السلام عليكم
انا ان شاء الله ناوى اغير فردتين امامى لسيارة فيات بونتو 95 ، المقاس اللى مكتوب فى الكتالوج 14/60/175 ، وانا اشتريت العربية راكب فيها مقاس اكبر 14/60/185 ، والفردتين الامامى جابوا اخرهم ومركب فيهم داخلى ، فعايز اغيرهم ، وبعد اللف والتعب استقريت على بريدجستون my-02 تايلاندى وسألته على جودته ، قال ليا هو واليابانى واحد ، قال ليا الاتنين واحد بدلآ من بريدجستون خلاص ومعدل الحراراة A والسرعة H بـ 550 جنية ، او ميشلان انجليزى بـ 540 جنية بس مش عارف الموديل بتاعها ، سألت عليها فى التوكيل بتاعها فى الملك الصالح على الكورنيش ، فاية رايكم فى الفردتين ؟؟ ياريت حد يكون جرب الماركتين ويقولى اية افضل حاجة فيهم ؟؟ وبالنسبة للمقاس فى مشكلة لو فضلت على المقاس الاكبر عشان مش هاقدر اغير الاربع فرد مرة واحدة ؟؟ الميزانية مش هتسمح ؟؟
من مالكى البونتو 95 ياريت تقول ليا ، اية المقاس اللى راكب عندكم زى اللى عندى والا غيره ؟؟
ولو حد ليه تجربة فى الموضوع دى ياريت يقولى
ارجو الرد من اهل الخبرة ضرورى ، وشكرآ ليكم جميعآ