أخر مرة غيرت البوجيهات من امتى؟
عرض للطباعة
أخر مرة غيرت البوجيهات من امتى؟
البوجيهات لسة جديدة من اسبوع واحد بس والبطارية جديدة لسة شاريها كمان من اسبوع جميع السيور جديدة من اسبوع
نضفت البوابة وعمل ايديل لرن مافيش فايدة
هوديها عند حد بتاع اسكان اشوف اية الموضوع لو في حدا كويس ومجرب فالحرفيين ياريت حد يقولي على مكانة واسمة
لمبة التشك مش بتنور عشان كده انا فهمت ان مافيش داعي للاسكان والعربية بتجري زي الصاروخ ومافيش حاجة فالسرعات
ساعات البوجيهات الجديدة بتكون مرطبة جرب ترجع البوجيهات القديمة وشوف العيب لسه مستمر ولا لأ
جرب حساس ايدل من عند ميكانيكي بس متأكد انه شغال
و الحوار ده شبه العطل المرتبط بسيرفو الفرامل
ان شاء الله هروح اعمل اسكان النهاردة فالحرفيين وربنا كريم يبان العيب من اية بالظبط
غيرت بوجيهاتك وسلوك وفلاترك اخر مرة امتى ؟؟؟ وعملت بيهم كام كيلو لحد دلوقتى ؟؟؟
حطتها على الاسكانر عند محمد عسكر الجهاز قال مافيش مشكلة في اي حساس وروح للمكانيكي راجع على مسار وترس الكرانك وفعلا رحت للمكانيكي فك الترس وشافه هو المسمار وركبه تاني وقالي مفيش فيهم اى مشكلة بس المشكلة بتاعة البرجلة اول ما العربية تدور لسة قائمة هو قالي ان العربية ممكن تكون محتاجة رشاشات اية رأيكم اغير الرشاشات ولا العيب ده بعيد عنها محتاج رائيكم ضروري قبل ما ادبس واجيب رشاشات ولكم جزيل الشكر والتقدير
متابع
لانى عندى نفس المشكلة بس العربية بتبرجل لمدة 3 ثوانى فى اول الدوارة وهى باردة فقط
وبتطول على ماتدور
ونضفت رشاشات وغيرت بوجيها وسلوك
وطرمبة بنزين
جرب تنضف رشاشاتك بالالترا سونيك الاول وشوف ايه الاخبار
الحمد لله المشكلة اتحلت وبتغير الرشاشات تماما والعربية ظبط وراحت البرجلة وبقت الحمد لله تمام والفضل لله ثم ليكم يا اعضاء القسم المحترمين جدا واحب اشكر الاخ مصطفي ( Zaref ) لانه وقف معايا وساعدني والشكر موصول للاخ طارق اللي ما تأخر عليا ولكم جميعا كل الشكر والتقدير