و الأخ الكريم بيقول أنه من اسكندرية, يعنى التاكسى = لادا و مش هيغلب فيها إن شاء الله
اعتبرها مرحله تمشى بيها حالك لحد ما ربنا يكرمك بقرشين تطور نفسك فى حاجه أعلى
برضوا مستقر معاك إنك تجرب بتاعة صاحبك الأول و من تجربتك هتستقر يا لادا يا بلاش
و ربنا يعينك

العربية الادا ممتازة عربيه بتاعت شغل وبتتحمل أحسن من العربيات الصيني وكمان عربيه قطع غيارها رخيصه جداً ومتوفرة في أي مكان أنا معايا لادا ٢١٠٥ شغاله زي الفل وبسافر بيها وشغاله معايا تمام وزي الفل مع العلم أن العربية مكيفه كمان

اقتباس:

---

المشاركة الأصلية كتبت بواسطة احمد رشدي

والله ما عارف بصراحة افكر فى اية، انا عارف ان كلها عيوب لكن انا اللي حاكمنى السعر مش اكتر
الماروتى هتكون كويسة وانعم وموفره فى البنزين لكن حجمها صغير اوى متشيلش بضاعة جواها ومافيهاش شنطة


طيب انا قدامى حاجة بتاعت صاحبى عربية محترمة ومش متهانة ماشية بتاع 50 الف وهى موديل 2007، اخدها منه على كام تقريبا تفتكر ؟؟؟، والعربية فبريكا برة وجوا

انا والله نفسى في حاجة تانية لكن زى ما وضحت انا اللي حاكمنى السعر


؟؟؟؟ مش فاهم اية علاقة دة بسؤألى عن اللادا ؟؟

---

العلاقة ان الشركة المصنعة مش ضامناها الا سنة واحدة او 10 الاف كيلو في حين ان ضمان اي عربية محترمة لشركة محترمة بيبقي اقل ضمان 60 الف كيلو او 3 سنين ... حتي كمان ما بقاش فيه 60 الف كله بقي 100 الف كيلو او 3 سنين وساعات توصل 5 سنين ... يعني اللي عاملها مش ضامنها اصلا بسبب سوء المكونات ... ده المقصود

اقتباس:

---

المشاركة الأصلية كتبت بواسطة georgedada82

العلاقة ان الشركة المصنعة مش ضامناها الا سنة واحدة او 10 الاف كيلو في حين ان ضمان اي عربية محترمة لشركة محترمة بيبقي اقل ضمان 60 الف كيلو او 3 سنين ... حتي كمان ما بقاش فيه 60 الف كله بقي 100 الف كيلو او 3 سنين وساعات توصل 5 سنين ... يعني اللي عاملها مش ضامنها اصلا بسبب سوء المكونات ... ده المقصود

---

اها معلش يا باشا مكنتش فاهم القصد
لا يبقى كدة توكلنا على الله وشلنا فكرة اللادا الزيرو خالص من مخى
الف شكر يا رجالة على المساعدة

اقتباس:

---

المشاركة الأصلية كتبت بواسطة blazer

الادا متتجابش زيرو
انت لو اشتريت عربيه موديل تسعينات بس تكون روسة و تكون فبريكا دواخل هتتجاب ب 20 الف ولا حاجه و تصرف لك 5 - 7 الاف تضبيط ماتور و فتيس و عفشه و كاوتش و رش خارجى وفرش " دا لو عربيه متهانه " و تبقى راكب عربيه زيها زى الزيرو

---

انا جبت لادا 2110 الشكل الحديث كانت عامله 50000 كم موديل 2006
تكييف وباور وزجاج كهرباء الامامى فقط من سنتين ب35 الف وسياره ممتازه

عيب الادا انها قيله شويه مش كتير بس الادا كويسه خصوصا لما تبقى زيرو افضل بس المهم تبقى ايدك فيها على طول طول ما انتا بتحترم عربيتك عربيتك حتحترمك

اقتباس:

---

المشاركة الأصلية كتبت بواسطة hamo81

ممكن أسألك القسط كام وعلى كام سنه؟

انا دفعت 15000 مقدم لعربية بي واي دي f3 وقسط 1020 جنية على 90 شهر من بنك ناصر الإجتماعي ( سعر العربية من المعرض 77000 زي ماقولت لحضرتك كاملة مانوال )

---

معلش فهمني واحده واحده

انت بتقول انك دفعت 15 الف مقدم وقسط 1020 على 90 شهر

يعني 1020*90 شهر=91800 جنيه المبلغ ده بالاضافه ل15 الف اللي انت دفعتهم ولا بيتخصم منهم ال15 الف؟

يعني هيبقا 91800- 15000 =76800 جنيه

يعني ال15 الف هما الزياده عن تمن العربيه في خلال90 شهر

اقتباس:

---

المشاركة الأصلية كتبت بواسطة zing0

عاوز الخلاصه
بما أنك استقريت على اللادا
و بتقول ظروفك مش هتسمح بحاجه سعرها أعلى
و برضوا بتقول صاحبك معاه لادا 2007
أنا رأيى كالتالى:
-----------------
تجرب عربية صاحبك فى السواقة,طريق سريع و طريق زحمه و شوف لو هتقدر تتعامل عادى
يبقى تتوكل على الله و تصلى استخارة و تجيبها
و تطلع على البشمهندس محمد طلبه اللى فى الوراق يكشفلك عليها و يعمل الحاجات اللى محتجاها و مبروك مقدماً

---

فين فى الوراق ?

لادا انت بتهرج ولا ايه لو بتهرج مش هتقول الكلام ده اياك واللادا ده انت تركب عجلة ولا تركب لادا ده هتطلع عين ام بن اخت خالة عم طنط فوزية
قولو حاجة ياجدعان مش كده

اللهم صل على محمد وعلى آله وصحبه أجمعين

انا رايى لانوس احلى و عملية اكتر .
اللادا ب 62000
و اللانوس ب 78000
الاسعار بالتقريب على حد علمى . ولو فى غلط فى الاسعار ياريت حد يصحح .
و انت كدا كدا عايز تقسط . يعنى الفرق مش هيبقى كبير فى القسط .
اللادا بيبان عليها الشقا بسرعة :)
و بعدين انت هتدفع زيادة بسيطة فى القسط بس هتبقى مستريح فى اللانوس اكتر بكتير من اللادا بمراحل.
القرار لييييك و يا رب توفق فى الاختيار:helloogreen: