العربية لسة ماكملتش 40000 ك و الميكانيكى بيقولى عاوزة عامرة

السلام عليكم و رحمة الله و بركاتة
ارجو النصيحة من خبراء المنتدى
عربيتى فيرنا موديل 2009 كانت مركونة من 1-1-2012 لحد ما اشترتها فى 5-1-2014 و كان العداد عامل حوالى 34000 ك غيرتلها زيت و كانت العربية تمام التمام
حتى اليومين اللى فاتوا بقيس الزيت لقنة ناقص جداااااا يدوب فى اول المقاس رحت للميكانيكى و قلتيلة ان العربية الزيت بينقص من العربية بسرعة جدا قالى طيب هاكشف عليها
روحت صليت المغرب و رجعت لقيتوا بيقولى الماتور خفيف و عاوز عمرة كاملة .. و قالى ان العربية لما تدوس بنزين هاتلاقيها بتطلع دخان اسود .. عموما انا خليت واحد صاحبى يدوس بنزين و فعلا لقيت دخان اسود من الشكمان .. و انا محتار العربية مافيهاش اى مشاكل غير موضوع نقص الزيت دة .. يعنى سحب كويس .. تكيف كويس .. و مش معقولة ارمى ماتور مكملش 40 الف دلوقتى و اروح اشترى ماتور تانى او اعمل عمرة .. فا انا عاوز اتاكد من الكلام دة بشكل فنى ... و ممكن يكون محتاجة شنبر بس .. ارجو النصيحة من الخبراء و اسف على الاطالة

اكشف عليها فى التوكيل افضل وهو هيقولك ايه اللى فيها بالضبط

الدخان ده من ركنه العربيه انت تغير زيت وفلتر وبوجيهات وتابع مقاس الزيت

هوه في حاجه بس مش متأكد منها ولو في حد من الاعضاء عنده تعديل يقول
ممكن يكون كاوتش اوجلد بتاع الصباب نشف من الركنه ويكون هوه السبب

احتمال كبير ان كاوتش الصباب يكون نشف من الركنه وده اللي بيهرب زيت
تغييره سهل ومش مكلف

اقتباس:

---

المشاركة الأصلية كتبت بواسطة mohamed_e36

هوه في حاجه بس مش متأكد منها ولو في حد من الاعضاء عنده تعديل يقول
ممكن يكون كاوتش اوجلد بتاع الصباب نشف من الركنه ويكون هوه السبب

---

ممكن جلد الصبابات
لما تدور العربيه الصبح ولقيت دخان يبقى كاوتش صباب ودى مش محتاجه عمره

ممكن العداد يكون ملعوب فيه

كاوتش الصبابات
اوالشنابر و العداد ملعوب فيه

Sent from my samsung GT-I9152 using Forum Runner

كاوتش الصباب يدخن فى بداية الدواره فقط و يمنع الدخان لما العربيه تسخن
اكشف على العربيه فى مكان تانى

يا باشا روح اى بنزينة وخليه يقيس كبس الموتور وشوف بعد كدة هيقولوا ايه

وممكن يكون اويل سيل الكرنك او الزيت...وفيه واحد ثالث مش فاكر اسمه......المهم انا غيرت 3 اويل سيل في عربية تويوتا...لكن مكنتش بدخن ..وممكن يكون نوع الزيت بيتطاير .......اكشف على كبس الموتور. ,وشوف العربية بتنفخ زيت من فتحة غطاء الزيت.....

شوف الموضوع ده رائع
http://www.nilemotors.net/Nile/3808-a.html

شكرا على كل اللى رد عليا.. هوة موضوع ان العداد ملعوب فية دى انا متاكد انة سليم العربية بتاعت جارى كان خابطها و ركنها قدام البيت و بطل يركبها و انا كنت شايفها واقفة على طول و عموما بردو قولولى ازاى اتاكد من موضوع العداد
ثانيا انا عاوزكم تقولولى الخطوات اللى ابدا بيها قبل ما اتدبس فى عمرة .. يعنى اروح الاول اقيس الماتور
بعدين .... اغير جلد الصباب ... ولا اغير الزيت بنوع تانى .. و بعدين اقيس الماتور قولولى ابداء ازاى و معلش انا تعبتكم معايا

اقتباس:

---

المشاركة الأصلية كتبت بواسطة matrix_man1

شكرا على كل اللى رد عليا.. هوة موضوع ان العداد ملعوب فية دى انا متاكد انة سليم العربية بتاعت جارى كان خابطها و ركنها قدام البيت و بطل يركبها و انا كنت شايفها واقفة على طول و عموما بردو قولولى ازاى اتاكد من موضوع العداد
ثانيا انا عاوزكم تقولولى الخطوات اللى ابدا بيها قبل ما اتدبس فى عمرة .. يعنى اروح الاول اقيس الماتور
بعدين .... اغير جلد الصباب ... ولا اغير الزيت بنوع تانى .. و بعدين اقيس الماتور قولولى ابداء ازاى و معلش انا تعبتكم معايا

---

واضح انك مقرتيش اللينك اللي بعتهولك ..فيه اجابات لكل حاجة

مع الأحترام الكامل لكل اللى رد
الدخان الأسود ملوش اى علاقه بالعمرة
اسباب الدخان الأسوده
1- زى ما الشباب قالول كاوتشه الصباب بس دى بعد ما العربيه تسخن مش هتطلع دخان و لو طلعت مش هيبقى ملاحظ بالدرجه دى
2- حساس الشكمان فى مشكله و بالكتير محتاج يتنظف لآن حساس الشكمان بيقيس الأكسجين و يقول للكارته تقول للرشاشات تدى اد ايه بنزين (لو البنزين زياده هتطلع دخنه سوده)

اسباب نقص زيت الموتور
1- الكارتيره محتاجه تتفك و تتظبط سليكون و تركب لو كاوتشتها مش بايظه (انا معايا 2004 و بتتعمل سليكون من غير كاوتشه و متسالنيش ازاى)
2- اويل سيل الماكينه يكون حجر من الركنه و هتلاقى العربيه منشعه زيت من نص الماكينه بالظبط من تحت جنب الجيربوكس تمام

العمرة يا باشا او الماكينه الخفيفه دخنه بيضا و مائله للزرقه, شوفلك ميكانيكى بيفهم عن ده شويه
ده عايز يعمل عليك شغل

اقتباس:

---

المشاركة الأصلية كتبت بواسطة haysam2000

مع الأحترام الكامل لكل اللى رد
الدخان الأسود ملوش اى علاقه بالعمرة
اسباب الدخان الأسوده
1- زى ما الشباب قالول كاوتشه الصباب بس دى بعد ما العربيه تسخن مش هتطلع دخان و لو طلعت مش هيبقى ملاحظ بالدرجه دى
2- حساس الشكمان فى مشكله و بالكتير محتاج يتنظف لآن حساس الشكمان بيقيس الأكسجين و يقول للكارته تقول للرشاشات تدى اد ايه بنزين (لو البنزين زياده هتطلع دخنه سوده)

اسباب نقص زيت الموتور
1- الكارتيره محتاجه تتفك و تتظبط سليكون و تركب لو كاوتشتها مش بايظه (انا معايا 2004 و بتتعمل سليكون من غير كاوتشه و متسالنيش ازاى)
2- اويل سيل الماكينه يكون حجر من الركنه و هتلاقى العربيه منشعه زيت من نص الماكينه بالظبط من تحت جنب الجيربوكس تمام

العمرة يا باشا او الماكينه الخفيفه دخنه بيضا و مائله للزرقه, شوفلك ميكانيكى بيفهم عن ده شويه
ده عايز يعمل عليك شغل

---

زي ما قال العضو الفاضل ...أي حد عنده فكره مبدئية عن الميكانيكا هيقولك إن المكنة الخفيفة يعني دخان أبيض مائل للزرقة مع ريحة زيت محروق ...يعني ده ألف باء ميكانيا ..إنما حكاية الدخنة السودا يعني عمرا ..ده كلام واحد ميعرفش الميكانيكا إلا من خلال الأفلام العربي