افيدوني ياجماعة علشان محتار

**hussien010** · 07-06-2014 03:00 AM

بصو ياجماعة انا مالي قربة المية لحد النص عند الماكس يعني مفيش مياة زياده بس انا لحظت حاجة غريبة جدا النهارده وانا بدور العربية الصبح لقيت في ماية بتنزل من الريداتر من تحت قولت العلبة مخرومة اكيد ببص تحت لقيت مزراب صغير في الريداتر علي ايديك الشمال هو اللي بنزل المياة دي هل دا عادي ولا اية بالظبط مش فاهم ولا اغير العلبة دي ولا ايه واللي اللي بيحصل ده طبيعي افيدوني ياجماعة
مع العلم انها بطلت لما العربية سخنت ياجماعة

**hussien010** · 07-06-2014 11:43 AM

اية يا جماعة المياة اللي بتنزل دي مشاهدات ومحدش عارف اية المياة دي علي فكره المزراب ده هو في الشمال من العلبة اللي هو اساسا القاعده بتعت الريداتير من تحت هم اتنين طبعا انتو عارفين وحده في اليمين مش باينة من تحت والشمال نازل منها مزراب صغير هو دول اللي نزلو شوية المياه وانا بسخن

**a7medsh3rawi** · 07-06-2014 11:59 AM

دا اسمه اللاكور وليه دراع بيتقفل ويتفتح منه
حاول تقفله كويس علشان بيسرب وهيخلى الميه تنقص
ولو فضل ينزل ميه ممكن يحتاج تغيير

**ysamerlabib** · 07-06-2014 03:04 PM

ده معمول علشان تفضي منه المياه لو بتغير المياه او بتغسل
حصلت معايا في عربيتي القديمة (اكسنت) والمياه كلها نزلت زكنا في العيد ومحدش فاتح ...
اقولك تعمل ايه بقى :
تجيب قرنديد (اللي هوه 2 انبوبة وبيتخلطوا على بعض) وتقفل الفتحة دي خالص وتستنى شوية لغاية لما ينشف وبعدين تحط المياة وتدور العربية لغاية لما تسخن وتتأكد ان مفيش مياه نزلة من المكان ده خالص ( ملهاش اي 30 لازمة لان في تغير المياة او الغسيل الراجل بيفك خرطوم تاني كدة وينزل منه المياه)
القرنديد فضل في العربية لمدة 7 او 8 شهور وانا بعت العربية ومفيش اي مشاكل تاني من ناحيته

**hussien010** · 07-06-2014 04:51 PM

فعلاااااا ياجماعة كده معاكم حق الف الف شكر بس فهموني اسدها ازاي القرنديد ده زي الزق السلكون والحاجات دي علشان اسده فعلا هو ده الحل علشان ملهوش لازمة وبيهرب مياة وخلاص