معايا فلونس ٢٠١٤
وعاوز اركب ساوند سيستم كامل
وعاوز اعرف فيه قلق ولا لا في الموضوع دا
اوجو الافاده
عرض للطباعة
معايا فلونس ٢٠١٤
وعاوز اركب ساوند سيستم كامل
وعاوز اعرف فيه قلق ولا لا في الموضوع دا
اوجو الافاده
الفيها محترم قوي على فكرة
فى واحد عالجروب مركب بازوكا فى الفلوانس هحاول اجيبلك الموضوع هنا
بص مبدئيا أحب أقولك ان كان ليا تجربة اليمة مرتين فتركيب كاميرا للفلوانس برة وعند ناس نضاف جدا كمان
بالنسبة للبازوكا Ahmed Omara عملها وكانت نتايجها كالتالى
http://nileup.com/up/uploads/nilemotors_14020832591.jpg
http://nileup.com/up/uploads/nilemotors_14020832592.jpg
http://nileup.com/up/uploads/nilemotors_14020832593.jpghttp://nileup.com/up/uploads/nilemotors_14020832594.jpg
http://nileup.com/up/uploads/nilemotors_14020832595.jpg
التركيب وصلة من السماعة ووصلة من البطارية بفيوز من غير لعب فالضفيرة التكلفة الإجمالية 1400 جنيه وعلمها فمدينة نصر بس اللى عملها تعبه شوية وبيقول انه ممكن يرشح ادريان اللى فمصر الجديدة أحسن
أى خدمة :))))
الف شكر ياباشا ، بس ممكن اعرف ايه التجربه الاليمه الي حضرتك عديت بيها، حصل مشكله في الكهرباء يعني؟
والنقطه التانيه ممكن رقم تلفون استاذ احمد الي ركب البازوكه لانه اكيد ركب سماعات وكلاريون في اسكندريه هنا بيقولي التابلوه ورا مينفعش فيه سماعات
دا غير اني عاوز اعرف تركيب البازوكه والجي ام فيه خطر علي كهربه العربيه ولا لا؟
هحاول أجيبلك رقمه لأنى معرفوش شخصيا
بالنسبة ليا أنا ... أولا ساعة التركيب انا جايب ماركة نضيفة ب 1200 جنيه التوكيل قالى تسيبها يوم والكلام دة وكان عاوز 400 جنيه تركيب تقريبا المهم رحت ركبتها عند اللى اشتريت منه سنتر كبير فمدينه نصر الكلام دة من حوالى 6 شهور مثلا المهم وهو بيركب العربية فجأة فضلت تدى alarms ورا بعضها و قطعت النفس نهائى مفيش اى حاجة شغالة ولا نور صالون ولا تابلوه ولا اى حاجة المهم من هنا لهنا طب معلش طب هنعملك اللى انت عاوزه جابه بالليل مهندس من التوكيل طلع فى فيوز عمومى معمول حماية للكمبيوتر لو حصل اى قفلة بيفصلها كلها عشان الكمبيوتر ميفلسعش المهم تمام مفيش مشكلة ومشيت
من شهر كدة (يعنى بعد اكتر من 5 شهور من التركيب) مسافر اسكندرية الاقى العربية نصها مش شغال لا الازاز الشمال ولا الكاسيت ولا السنتر قمت عديت على توكيل العامرية قالولى كدة تمام بس متلعبش فيها تانى الكاميرا كانت واخدة باور من حتة غلط
تانى يوم وانا فاسكندرية نزلت اجيب حاجة رجعت لقيت العربية مش بتفتح ولا اسة بالكارت من هنا لهنا ناس ولاد حلال دلونى على مدير الصيانة فى فرع سموحة بعتلى ونش خد العربية تانى يوم قالولى فى حاجة اسمها PDU دى زى مخ العربية كدة اللى بتشغل الكومبيوتر فلسعت وغيروها ب 450 جنيه وأعادوا توصيل الكاميرا من اول وجديد قالولى كانت محملة عالفيوز اللى واخدة منه المفروض كانت تاخد كهربا من حتة تانية ولقيتها سايحة فعلا من جوة وقالولى احمد ربنا فى ناس بتركب زينون ساعات بيضرب البوردة تمنها 11 الف جنيه كويس انها جت على اد كدة
الحمد لله بقالها شهر ماشية كويس الحمد لله حتى الآن مفيش مشاكل ... انا حكيت لك كل التفاصيل المملة دى عشان تفكر الف مرة قبل ما تعمل حاجة عند اى صنايعى مهما كان شاطر