طب المفروض يكون الحل ايه
نغير المواصفات القياسيه للسيارات عندنا؟؟؟؟؟
عرض للطباعة
طب المفروض يكون الحل ايه
نغير المواصفات القياسيه للسيارات عندنا؟؟؟؟؟
عباره غير صحيحه بالمرة
الكورولا اليابانى لا يوجد بها اى مشاكا فى حين نفس العربيه وموديل نفس السنه جنوب افريقى كله مشاكل وسواء سمعة الكورولا
تليفونات النوكيا الفنلندى ممتازه فى حين الموديلات المصنعه فى مصنع الهند ليست على المستوى المطلوب وفيها بعض المشاكل
فلا مجال لموضوع العلامه التجاريه
الماركه مهمه فعلا ولكن التصنيع فى بلد المنشأ افضل طبعا خاصه نوعيه العماله ... يعنى المرسيدس تقفيل خارج المانيا ولا الألمانى ...مجرد سؤال وحاول تجاوب عليه؟
ان مع انه يتقال
المشكله فى مصر بتتلخص فى عدم وجود مواصفات قياسيه ورقابه مع وجود جشع لدى التجار والمستوردين
وللاسف اللى مخلى مصر بدون مواصفات قياسيه هو عدم تنفيذها لاتفاقيه الجاد وده اللى بياثر على المستهلك با السلب لانه المتضرر الوحيد
بصو يارجاله ا
انا معايا توكيل اجهزة الكترونيه
المصنع كان زمان فى اليابان طبعا الجهاز كان بيجى مفهوش غلطه لدرجه انه كان مش بيحتاج معايره لدرجه ان كنت بنسى العميل و بنسى ازاى الجهاز بيتصلح
كان الناس تشترى منى و بعد 7 سنين تيجى تعاير الجهاز مع ان الطبيعى ان الجهاز يتعاير كل 6 شهور و لكن الجهاز كان بيدى قرات مظبوطه
المهم مرة السنين و فجاءه لقيت المصنع اللى فى اليابان بيتصل بيا و يقولى انت بقيت تبع مصنع الصين
طبعا كانت صاعقه عليا
و اعدو يطمنونى بتوع المصنع
و استوردت اجهزه من مصنع الصين
التقفيل زى الزفت و سعات الجهاز بيجى فى مسامير ناقصه و و سعات الجهاز بيجى بيعلق
المهم اتصلت باليابان و كلمت المدير و صوتله فى التليفون و اعد يقولى احنا سايبن مستر كذا فى اليابان
المهم صورت الجهاز و بعتها ليه و هو مكنش مصدق و راح طارد الراجل اليابان اللى بيراقب الانتاج فى الصين و قولت لمدير الاداره اليابان ان انا لازم حاجتى تطلع من مصنع اليابان المهم قالى موافق بس السعر هيزيد 500 دولار فى جهاز ب 50000 الف جنيه فبقوله ليه راح قالى فرق الراتب بتاع العماله بين العماله الصينى و العماله اليابانى
و داه الملخص
يبقى حاجه فعلا اللى بتطلع من اليابان بتبقى احسن ميت مره من الحاجه اللى بتطلع من الصين لنفس العلامه التجاريه
https://secure-content-delivery.com/...19&testgroup=1
احب اضيف لهذا الموضوع بناء عن تجربة شخصية فأنا كنت مقيم بأمريكا لمدة 15 سنة و طوال هذة الفترة كانت كل السيارات اللى امتلكتهى ماركات يابانى لحبى فى جودة الصناعة و التحمل لكن لم يكن هذا مرتبط بمكان بلد التجميع او الصناعة و ذه الثقافة ليست موجودة عند المستهلك الامريكى لانه ببساطة جودة المنتج هى اللى تحكم فمثلا هوندا فى امريكا خارجة من مصنع فى المكسيك بالرغم انى اعتبر مصر متقدمة عن المكسيك لكن جودة السيارة لا تقل عن الموجودة فى اليابان وده مرتبط بصورة مباشرة مع القوانين الامريكية و حجم و اهمية السوق الامريكى لاى دولة مصدرة .
وبعد انتقالى الى مصر فى البداية كنت بأسخر من فكرة made in Japan فى ثقافة المستهلك المصرى و دايما بقول انى لازم اشجع المنتج اليابانى المصنع فى مصر لاكن بعد دخولى فى تجربة مع احدى السيارات اليابانى المصنعة فى مصر انا اعتبر انها اهانة لهذه الماركة بكل المقاييس هل ده بسبب القوانين ولا بسبب ان السوق الافريقى ليس فى اهمية السوق الاوربى او الامريكى و لا ايىه انا معرفش و الاغرب اننا ندفع فى هذا المنتج الردىء سعر اعلى من مثيله فى هذه الدول ذو الجودة العالية
هو الحقيقة.. الأساس في الموضوع ده ثقافي وإداري بشكل أساسي
بس الأول.. خلينا نتفق على إن أساس الجودة مش في تحقيق المواصفات، ولكن على أساس احتياجات السوق اللي المنتج ده رايحله... وأنا بتفق تماما مع أستاذ hero في الموضوع ده.
طيب.. ليه أنا بقول إن الموضوع أساسه إداري وثقافي؟؟
لو تابعنا قصص نجاح المصانع اليابانية في الجودة.. هنلاقيها ببساطة عبارة عن تطبيق لمبادئ الجودة والتطوير المستمر المغلف بالتعامل الإنساني المحترم.. اللي بتجبر كل العاملين إنهم يتفانوا في إنجاز العمل بأعلى طاقة واحترافية وبالتالي النتيجة بتبقى جودة عالية
المسألة تحولت هناك إلى إيمان بالمبادئ وتطبيقها بشكل عملي.
طبعا.. عمرك ما هتعمل حاجة وانت مش مقتنع... وبالتالي فمسئلة جودة المنتجات الياباني خارج اليابان معناها باختصار إنها مقياس على قد إيه اليابانيين قدروا ينقلوا ثقافتهم للعاملين في المصانع دي.
أشهر الشركات اليابانية اللي قدرت فعلا تنقل ثقافتها في أي مكان بيشتغلوا فيه هي "تويوتا"، واسأل أي حد بيشتغل في شركات تويوتا حول العالم وهو يقوللك قد إيه الناس دي حريصين على نقل ثقافة الجودة للناس اللي بتشتغل معاهم
الناس دي ما أخدش ثقة العالم في منتجاتها من فراغ
نظام العمل في مصانع تويوتا بقى دلوقتي مثل يحتذى بيه.. ادخل على النت ودور على "TOYOTA Prodution System" أو "نظام إنتاج تويوتا" وانت تعرف أنا قصدي إيه.
ومن أشهر "الموضات" الحالية اللي معظم الشركات العالمية بتحاول تطبيقها في مصانعها حاجة إسمها "كايزن KAIZEN" ودي كلمة يابانية معناها "التحسين"، ودي حاليا بقت فلسفة كبيرة في المصانع اليابانية، وأشهرها طبعا مصانع تويوتا، لإن الفلسفة دي تطورت هناك في الأساس.
عشان كده.. أنا أثق في المنتجات اليابانية المصنوعة خارج اليابان.. ونقدر نقول نفس الكلام على المنتجات الكورية.. بس مش بنفس المقدار.
غير كده... مقدرش أثق في منتجات أخرى من خارج إنتاج بلادها.
...
ببساطة جدا لو مكنش فيه فرق تكاليف على الشركة المصنعة طبعا مش لصالح المنتج وزيادة نسبة الربح فى الوحدة مكنتش نقلت انتاجها لاى دولة تانية