هو فيه ارتباط بين السنتر ووحدات الرفع يعني لو السنتر مش شغال ووحدات الرفع شغاله تبقي مشكله بسيطه في السنتر ولا ممكن يكون السنتر بايظ خالص وعاوز يتغير وتكون وحدات الرفع شغاله شكرا
عرض للطباعة
هو فيه ارتباط بين السنتر ووحدات الرفع يعني لو السنتر مش شغال ووحدات الرفع شغاله تبقي مشكله بسيطه في السنتر ولا ممكن يكون السنتر بايظ خالص وعاوز يتغير وتكون وحدات الرفع شغاله شكرا
فى ارتباط سلكى طبعا حتى لو لم يتم عمل تعديل على الضفيرة لتوصيل الاثنين لتعمل مع الريموت
بس ايضا ممكن يكون كنترول السنتر بايظ ووحدات الرفع شغالة لان فى ارتباط سلكى فقط لانك ممكن ترفع الزجاج عندما تضع المفتاح فى باب السواق وتلفه ناحية اليمين سواء السنتر قفل او لم يفقل
الاول حضرتك قول لنا ايه اللى بيحصل بالضبط معاك واحنا هنرد عليك بالافادة
اللي كان بيحصل ان الباب اليمين ماكانش بيقفل مع السنتر بعده بفتره لقيت ان كل الابواب لابيتقفل ولا بتفتح مع السنتر بس وحدات الرفع شغاله لما بقفل الباب بالمفتاح واحد قالي دي مشكله بسيطه طالما وحدات الرفع شغاله بس انا حاسس ان السنتر باظ
اللى فهمتو ان السنتر لا بيقفل ولا بيفتح من باب السواق ولا من الريموت مكن الرفع بس اللى شغال عند وضع المفتاح فى باب السواق
اولا انا شاكك بنسبة 80% فى كنترول السنتر وبنسبة 20% تشيك على مكن السنتر
ممكن تشوف كنترول عند اى حد من بتوع الاستيراد وتشيل القديم وتركب الجديد بنفسك وتجرب ظبط يبقى تمام ما ظبطش شوف واحد واتنين وتلاتة مظبتش يبقى مكن السنتر باظ لانه له عمر افتراضى
حصلت نفس المشكله معايا انا كمان بسبب واحد زميلى كان يفتح مقبض الباب اليمين قبل ما انا افتح من الريموت وطبعا كان الباب بتاعه مش بيفتح مع السنتر عملها 3 مرات بعدها بقى الباب ده يعلق ولا يستجيب مع باقى الابواب لكن وحدات الرفع شغاله تمام وبعدين لقيت السنتر بقى مش بيفتح ويهيس وقريت على المنتدى انى اشيل كابل البطاريه شويه علشان اعمل ريسيت وفعلا بعدها الريموت اتظبط بس الباب اليمين برضه فضل يعلق رحت لبتاع ابواب حاول يفتح الطبله وماعرفش لغاية ما كسر منها حته وهو بيحاول وبعدين غسلها بجاز وقعد يخبط عليها وراح مركبها وبرضه نفس المشكله فقالى ان السنتر جوه طبلة الباب وعاوز يغير الطبله وهو ما عندوش منها بس هى تعمل حوالى 200 جنيه من بتوع الاستعمال وعرض عليا اسيب العربيه يعمل تعديل للباب ده يركبله سنتر له ويبقى واخد كهربا من السنتر العمومى وهيكلف 100 جنيه قلتله لا هجيب واحده استعمال فراح مركبها مكانها وبعد ما قفل بنجرب لقيها اشتغلت وخد 40 جنيه ومشيت وتانى يوم رجعت تانى تعلق ولاحظت انى لما مثلا اقفل السنتر والباب ده ما يقفلش اجى اقفله بايدى الاقيه تقيل جدا ولا يستجيب كما لو كان عليه اوردر كهربا مانع الحركه اروح دايس فتح وقفل من السنتر لغايه ما يبقى خفيف اروح قافله بايدى واقفل السنتر بالريموت لكن لما اقفله قبل ما ادوس قفل من الريموت يكون خفيف وسهل فى القفل والفتح واسف جدا على الاطاله بس نقلت التجربه للافاده
نسيت اقول انى بعد ما شلت كابل البطاريه وحدات الرفع ما بقتش تقفل مع السنتر وكنت قريت برضه على المنتدى انى ارفعها من الزرار حتى نهاة المشورار وافضل معلقها 3 ثوانى لكل باب وفعلا بعد ما عملت كده بقت تمام مع السنتر وبرضه اعدادات الكاسيت رجعت تانى للافتراضى بتاعه