عرض للطباعة
السلام عليكم ورحمة الله وبركاته
كنت عايز الإفادة من ملاك الفوانيس
عندي البطارية الجافه باظت
سألت عليها في التوكيل بما اني أي حاجه بتحصل في العربيه بروح التوكيل فقالوا أنها بي 1000 جنيه ونوعها رينو 70 أمير و فلوت
وسألت عليها بره مقالتش غير 74 أمير وأسعار البطاريات بتتروح ما بين 500 حتى 700 ج
كنت عايز اعرف ايه رأيكم اغير في التوكيل واربح دماغي وله أجيب بطارية من أي مكان وخلاص ولو كده تنصحني بأي نوع تحديدا
وشكرا
ضمان البطارية فى التوكيل سنتين فقط....لو حضرتك لسه ما كملتش سنتين يبقى بطاريتك لسه فى الضمان
بطارية التوكيل مش أحسن الأنواع....أنصحك بماركة فارتا و تجيبها جافة و يا ريت اللى لونها أزرق أو سيلفر
Blue أو Silver و دى أحسنهم
فيه كمان بطاريات Bosch فى السوق و دى برده كويسة
أهم حاجة مهما يكن النوع أنك تجيبها : 70Ah أو ما يعرف ب 70 أمبير ساعة....لازم تكون كده بغض النظر عن النوع و كمان تاخد بالك من الأقطاب....فى الفلوانس الأقطاب بتبقى فى الخلف و الموجب ناحية اليمين
74 امبير ساعة مش هتفرق كتير.....لكن ما تجبش اكتر من كده
تحياتى
شكرا على الاهتمام والرد بشمهندس هانياقتباس:
المشاركة الأصلية كتبت بواسطة hany saad
اما عربية 2011 بالنسبه البطارية 70 أن دورت ما اقتبس غير 74 والنوع أي دي الكو امريكي سعودي
وانا كان اهتمامي وانا بدور أن الشكل الي هجيبوا يكون نفس الي موجود عشان الحجم وديه مشكله شويه
74Ah مفيش منها مشاكل
بس بلاش ACDELCO
خليك فى الفارتا جافة و دى توكيل الغطاطى
او فى ال BOSCH
دول انظف حاجتين فى السوق
و طبعاً خد بالك من الحجم و مكان الأقطاب
تحياتى
السلام عليكم ورحمة الله
من تجاربي مع البطاريات والسؤال المستمر وانا تخصصي كهرباء, اسمحلي اقولك :
- ابعد عن الفارتا ........... ماباقتش زي زمان
- ACDelco نوع محترم جدا وبيعيش فتره كويسه اوي مع اعلي الاحمال
- لابد فى اختيارك لبطاريه 70 امبير ان يكون مكتوب عليها 70A .....ماتاخدش كلام من البائع انها 70 , حيبيعهالك انها 62A
- اشتري البطاريه من بره التوكيل...........لن تخرج من الضمان
- لو مالقتش 70 امبير (وده الغالب) اشتري 74 امبير ........ زيادة الامبيرات لا يؤثر اطلاقا علي اداء السياره
فى امان الله
شكرا على الرداقتباس:
المشاركة الأصلية كتبت بواسطة alshahba
وبالنسبه الحجم بيرق في مكان البطارية وله لأ
البطارية اللي فالعربيه او الاستوك... دي اقل سعه مناسبة للبطارية ممكن تزود عنها عادي جدا... انما ما تقللش أهم حاجة
معلش يا جماعة علشان نوضح المعلومة اكتر:
البطارية كلنا متفقين ان مينفعش تقل عن 70 امبير ساعة...ينفع نزود حاجة بسيطة بس كمان مينفعش نزود زى ما احنا عايزين.....ليه بقى؟
علشان البطارية بتتشحن من الدينامو و الدينامو ليه سعة شحن معينة للبطارية ال 70 و بيشحنها كلياً بعد مسافة معينة او بعد فترة زمنية معينة من دورانه
استخدام بطارية اكبر فى السعة هتكون حمل على الدينامو و مش هيقدر يشحنها كلياً بسهولة و ده هيأدى ان عمرها الأفتراضى هيقصر عن المعتاد لانها مش بتتشحن للاخر
ارجو انى اكون وضحت المعلومة
تحياتى
اقتباس:
المشاركة الأصلية كتبت بواسطة hany saad
عادي جدا يا افندم ومفيش مشكلة من اللي حضرتك بتقول عليه... هو (قد) يكون (نظريا) صح في حاله واحده... لو سيادتك مفضي البطارية تماما... وده نادرا ما بيحصل اصلا... حضرتك بتستهلك فالتدوير مثلا 100 وات... بغض النظر عن سعة البطارية... هيبقى الدينامو المفروض يشحن 100 وات عشان يكمل البطارية
سؤال... هو مش حضرتك ساعات بتبقى قايد النور وساعات طافيه... اعتبر شحن البطارية كأنك ماشي قايد النور شوية كتير يعني... البطارية حطيت لها 1 امبير هتشحن... حطيت لها 20 امبير هتشحن اللي هيختلف الزمن فقط
صدقني كلامي عن تجربه وصل فيها فرق السعه لضعف القيمه تقريبا... والنتيجه عمر أطول للبطارية بكتيييييييييييير
متابع موضوع رائغ
هاتها 55 امبير اكتر من كده انت بترمى فلوس عالارض
شكرا على الاهتماماقتباس:
المشاركة الأصلية كتبت بواسطة exact
يعني حضرتك البطاريه عندي 70 امبير لو جبت 74 ما يا اثرش على العربيه
وكنت عايز اعرف أسعار الفرات والبطش لاني دورت عليهم مش لقيهم لأن لو سعره هيكون قريب من سعر التوكيل أحدها من التوكيل احسن
كنت عايز اقولكم انا عملت ايه
انا سألت على البطارية الفرتا مالقتش في السوق غير 74 أمير وكانت في حدود 700 ج تقريبا و صناعه تشيلي
وسألت على الس دي لكو 74 امبير بي 650 ج سعودي
وسألت على نوع اسمه مالوتا تركي بي 700
بصراحه انا من النوع الي بحب أي حاجه اعملها في التوكيل عشان ما بحبش لعب في العربيه وطبعاً ده أغلى بس بريح دماغي
المهم انا غيرها في للتوكيل البطارية رينو فرنسي بالضمان بي 1000 ج وجبتها 70 امبير
وشكرا
QUOTE=Hema_law;3875614968]كنت عايز اقولكم انا عملت ايه
انا سألت على البطارية الفرتا مالقتش في السوق غير 74 أمير وكانت في حدود 700 ج تقريبا و صناعه تشيلي
وسألت على الس دي لكو 74 امبير بي 650 ج سعودي
وسألت على نوع اسمه مالوتا تركي بي 700
بصراحه انا من النوع الي بحب أي حاجه اعملها في التوكيل عشان ما بحبش لعب في العربيه وطبعاً ده أغلى بس بريح دماغي
المهم انا غيرها في للتوكيل البطارية رينو فرنسي بالضمان بي 1000 ج وجبتها 70 امبير
وشكرا[/QUOTE]
ياللهول :untitled:
الف مبروك علي البطارية الجديدةاقتباس:
المشاركة الأصلية كتبت بواسطة hema_law
تحياتى
الف مبروك وربنا يباركلك فيها وتعيش اكبر فتره من غير مشاكل ان شاء الله
فى امان الله