سيارات 100% يابانى؟

**shanodaa** · 06-11-2008 09:54 PM

اكيد في اختلاف بين الصناعه الياباني وجنوب افريقيا لان في نسبه انتاج محلي للدوله تدخل في السياره

**subaruegypt** · 21-11-2008 08:47 AM

اعتقد انه مهم ذكر الموضوع ده طبعا

**mohamedbook** · 14-12-2008 02:52 AM

مهم جدا ياول مصنوعة فين عشان لو كانت في الصين مش هشتريها باي حال من الاحوال ومحدش يقنعني ان العلامة التجارية هي اهم شيء اهم شيء بلد المنشئ العربية الي في الصين اومصر غير اليابان طبعا تفرق

**ashrafE51** · 06-01-2009 09:35 AM

المشاركة الأصلية كتبت بواسطة mohamedbook

مهم جدا ياول مصنوعة فين عشان لو كانت في الصين مش هشتريها باي حال من الاحوال ومحدش يقنعني ان العلامة التجارية هي اهم شيء اهم شيء بلد المنشئ العربية الي في الصين اومصر غير اليابان طبعا تفرق

ومين قال كده --- انا لا اتفق معك -- لان ممكن يكون عربية ياباني وبيقول التوكيل كده !!! ولكن خامتها تكون لا تدل علي انها ياباني مثل الشارك - بلاستيك الموجود باب العربية وغيره!!

**khalid_adel** · 06-01-2009 11:11 AM

ياباني 100%
عروستي ؟؟؟؟
تبقى مفيش غيرها السوبارو طبعا :]
وعلي رأي المثل ياباني في غير ملكك :)

**aadiab** · 08-01-2009 07:01 PM

+11111111111111111111

**احمدعبدالعزيز** · 19-01-2009 11:58 AM

المشاركة الأصلية كتبت بواسطة hero

اسمحولي اقول رأيي الشخصي في الحكاية دي....باعتبار اني جربت اشتري منتجات صيني لماركات امريكية ويابانية ...بس مخصصة لاسواق اوروبية...يعني اشتريتها من اوروبا وليس مصر ولا حتي الشرق الاوسط.
----------------------------------------
الفكرة يا جماعه من حكاية التصينع خارج البلد الام تتلخص في اختراع تجاري اقتصادي اسمة Outsourcing ودة بالبلدي ...ان الشركة او المصنع وجد ان في مكان ما علي كوكب الارض ..فية عمالة رخيصة ويسهل تدريبها ....والتعامل معاها ...دة غير برضة ان الدولة ايلي فيها العمالة دي بتمنح الشركة او المصنع تسهيلات كتيرررر قوي...ومزايا ..تجعل من استثمارة في الدولة صاحبة العمالة ...صفقة رابحة ...من جميع النواحي.

الفكرة حاليا مش في مكان التصنيع....علي قدر مكان السوق ايلي البضاعة موجهه الية....
يعني المصنع في الصين ...مافيش مشاكل...
بس اللوط دة رايح اوروبا او امريكا او كندا .....يبقي نمرة واحد....و100% جودة وامان واختبارات علشان الناس هناك ممكن تمنع دخول البضاعه دي لو فيها عيوب..
اللوط دة رايح البرازيل او المكسيك او دول فقيرة افريقية......يبقي لم الكسر واي منتج فية عيوب...وارمية هناك
اللوط دة طالع علي الخليج ...والشرق الاوسط....يبقي شوق اقل متطلبات ليهم ...وارمي علي هناك...
طيب ايلي ما عرفناش نسوقة في الخليج .....يبقي ارمية علي التجار في مصر.....

لية بقي
--------------------
لان ببساطة الاسواق الاوروبية ...نتيجة ارتفاع الزوق والمستوي المعيشي والخدمي هناك..... المستهلك ما بيقبلش بانة يشتري بضاعة تعبانة ولا جودتها مضروبة ولا حتي بيقبل بخدمة تعبانة.....ولان هما ايلي اخترعوا معايير الجودة..ومعايير الامان ....يبقي لازم البضاعه ايلي تتباع هناك تكون مطابقة مليون في المية ....لاحتياجاتهم....

وابسط مثال علي كدة......
شوفوا توكيلات هيونداي وكيا...بتعمل اية في انجلترا....شوفوا الاوبشنز ايلي بتنزل ستاندارد مع العربية...والضمان وخدمة ما بعد البيع ...وناقص يبوسوا ايديهم علشان يشتروا عربياتهم...ويسمحولهم بدخولها هناك.....ودة راجع لان زي ما قولت المستهلك هناك صعب ارضاءة....فلازم تقنعه وتتحايل علية يشتري منك...

طبعا لو كيا او هيونداي او حتي تويوتا ....باعتة شحنة عربيات لمصر....فهما اكيد فاهمين طبيعه السوق ايلي هايبيعوا فية العربية ....وفاهمين طبيعه المستهلك...وبيدور علي اية في العربية ...ويهمة اية من الدرجة الاولي....وكل شركة بتعمل كدة....من اول شركة لاسوء شركة....

ودي دراسات في مجال التسويق...علشان يوفروا علي نفسهم جودة عالية قوي لزبون لا يبحث في متطلباتة عن مثل هذة الاشياء...ويوفروها لزبون تاني ....
-------------------------------------

ابسط مثال ....ودة انا باشوفة بنفسي ...
ملابس الاطفال ايلي بتتباع في مذر كير....ودة من افضل المحلات البريطانية لملابس الاطفال...وكل الملابس مصنوعة في شرق اسيا...

بس لو مسكت قطعه واحدة وبصيت علي ورقة البيانات ايلي عليها ....هاتحس انك بتتفرج علي كتالوج عربية....

جميع المكونات مذكورة وبالنسب الصحيحة بتاعتها ...
المرحلة العمرية ....والمقاس مظبوط...
تحذيرات من النار او الحرارة...
توجيها للتنظيف والغسيل...بدقة وتفاصيل مملة...
الكلام مكتوب باكتر من لغة....

انا فاكر مرة كنت باتفرج علي برناج اقتصادي في التلفزيون المصري...
وكان رجل اعمال بيحاول يصدر "شورتات وملابس رياضية لامريكا"..
الراجل كان طالع يعيط....علشان هيئة الرقابة علي الجودة الامريكية طالبة من 13 بيان يتحط علي التيكيت بتاع كل قطعه..موضح فية كل شيء...وهايتعمل تحليل لقطع عشوائية ولو طلعت النسب ايلي كاتبها غلط...هايتعملة بلاك ليست ....وما تجيش عندنا تاني...

الي الآن ....90% من الملابس المصرية لا يوجد علية ما يوضح مكونات صناعتة ...قطن ولا بوليستر ولا نايلون...ولا خيش...
---------------------------
خلاصة الموضوع
-------------------------
ان الاوت سورسينج دة شغال بقالة يجي 20 سنة....ونجح في العالم كلة ....بس العبرة بمعايير الجودة والامان ...في السوق الذي سيتم بيع المنتج وتسويقة فية.....
---------------------------------------

كلام مظبوط 100% والدليل ان انت فى مصر بتعمل نفس الموضوع مثال ..

انا فى احدى شركات البترول بشوف بعينى المنتج النهائى حاجة محترمة جدا وتغليف ممتازوجوده عاليه جدا ولكن دى للتصدير اما الدرجة الثانيه فيترك للاستهلاك المحلى

..

**tutankhamoun** · 25-09-2010 08:14 AM

زي ما الأستاذ هيرو قال بالظبط

العبرة بالسوق اللي المنتج ذاهب له .......... مش بلد التصنيع

أنا شوفت في لندن قبل كدا لحاف فيبر على قطن مصنوع في مصر
لما تشوف المادة الخام و التقفيل بتاعه .......... و ثمنه !!

تعرف أن الموضوع ملوش أي علاقة ببلد المنشأ على قدر السوق المستهدف .

أنت هنا في مصر مش هاتعرف تبيع اللحاف بتاع لندن بثمن عالي و بالتالي هاتخسر لو صنعته للسوق المصري بالجودة دي .

لأن أحنا في النهاية سوق ناشئ ..... فقير ...... في مرحلة النضوج ( المراهقة يعني )

أما الاسواق الأوروبية و الأمريكية حاجة تانية خالص ( أسواق ناضجة ) و غنية بسبب أرتفاع مستوى المعيشة و أرتفاع قيمة العملة .

و بالتالي ...

أنا لو عندي مصنع و عايز أصدر حاجة لدولة معينة
لازم ألتزم بمعايير الدولة دي علشان يسمحولي أصدر لهم ( أتفاق كامل مع رأي الأستاذ هيرو )

-------------------------------------
تعالوا بقى نتكلم عن التويوتا الياباني و الجنوب أفريقي

أنا مش شايف أي فروق في الجودة نهائيا

و مش عارف الناس ملبسة جنوب أفريقيا موضوع الفتيس ليه ....
الفتيس اللي في العربية صناعة ياباني و قرار ياباني بتركيبه و التجربة في المصنع اللي موجود في جنوب أفريقيا

و على فكرة
جنوب أفريقيا بيعتبرها الأوروبيين من الدول المتقدمة صناعيا ( علشان هي فعلا متقدمة صناعيا )

و موضوع الياباني ......... و الأوروبي ............ هي حالة نفسية بنسبة كبيرة لدى المستهلك أكتر منها حقيقة واقعة على أرض الواقع . ( و أنا بتكلم عن تجربة علشان محدش يطلع يقولي أنت مش مجرب و لا متعرفش الفرق بينهم )

-

-

مشاهدة نتائج الإستطلاع: هل تؤيدون ان يذكر التوكيل فى الاعلانات ان سيارته مصنعه بالكامل فى اليابان؟

الموضوع: سيارات 100% يابانى؟

LinkBack

أدوات الموضوع

عرض

-

-

-

-

المواضيع المتشابهه

سيارات يابانى مش يابانى؟

! عناوين وارقام تليفونات محلات قطع غيار سيارات يابانى فى اسكندرية لمن يهمة الامر

مقارنة 8 سيارات من عمالقة فئة العائلية المتوسطة ( 5 يابانى و 3 أوروبى )

عناوين وارقام تليفونات محلات قطع غيار سيارات يابانى فى اسكندرية لمن يهمة الامر

صراع يابانى يابانى كورى

الكلمات الدلالية لهذا الموضوع

المفضلات

المفضلات

ضوابط المشاركة