بص، انا النهاردة كنت راكب مع والدي وكنا في منطقة واقفة، فهدينا ووقفنا طبيعي خالص وهوب جه واحد من الخلف ورزعنا رزعة محترمة عوجت الاكصدام بباب الشنطة، العربية جديدة مبقالهاش شهر ووالدي مش متعود يأمن على عربيته عشان شايف انهم نصابين ومقرفين، وعشان كده انا قررت وانا رايح اشتري العربية الجديدة أأمن عليها ع الاقل اول سنتين تلاتة ... انا بقالي اكتر من خمس سنين بسوق عمري ما عملت حادثة الحمدلله، بس النهاردة قررت إن الواحد ميغامرش بحظه في البلد دي ... انت ممكن تركن العربية تحت بيتك وتتخبط وهي واقفة مكانها ( حصلت قدام عيني والله، وفي عربية جديدة برضو !) ... أحسنلك أمن عليها أول سنة أو اتنين وربنا يحفظهالك ...
بالمناسبة، في محمد زكي النهاردة قالولي ان عندهم نظام تأمين ومن ضمن المميزات قالي اني مش مضطر أتعامل مع شركة التأمين، مجرد إني بدفع 10% بتاعتي والتوكيل بيتعامل مع شركة التأمين، بس مجبر إني أصلح جوة التوكيل ... هو أغلى شوية من الرقم اللي انت قلته، 3600 تقريباً ... بس بصراحة زي منا قلتلك، ع الأقل أول سنتين حدفعهم وانا راضي لأن الواحد مهما عمل مبيضمنش
المفضلات