ثبات السيارات بيدخل فيه عوامل كتير.. المسألة مش مسألة وزن وبس.
والموقف اللي حضرتك اتعرضت له كان سببه الأساسي خلخلة الضغط لما الأوتوبيس عدى بسرعة زي ما أستاذ yasser100 قال.. وده بيحصل اكتر في الحالات اللي بتبقى العربيات جاية في وش بعض.
عموما .. لازم نعرف إن الصني الجديدة بقت بتنافس في فئة أقل من الأول.. بمعنى إن منافسينها الأساسيين ما مبقوش الكورولا والسيفيك زي زمان.. إنما بقت بتنافس اليارس والريو والأكسنت.
تاني حاجة مهمة لازم نعرفها.. إن العربية متصممة في الهند وبمكونات هندية..
تتوقع إيه منها؟؟؟
تالت حاجة... ما تحكمش على الماركة من موديل واحد... نيسان عندها عربيات تانية متميزة جدا في كل حاجة.. بس للأسف ما بتنزلش مصر.
على العموم.. لو عايز تعرف أكتر عن أساسيات ثبات السيارات.. اتفضل وادخل على الموضوع ده
http://www.nilemotors.net/Nile/375709-a.html
...