ارجو الافادة في ستائر الكبس علشان حاشتري بكره

**Eng.Mina** · 13-10-2008 12:23 PM

صباح الخير
انا امبارح شفت عندنا في الزقازيق ستاير كبس لعربيتي الفيرنا كان تمنها 98 جنيه بس ان شاء الله اقدر اخلصها علي 85 انا عارف ان في سبير كار تمنها حوالي 70 جنيه بس ال 15 جنيه دول انا اعتبرتهم البنزين اللي حادفعه لو رحت مصر علشان اجيبهم من سبير كار ده غير اني ماعرفش حاجة في مصر فلازم اخد حد من قرايبي علشان يوريني الطريق المهم علشان ماطولش عليكوا انا الطقم اللي شفته كان عبارة عن ستارة خلفية (بعمودين) وستارتين للازاز الخلفي
انا اللي عايز اعرفه الستارتين اللي في الازاز الخلفي دول بيبقوا ثابتين وللا بيتشالوا؟ المرور ممكن يغتت عليهم؟وياتري ممكن اخد الستارة الخلفية بس من غير ستاير الازاز الخلفي؟وفي الحالة دي تمنها حايبقي كام تقريبا؟
معلش اسئلة كتير بس ماعرفش حد اسأله غيركوا وانا في انتظار الردود
وشكــــــــــــــــــــــ ــــــــــــــــــــــرا

**2hmed_7osam** · 13-10-2008 02:49 PM

والله انا معرفش ان شاء الله حد يدخل ويقولك

**Eng.Mina** · 13-10-2008 03:03 PM

شكرا علي اهتمامك يا MedoMurcilago ويارب الاقي حد يفيدني
انا كل اللي خايف منه ان المرور يغتت عليا علشان الستاير الجانبية لكن بالنسبة للخلفية اعتقد ان مافيش مشكلة لاني معلق الستارة العادية وماحدش بيكلمني خاااااالص

**hanystar** · 13-10-2008 04:56 PM

سواء الستائر خلفية أو على الزجاج الخلفى
فهى تعتبر مخالفة
وهى تتوقف على الحالة المزاجية للظابط
يعنى أحيانا يعدوا موضوع الستائر الخلفية وأحيانا لأ

**Eng.Mina** · 13-10-2008 06:46 PM

شكرا علي ردك يا استاذ هاني وربنا يسترها في موضوع المخالفات ده اصل مش معقول اللي قاعد ورا يموت من الشمس خصوصا لما يكون في اطفال علشان الحكومةمش عايزة ستاير
بس ياتري المخالفة بتاعت الستاير دي بتبقي سحب رخصة ولا فلوس ادفعها فوري ؟؟؟

**mondy2010** · 14-10-2008 05:52 AM

ع فكرة دي مخالفة و ربنا يسترها معاك

**ahmed el-sawy** · 14-10-2008 01:59 PM

اخى اولا هما مش بيتشالو لان لو شلتهم وركبيتهم وشلتهم وركبتهم هيبوظو لان موادها ضعيفة تحت السلم
اما بخصوص المرور هيه مخالفه بس لو كمين تقيل اما فى العادى بيسيبوك
انا كنت مركبها عندى وماشى عادى وقفت مرتين بس والمرتين خلونى اشيلها وامشى من غير غرامات الحمد الله
وهيه عندنا فى المنصورة انا كنت جايبها معرفه ب 70 جنيه
وبعد كده اكتشفت واحد بيبعها ب65 جنيه اسمه الجزار عندنا فى المنصوره

**أبو عبدالرحمن** · 14-10-2008 04:51 PM

طيب فيه منهم للهوندا سيفيك الجديدة؟؟؟؟

**Eng.Mina** · 15-10-2008 01:15 AM

شكرا يا جماعة علي اهتمامكوا انا الحمد لله ركبتها انهارده بس للاسف علي 90 جنيه ومارضيش ينزل تعريفة زيادة بس شكلهم روعة بصراحة ومديين شياكة جامدة اوي للعربية
استاذ عبد الرحمن انا سمعت ان في سبير كار ممكن يعملهوملك عمولة لو مافيش منها جاهز لنوع عربيتك ممكن تسأل عندهم وربنا يوفقك

**2hmed_7osam** · 15-10-2008 02:33 AM

الف مبروك يامينا

طيب صورهم كدا ووريهالنا عاملة ازاي

الموضوع: ارجو الافادة في ستائر الكبس علشان حاشتري بكره

LinkBack

أدوات الموضوع

عرض

ارجو الافادة في ستائر الكبس علشان حاشتري بكره - انشر الموضوع فى :

-

-

-

-

-

-

-

المواضيع المتشابهه

ارجو الافادة علشان انا محتار

ضروري علشان صيانة ال 5000 بكره ان شاء الله

محتاج رايكم درورى علشان نازل اشترى بكره ان شاء الله

ايه الفرق بين لانوس1ولانوس2 علشان رايح السوق بكره اشترى عربيه

الكلمات الدلالية لهذا الموضوع

المفضلات

المفضلات

ضوابط المشاركة