معرفش حاجه عن مناسك العمره مع العلم ان انا رايح جده ثم مكه ثم المدينه ثم من المدينه القاهره ،،،
٢-ايه اللي ممكن تنصحوني بيه
عقبالكم جميعم
وان يرزقنا اخلاص النيه
معرفش حاجه عن مناسك العمره مع العلم ان انا رايح جده ثم مكه ثم المدينه ثم من المدينه القاهره ،،،
٢-ايه اللي ممكن تنصحوني بيه
عقبالكم جميعم
وان يرزقنا اخلاص النيه
تقبل الله ان شاء الله
طبعا انتظر الشيخ خالد يوضح لحضرتك المناسك افضل
وان كنت اعتقد انه كان ليه موضوع سابق ممكن تبحث عنه هنا في الاجتماعي
السلام عليكم و رحمة الله و بركاته
عمرة مقبولة باذن الله
حضرتك ممكن تعمل سيرش على جوحل ن مناسك العمرة
على كل اللى انا فاكراه اول حاجة الاحرام من موقع الاحرام و بعدين عند الوصول لمكة فان تحية مكة هى الطواف 7 اشواط من عند بداية الطواف " العامود الاخضر " و تنتهى عنده ثم ركعتين بعد الطواف ثم السعى في الصفا و المروة و ثم التحلل و بكده تكون انهيت العمرة . هى مش صعبة و ممكن تخلها في 1/2 ساعة او ساعة بالكتيير . ربنا يتقبل و يكرمنا جميعا بالحج . و لا تنسونا و سائر المسلمين من دعائك
حكلمك علي اداربات الرحله
بما ان حضرتك طالع علي جده مباشره من هنا
فده حيخليك تحرم وانت في الطائره وده حيعلنه قائد الطائره انك بلغت الميقات
ويجب عليك انك تلبي ( لبيك اللهم عمره عن نفسي ) او طبعا ممكن عن غيرك بس ده لو سبق ليك العمره عن نفسك
انصحك انك تروح المطار بلبسك العادي وهناك في صاله السفر الموسميه تغير هدومك وترتدي لبس الاحرام
ارتدائك للاحرام مش معناه انك محرم الاحرام بيبتدي بالتلبيه
يفضل طبعا انك لما توصل للميقات تبتدي ذي ما بيقولوا تخش في المود وتحاول متشغلش نفسك بالدنيا
وتشغل لسانك بالتلبيه والتسبيح
المسافة من جده الي مكه حوالي 70 كيلو تقريبا بتاخد حوالي 1.5 ساعه
انصحك توصل الفندق وتفتح tv علي قناه الحرم وتشوف الازدحام بتاع الحرم هل مناسب انك تبدء المناسك خصوصا لو معاك اهل بيتك ام تنتظر وقت مناسب
قبل الفجر و قبل الظهر وبعده وكذلك العصر افضل الاوقات عشان الجو بيخلي الازدحام مقبول
لما تنزل يفضل تخش من باب الملك عبد العزيز وخد بالك ان لما تري الكعبه لاول مره ليك بإذن الرحمن دعوه مقبوله
انصحك تركز فيها
وانا بحب اللهم اتنا في الدنيا حسنه والاخره حسنه وقنا عذاب النار
لما تدخل من الباب وتدعي انصحك مشي شمال لغايه متلاقي مطلع الدور الاول من المطاف
ده ميزته انه مظلل بالدور الاعلي منه ومسافه الطواف كانك بتطوف من الصحن تحت
الاحرام من الميقات ..الطواف سبعا ..السعي سبعا رايح شوط وجاي شوط ..تتحلل بحلق الراس .وتطةف ممات سبعة بالكعبة وتروح ..والله اعلم ده الحنا هملنا على حسب ما اتشكر وابقى افتكرني بدعوه حلوه ليا ولاهلي ( في دعاء مخصوص اول ماتشوف الكعبة ودعاء عند السعي وتبدا في التلبية بصوت عالي من الميقات وحتى دخول المعبة )
وفي المناسك بالتفصيل عشان في تفصاصيل تكتير هتتوزع عليك ان شاء الله
وعمرة مقبولة باذن الله
الطواف سبعه وهوه كانك في صلاه فلا تنشغل باي شئ ولا تتحدث الا للضروره مع صحبتك
انصحك الشوط الاول خصصه للتسبيح والثاني الاستغفار والثالث للصلاه علي النبي
وبقيه الاشواط خصص كل شوط لحاجه مثلا شوط ليك ولاهلك والاخر لاصحابك وهكذا
لما بتفرغ بتصلي ركعتين في مقام ابراهيم اذا تمكنت او في اي مكان
ثم بتشرب من زمزم علي قد ما تقدر
ثم بتبدء في السعي بين الصفا والمروه
الدعاء عند الصفا والمروه من الاشياء اللي بيغفل عليها كثير من الناس فلا تنساهم
لما تخلص التحلل من الاحرام بالحلق او التقصير
لو نيتك انك تعمل عمره اخري قصر وان شفت في نفسك كسل فانصحك بالحلق
طبعا مش محتاج اذكرك انك في خير بقاع الارض
انت في بيت الرحمن ربنا اصطفاك عشان تكون مووجود هناك
الحسنه ب 100 الف وكذلك السيئه
فحاول تستزيد من اعمال الخير علي قدر الاستطاعه وخلي بالك الشيطان هناك شغال تمام
انتظر واشتري خط من موبايلي بصوره جوازك ارخص من انك تشتريه من علي الرصيف
تقريبا الخط بيكون ب 30 ريال وبيديك 25 ريال رصيد
لو عايز نت فافضل عرض عند stc
الاكل انصحك لو عرضك مفيهوش افطار تروح بن داوود وتجيب جبن واللي انت عايزه
الغداء عندك تقريبا وجبه الفراخ ب 15 ريال متوسط واللحم ب 25 ريال
المطاعم في ابراج الصفوه معقوله
فيه مطعم في العزيزية اسمه ريدان لو عايز تاكل مندي وكبسه صح انصحك بشده تجربه
هوه مشهور وتقريبا عند جامع البيك
المشتريات
افضل مكان في مكه عامل ذي الداون تاون كده وتلاقي في ماركات وعروض كويسه خصوصا للاطفال والنساء
هوه مكه مول
بتروحه بتاكسي من امام اجياد متدفعش اكتر من 15 الي 20 ريال
مولات المدينه افضلهم
مزايا والقارات وتوب تن ارخصهم كل حاجه عنده ب 10 ريال
والمولات ديه بتروح وترجع منها مجانا المول هوه اللي بيحاسب التاكسي
لازم يكون اخر عهدك بمكة البيت الحرام مش المولات ولا المطاعم
خد معاك كتب ادعية
الاكل هناك رخيص واحسن من هنا
لو خدت معاك اكل يبقى لاول يوم فقط
لبس الاحرام
بريونى
عرفة فى الازهر
التوحيد و النور
خد ادوية برد ومرهم تسلخات وده كتر منه
موضوع للشيخ خالد عن مناسك العمرة ::ــ
http://www.nilemotors.net/Nile/224644-a.html
وده موضوع نصائح عامة :::ـ
http://www.nilemotors.net/Nile/65184-a.html
ـ
لا يا باشا انا مش قصدي اقول ان مينغعش نقوله على المولات والمطاعم بس لازم اخر حاجه تعملها قبل متيجي مسافر من مكة تكون الطواف حوالين الكعبة والنظر لبيها والدعاء يريت بس مكونش اتفهمت غلط اني بوجه نقد لمشاركة حضرتك الفيها المطاعم والمولات انا قصدي انصحه مش اكتر
تحياتي لحضرتك..
‫شرح طريقة اداء مناسك العمرة بالصورة المتحركة YouTube‬‎ - YouTube
راجع الرابط ده
تقبل الله ان شاء الله
ربنا يتقبل منك