صوت طقطقه وانا ماشى ولما بجرى بحس بحكه وكان حاجه مفكوكه

انا لسه مغير الطنابير بتاعتى للطنابير الكبيره الجمعه الى فاتت ولسه مكملتش 100 كم
بس وانا ماشى بسمع طقطقه جامده عند العجله الشمال ناحيه السائق واكان فى مسمار مفكوك و العجله عاوزه تتخلع والصوت ده وانا ماشى مش فى الملفات وممكن يختفى لما بكسر دريكسيون على السريع
و المشكله دى مسببالى ان العربيه سحبها قل و بقت مش ثابته فى الدريكسيون وبيرمى منى الدريكسيون يمين و ده مخوفنى فى الجرى

ياترى ده كوبلن ولا ايه ولو كوبلن اجيبه جديد ولا استيراد
انا الجمعه الى فاتت وانا بركب الطتابير قولت لعصام يبصلى على الكبالن قالى كويسه ممكن تبوط فى اسبوع واحد ؟؟؟ انا رايحله انهرده على الساعه 3 اركب التيل

يا باشا ده هتلاقيه صاجة التراب

صاجه تراب
معنديش صاجه تراب ده غير كدا الكلام ده بياثر على الدريكسيون بيخلى العربيه ترمى يمين لوحدها

متهيألي كده في طنبوره متربططش كويس ..متهيألي ..شيك على تربيط الطنابير تاني

شيك عالطنابير وممكن يكون عندك تيل فرامل قافش راجع أو العفشة سايبة حاجات كتير ممكن !!!

لما تركب التيل ان شاء الله خليه يراجع على تركيب الطنابير ده سبب رئيسى والصاجه الى بتحميها من التراب كمان
وبعد كده ظبط زوايا

لما تروح لعصام قلنا النتيجه ايه

النتيجه ان لاقيت عندى تسريب زيت وبكشف على الزيت قبل ماروح الاقى الزيت قرب يخلص روحت لعصام قالى هنشوف كارتيره الزيت و عملها وظبطها وركبها وظبط الفرامل ومشيت
وانا ماشى لاقيت ريحه زيت محروق ببص لاقيتها بتنزل زيت تانى روحت راجع لعصام تانى بص تانى قالى المشكله مشكله التقسيمه بتاعه السيور تقريبا كدا على كلامه الى غيرلى سير الكاتينه مربطشى المسامير كويس فسربت وهاروحله بكره تانى هيشوف بتسرب منين من عند سير الكاتينه

الى زعلنى فى ده كلوا زيت كاسترول الى روحت جبته من على الدائرى عند مؤسسه الزكاه وكان نفسى اجربه مكملش معايا 700 كم ومشكله التسريب دى خلتنى انزله كله على الارض وزعلت عليه اوى
ودلوقتى حطيت شيل الاصفر مؤقتا اجرب عليه خاصه ان لزوجته 15 \ 50 ودرجه الحراره اليومين دول بتعدى ال 40 فمينفعش زيت 40 \ 10

قدر الله والحمد الله على كل حال
حاول تروح للميكانيكى مره واحد ينهيلك مشكلة الزيت مش على مرات عشان ماتخسرش زيتك
الزيت 40/10w مناسب ليك وجرب وولفر

مش لاقى ولفر ومش عارف اجيبه منين دورت عليه مش لاقيه

الى فهمته ان المشكله هو فى مجموعه سيور التقسيمه

قالى بتبقى مربوطه من تحت بمسامير شد و الميكانيكى الحمال اللى راكبلى الرسر مربطهاش كويس
دخ اخر الكلام بس لسه مفتحتش علشان اتاكد