سكودا فليشيا Glx حالة ممتازة

**madvoodoo** · 13-10-2008 12:09 PM

السلام عليكم
الرجاء السرعة في الرد لاني مسافر في اول شهر نوفمبر ان شاء الله ومحتاج ابيع العربية قبل ما امشي ومواصفاتها كالتالي:
الموديل: سكودا فليشيا GLX 1996
موتور: 1300CC - ستاندر لم يعمر من قبل كفائة 75%
اللون: كحلي جيد جدا
حالة الصاج الخارجي والداخلي : فبريكة دواخل بالكامل (بالكامل) والخارجي جيد جدا بعض الخدوش البسيطة من الاطفال الشارع طبعا تطلع ببوليش ان شاء الله
الكماليات: مجهزة تكيف - سنتر وانذار وولف 2008- كاسيت وسماعات بيونير بيضاوي ياباني اصلي - MP3 موديليتور 1 جيجا - فتح الشنطة والكابوت من الداخل - RPM وساعة ديجيتال - مسند يد جديد لم يستخدم
الحالة من الداخل: فرش وتابلوه المصنع جديد جدا
تم تغير الاتي:
مسعدين خلفي -بلي عجل وبيض امامي- مارش - عاومة بنزين - فلاتر وسيور كله جديد لاني كنت بصرف عليها علشان انا مكنتش عارف اني مسافر العربية عائلية جدا واستخدام راقي جدا و المعينة خير دليل
الرجاء عدم الاتصال الا في حالة الجدية في اسرع وقت ممكن والرجاء احضار فني عند المعاينة
السعر النهائي بدون اى فصال 33000 بدون اى فصال والرجاء عدم الاتصال في حالة نية الفصال السعر ده من الاخر والعربية تحكم
م/احمد
0123777251
يوجد صور كتير ليها بس بصراحة مش عارف ارفعا ازي ممكن المراسلة على الميل الاتي للارسال الصور وشكرا
madvoodoo@hotmail.com

**madvoodoo** · 15-10-2008 02:14 PM

الرجاء المساعدة في بيع العربية لضيق وقت السفر
وشكرا

**د.محمود صلاح** · 15-10-2008 08:16 PM

اعلان فى جريدة الاهرام بيخلص ..... بالكتير فبل اذان عصر الجمعة

**mxz911** · 16-10-2008 02:38 AM

هيه دى وش اوكتافيا ؟

ولا الموديل اللى قبلها على طول ؟

**madvoodoo** · 16-10-2008 11:37 AM

السلام عليكم
شكرا لكل الردود

د.محمود صلاح
شكرا جدا لحضرتك وان شاء الله هعمل كده والله المستعان

ا/علي
حضرتك العربية انا لسه جايبها في اخر شهر مايو ب 33000 وصارف عليها اكتر من 2000 جنيه زى ما انا كاتب وسعر السوق ده مش مشروط عليه كل واحد عارف الحالة اللى بيبعها وان شاء الله 33000 ده سهر نهائي وشكرا لحضرتك وانا تحت امرك

أ/ماكس
العربية الموديل العادي وش اوكتافيا ده من اول موديل 98 حتي 2001 وعلشان تجيب الموديل ده بيكون من 36000 حتي 40000 على حسب حالة العربية وانا تحت امرك في اى حاجه

على فكرة
انا كاتب كل حاجة عن العربية في اول الاعلان ومش سايب حاجة خالص بس زيادة على الكلام العربية فيها 4 فرد هانكوك جديدة وبطارية من 6 شهور تقريبا وشكرا على ردود حضرتكم

**poopoo_966** · 17-10-2008 03:33 AM

السيارة انت شاريها من مايو يعنى رخصه باسمك و لا بتوكيل و السيارة ملاكى ايه و المعاينه فين و الرخصة تنتهى امتى

**madvoodoo** · 18-10-2008 11:17 AM

السلام عليكم
استاذ بوبو
العربية انا شريها من 29 مايو بتوكيل من المالك الاول ليه وللغير والتعامل مع المرور
والعربية ملاكي القاهرة مرور مدينة نصر والرخصة والفحص مايو 2009 والمعاينة في مدينة نصر او بالاتفاق ان شاء الله وانا تحت امرك

**madvoodoo** · 22-10-2008 05:08 PM

السلام عليكم
تم البيع الحمد لله وربنا يبارك في اللى اخدها ويبركلو فيها ويكفيه شرها
الحمد لله تقرير البنزينة ان العربية مفيهاش اى مشكلة وفبريكة دواخل بالكامل والصالون الداخلي والتابلوه بحالة المصنع والعفشة ممتازة والكلام ده بجد ريحني جدا وانا ببعها
وعلى فكرة تم بيعا ب 33500 جنيه والسعر ده علشان لو حد عايزة يكون ليه في حالة تقيم عربيته بس اهم حاجة الحالة والنصيب
ولكم جزيل الشكر