خلاص زهقت حد يساعدنى

**jaw_83** · 13-10-2008 10:39 AM

انا معايا عربيه اكسنت 1300 مو 99 بقالها كام يوم وانا بسخن بسمع صوت خبطه مميزه كانه نقر او بليه بتخبط الصوت بيبقى جاى من الموتور من فوق لكن ماقدرش احدد من انهى جزء لانه بيبقى مسمع فى الموتور كله من فوق والصوت يختفى اول ما ابتدى اتحرك والعربيه تسخن الصوت يروح روحت للميكانيكى قالى دى كتاوت وقالى نفض و متحتش فى دماغك انتو رئيكوا ايه والصوت ده لو مش كتاوت ممكن يبقى ايه

**ahmedfouad** · 13-10-2008 03:31 PM

لا ما تنفضش
هل هو صوت عامل زى صوت التاكيهات؟
ويا ريت تحط ايدك على غطا التاكيهات الصبح ولو النقر منها يبقى دى الكوستبانات محجرة وعايزة تتنضف والزيت بيكون متجلط جواها لحد ما العربية تسخن
على العموم اتاكد وقولى
:k41:

**l0new0lf** · 13-10-2008 03:39 PM

المشاركة الأصلية كتبت بواسطة jaw_83

انا معايا عربيه اكسنت 1300 مو 99 بقالها كام يوم وانا بسخن بسمع صوت خبطه مميزه كانه نقر او بليه بتخبط الصوت بيبقى جاى من الموتور من فوق لكن ماقدرش احدد من انهى جزء لانه بيبقى مسمع فى الموتور كله من فوق والصوت يختفى اول ما ابتدى اتحرك والعربيه تسخن الصوت يروح روحت للميكانيكى قالى دى كتاوت وقالى نفض و متحتش فى دماغك انتو رئيكوا ايه والصوت ده لو مش كتاوت ممكن يبقى ايه

متاكد انه قال لك كتاوت؟

**jaw_83** · 13-10-2008 06:22 PM

انا اسف هوه قالى التاكيهات بس انا اتلخبطت ومعلش هوة فين غطا التاكيهات

**l0new0lf** · 13-10-2008 11:20 PM

حسب معلوماتى ان موتور الاكسنت تكيهاته على اطباق, و دى ضبطها متعب شويه و مش اى حد يعرف يضبطها صح, فى ناس بتستعمل لينيات لضبط التكيهات بس انا مبفضلهاش علشان بتعمل صوت طرقعه و مع الاستعمال بتتخرم و يبقى مالهاش لازمه
لازم ضبط تاكيهات بتغيير الاطباق بالمقاس المناسب حسب نوع الموتور للمحافظه على مقاس الخلوص المضبوط و لضمان عمل الموتور بكفاءه

**ahmedfouad** · 14-10-2008 12:23 AM

معلش خلينا الاول نحاول نصلح وبعد كدة لو منفعش ندخل فى التقيل
غطاء التاكيهات هو اللى متثبت اعلى الموتور وبيكون فيه وكجزء منه فتحة وضع الزيت للمحرك عند تغير الزيت
وعموما من غير ما تغير و قبل ما تفتح الموتور و تلعب فيه
هتروح اى بنزبنة شل
وتقول عايز اغسل الموتور من جوة بحاجة اسمها ال flush وهى علبة لونها اصفر وبحوالى 30 جنيه كحد اقصى-اعملها فى البنزينة طبعاً-متروحش لبتاع الزيت لانهم غالبا اغبياء وبيحبوا يفتوا وللعلم عملية الغسيل بال فلش بتاخد 5 دقايق بالكتير اوى والموتور شغال طبعاً وما فيش زيت فى الموتور معلش انا باكد علشان حتى لو عملتها برة تبقا عارف لانى مرة كنت عايز اغسل الموتور وسالت على الفلش لقيت بتاع الزيت فتح بقه فما بالك لو قلتله اغسل الوتور بيه؟؟؟
وده اجله مع غيار الزيت لانه لازم هينزل الزيت الاول فلو كان الزيت لسة فيه يبقى اصبر شوية لحد ميعاد الزيت وما تخفش دى حاجة بسيطة خالص ان شاء الله
وتحت امرك فى اى حاجة
و ابقى طمنا عملت ايه
:k1:

**jaw_83** · 14-10-2008 10:53 AM

الف شكر يا احمد يا جميل على العموم انا قدامى حوالى الف كيلو و اغيره و غالبا هروح شيل اللى فى احمد عرابى بس على ضمنتك الflush ده المهم انا هعمل القصه دى و اغير الزيت و اقولك ايه الاخبار سلام يا باشا :k28:

والف شكر يا ووالف على المعلومات الجامده