تجربتي مع طرمبة البنزين

**ahmedsamy90** · 07-06-2014 04:41 PM

العربية معايا كانت في الحر ومع التكييف لما تيجي تدوس بنزين كأنك مادوستش على حاجة وبتعمل صوت من الشكمان زي مدافع ......

المهم بتاع التكييف والميكانيكي والكهربائي قالوا الطرمبة على قدها لما ماتورها بيسخن بيعمل معاك كده

....... ما علينا.....

المهم روحت غيرتها بواحدة gm مع انها مكتوب عليها من جوه كافوس بس انا حاسس انها مش جي ام بس عادي مضطر بعد ماجربت الاستيراد في اللي كانت راكبة معايا .....
جه الراجل يركب الطمبة لقى العوامة مابتستجبش خالص ولمبة البنزين مابتفصلش روحت للي اشتريتها منه بص عليها وقالي هجيبلك عوامة تانية والراجل طلع محترم الحمد لله وجابلي عوامة gm .... وتمام ....

المهم خرج الطرمبة تاني وغير العوامة وجه يركب لقي العوامة تمام ولمبة البنزين شغالة على طول راح واخد من الطرمبة القديمة بتاعه لونها سيلفر ومدورة معرفش اسمها ايه وركبها في الجديدة .... والدنيا اشتغلت عادي ....

المهم الي انا مقلق منه هو شريط اللحام اللي الكهربائي لف بيه الأسلاك قلتله هو ممكن يفك مع الوقت والسلكين يلمسوا في بعض قالي ماتقلقش لولمسوا مفيش اي مشكلة لأن كل الأسلاك أرضي ماعدا سلك واصل للموتور بتاع الطرمبة !!!!!! ....... الكلام ده صح ولا هو بيفتي وفيه خطر من الأسلاك دي

**kindnight** · 07-06-2014 07:02 PM

السلام عليكم ورحمة الله وبركاته حاول في القريب العاجل تجيب واحدة استراد بحوالي 180 جنية افضل من كل اللي عملته لان شريط اللحام اللزق بتاعه هيفك من البنزين

**ahmedsamy90** · 07-06-2014 07:14 PM

طيب لو فك والأسلاك لمست يحصل ايه

**kindnight** · 07-06-2014 11:13 PM

ممكن يحدث شرر كهربي
دة اللي حصل في عربية ليجانزا بتاعه واحد صحبي

**ادوارد** · 07-06-2014 11:28 PM

حصلت معايا والسلك ساح وفصلت الطرمبة والعربية لم تدور نهائى راجع مواضيعى كاتب عن الموضوع دة
الحل المؤقت لاتجعل مؤشر البنزين ينزل عن النصف شان تغطس الطرمبة فى البنزين والبنزين يبرد سخونة الطرمبة
وهات واحدة جديدة كافوس الاصلى ب550 جنية
متجبش الاستيراد كلها مشاكل لان بتكون تالفة لان لما العوامة بتنزل فى بنزين وتخرجها لفترة البلاستيك بينشف ويتلف
ولو عايز اى مساعدة تحت امرك