مساء الخير يارجاله
دلوقتى انا مشترى شقه جديد بس لسه بعمل اجراءات صحة التوقيع بأسمى
والشقه قديمه يعنى كانت ساكنه قبل كده
دلوقتى انا العداد ديجيتال بس مش شغال تقريبا وشاشته معليهاش اى ارقام ومنور لمبه حمرا كده
بس الكهربا والنور شغالين عادى فالشقه وانا بوضب فيها لسه يعنى استعمالى نادر جدا
ومبيجليش ايصالات كهربا خالص لانى مش مقيم فيها بقالى شهور بس مفيش ايصالات عند العداد او تحت باب الشقه او مع البواب
كده يبقى ايه؟؟
عندى عداد كهرباء ديجيتال والشاشة بتكون مش عليها ارقام، بس لما بدوس على زرار فى العداد القراءة بتظهر (بمعنى ان القراءة مش بتظهر الا عند الضغط على الزرار وبتستمر حوالى 10 ثوانى وتختفى تانى)
شوف عندك لو فيه زرار دوس عليه علشان القراية تظهر
غير كده تجيب كهربائى يراجعلك على الوصلات يمكن يكون العداد مش متوصل والكهرباء عندك داخلة دايركت على الشقة
العداد الديجيتال ما بيجيلوش فواتير أنت بتاخد كارت العداد كل الرصيد ما بيقرب يخلص وبتروح تشحنه فى شركة الكهربا والعداد بيديلك أنذار لما بيوصل الرصيد فيه ل 8 جنيه بأنه بيفصل الكهربا وعلشان يشتغل لازم تحطله الكارت أنا عندى أكتر من عداد ديجيتال من أكتر من 7 سنين
تفسير اللى بتقوله ده أن الساكن اللى كان قبلك كان سارق كهربا ألحق ظبط العداد قبل ما تشيلها أنت لأنهم بيراجعوا على برنامج الشحن مواعيد المشتركين ومين شحن ومين أتأخر وقصص كدا
هات كهربائى الاول يبص على التوصيلات
لو كلة تمام والموضوع ما اتحلش هات حد من شركة الكهربا
انا انهارده بصيت على العداد ودوست على الزرار البرتقالى اللى جنب الشاشه على اليمين
ظهرلى ارقام كده
19 وبتختفى ويظهر الرقم ده 8456 kw
الكلام ده معناه ايه؟
مع ملاحظة ان الساكنه اللى قبلى مالكه للشقه 10 سنين وملتزمه جدا وملهاش فسرقه تيار والكلام ده وبتمشى كل حاجه رسمى
القراية بتاعة العداد هى ال 8456 والتانية قدرة العداد هى عندى كدة متقلقش بس اتأكد من موضوع الوصل اللى ما بيجيش لحسن يخبطوك مرة واحدة وصل على كل القديم تدفعلك الفين تلاتة
العداد شغال قارى 8456 كيلو واط
الإيصال حيجيلك
يمكن لانك مش فى الشقة ما بيوصلكش الإيصالات
مشوار لشركة الكهرباء شوف الإيصالات و ممكن تدفع مبلغ تحت الحساب
علشان مش مقيم ف الشقة
علشان ما تبقاش عليك حاجة
تحياتى
شكرا لحضراتكم جدا
بس مش المفروض لو جابولى الايصال وملقونيش يحطولى الكعب تحت الباب او عند العداد نفسه..ولا هما مبيجوش اصلا لان العداد قرايته ضعيفه فمعنى كده ان محدش موجود فالشقه ولا ايه؟؟