أنا غيرت رقمى بسبب نايل موتورز

**waleed0** · 08-06-2014 05:01 AM

الاحساس نعمه

**mohabelnegm** · 08-06-2014 08:33 AM

"اصنع الخير فى أهله , وفى غير أهله , فإن لم يصادف أهله , فأنت أهله"
جزاك الله خيرا على نيتك الطيبة فى مساعدة الغير ...فى نفس السياق فى المنتدى بلاحظ أن فى ناس بتعمل موضوع يسأل أو يستشير فى حاجة و تلاقى الناس بترد عليه بمنتهى ألأستفاضة و بمعلومات كتير عن الحاجة اللى بيسأل فيها و الأستاذ اللى سأل بيقرا كل حاجة و مايكلفش نفسة حتى يعمل شكر للمشاركة أو يكتب كلمة شكرا أو جزاك الله خيرا للى كتب له المعلومة..و تلاقى كل مشاراكاته التاليه هل فى حد عنده معلومات تانى عن سؤاله و فى ألأخر يسيب الموضوع بدون ما يعبر حد من الناس المحترمة اللى ردت عليه . الموضوع ده بيضايقنى جدا .

**drcobra** · 08-06-2014 09:34 AM

والله انا قلت كدة
فى ناس كتير مبتفهمش فى الاصول والزوق العام
والله فكرت اعمل جمعية اجتماعية للتوعية باحترام القانون والزوق العم والاصول بس الفكرة صعبة لانى عارف المسئولين عندى عن الشئون الاجتماعية ناس .........
يالا ربنا يهدى الناس

**Karim_Monir** · 08-06-2014 10:34 AM

بحكم ان رقمي موجود كدة برضه بعاني بشدة بس انا بقفل موبيالي وانا نايم بس ده مينعش ان فيه ناس مستفزة ومعندهاش احساس للاسف

**bmya** · 08-06-2014 12:44 PM

يا جماعه الناس اللي عمالين يقولوا قفل باب خير هو لما واحد يحوط رقمه عشان حدي عاوز يستتفسر عن حاجه ويجي واحد اهبل يبعتله كلمني شكرا ومع ذلك الراجل ما تأخرش وكلمه ولا يجي واحد معندوش دم يتصل الساعه 2 ولا 4 صباحا -يبقى كده قفل باب خير

**أبو يوسف** · 08-06-2014 12:53 PM

رداً على جميع الردود.

أولا ً . أنا معوق زيهم , ولما تعبت جداً فى شراء العربية بتاعتى
فقولن أعمل موضوع وربنا يعلم أنا تعبت فى كتابة الموضوع قد أية
وربنا كرمنى وعملت الموضوع ( كل ما يخص سيارات المعاقين ) من الالف الى الياء
وبعدين قولت أكتب رقمى لو لأى سؤال تانى
لاقيت ناس بتكلمنى وبتسألنى على نفس الكلام الموجود فى الموضوع
وبصراحة كنت مبسوط جداً جداً بالموضوع فى الاول لكن بعدين الموضوع بقى كتير جداً
أنا كنت بستقيل أكتر من 20 مكالمة فى اليوم واقل مكالمة ربع ساعة
وبطبيعة شغلى مينفعش الموبايل بتاعى يكون مقفول
وبصراحة كان فى ناس مستفزة جداً فوق ما تتخيله
على العموم انا فعلاً عجبينى فمرة انى أشترى خط جديد لاستفسارات
أبو يوسف