استلمت بيكانتو ٢٠١٥

**Mohamed Bander** · 07-06-2014 08:44 PM

السلام عليكم يا نمور

انا النهاردة استلمت بيكانتو ٢٠١٥ الفئة التانية ،، أستلمتها فوري من محمد زكي القطامية علي ١٠٢٠٠٠

انطباعي الاول عن العربية انها جيدة،، انا بس تعبت منها في الاول لأني مش متعود عليها لان معايا فانتازيا و دي جاييها لمراتي ،، حاسس ان دركسيون خفيف جدا بيتحرك بالنية :) تقريبا هي باور كهربا ولا ايه؟

و ماشاء الله من اقل دوسة بنزين عايزة تنط تجري،، انا عارف ان إحساسي ده اووفر شوية علشان تقل الفانتازيا اللي متعود عليه!

المعرض الناس محترمين بس بخلا شوية :)

العربيه كاوبشنز للأسف فقيرة جدا مقارنة بسعرها لدرجة تنرفز،، عربيه باكتر من ١٠٠٠٠٠ و فاضية كده،، كان فيه الخليجي منها في أوتو سمير ريان ب ١٠٢٠٠٠ برضه بس ماشاء الله فيها كل حاجة من البلوتوث لفتحة السقف

عندي كام سؤال لحضراتكم:

هي مافيهاش أوتو لوك لما العربية تمشي؟

اول صيانة علي كام كيلو؟

هي فعلا باور كهربا؟

مصاريف ترخيصها ٣ سنين كام؟

حد غير الكاسيت التعبان بتاعها و ركبلها كاسيت ببلوتوث؟ في فى التوكيل ولا برة و بكام؟ ممكن يركبلها سنسورز في التوكيل؟

شكرًا وآسف للإطالة

**shenoo** · 08-06-2014 12:14 AM

اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك.

**shenoo** · 08-06-2014 12:18 AM

اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك و بانسبة للترخيص هيكون في حدود ١٢٠٠ + سعر الطفاية و الاوراق المطلوبة، مش متأكد من موضوع الباور كهرباء ولا لأ بس في الغالب كهرباء.

**م/محمد صلاح** · 08-06-2014 01:23 AM

الف مبروك ربنا يديك خيرها ويكفيك شرها

**svneleven** · 08-06-2014 05:42 AM

705 جنيه ضريبة 3 سنين.
275 جنيه تأمين 3 سنين.
140 طفاية.
75 مثلث و حقيبة اسعاف.
15 ملف و تصوير ورق.
حوالي 1200 جنيه.
ديه اسعار ترخيص 2013 في شهر 12 اللي فات.
ما فيش أوتو لوك في 2013 ال خليجي اللي انا جبتها. لازم تدوس انت علي الزرار.
فعلا الدركسيون خفيف موت خصوصا أن معايا e90 فبركب ال بيكانتو أحس أنها لعبة.
ألف مبروك و ربنا يكفيكو شرها.

**Ayat630** · 08-06-2014 08:23 AM

استاذ محمد .. بعد إذنك هي البيكانتو اللي مع حضرتك فيها folding mirrors ؟

**Mohamed Bander** · 08-06-2014 10:44 AM

المشاركة الأصلية كتبت بواسطة shenoo

اولا ألف مبروك و ربنا يباركلك فيها ، أول صيانة بتكون بعد ١٠٠٠ كم ، و متهيألي مفيهاش اوتو لوك لما العربية تتحرك و بانسبة للترخيص هيكون في حدود ١٢٠٠ + سعر الطفاية و الاوراق المطلوبة، مش متأكد من موضوع الباور كهرباء ولا لأ بس في الغالب كهرباء.

الله يبارك فى حضرتك الف شكر

**Mohamed Bander** · 08-06-2014 10:45 AM

المشاركة الأصلية كتبت بواسطة م/محمد صلاح

الف مبروك ربنا يديك خيرها ويكفيك شرها

ربنا يبارك فيك الف شكر

**Mohamed Bander** · 08-06-2014 10:51 AM

المشاركة الأصلية كتبت بواسطة svneleven

705 جنيه ضريبة 3 سنين.
275 جنيه تأمين 3 سنين.
140 طفاية.
75 مثلث و حقيبة اسعاف.
15 ملف و تصوير ورق.
حوالي 1200 جنيه.
ديه اسعار ترخيص 2013 في شهر 12 اللي فات.
ما فيش أوتو لوك في 2013 ال خليجي اللي انا جبتها. لازم تدوس انت علي الزرار.
فعلا الدركسيون خفيف موت خصوصا أن معايا e90 فبركب ال بيكانتو أحس أنها لعبة.
ألف مبروك و ربنا يكفيكو شرها.

ربنا يبارك فيك شكرا لردك

انا بجد بدأت اندم انى جبتها كنت جبت خليجى او دورت على سانديرو مستعملة لولا الخوف من المستعمل كنت جبتها ووفرت على نفسى 12000 جنيه و بيتهيالى عمر ما كان دركسيونها ميه كدة!!

مفيش حل لموضوع الدركسيون ده؟ انا خايف على مراتى منها بصراحة

**Mohamed Bander** · 08-06-2014 10:55 AM

المشاركة الأصلية كتبت بواسطة ayat630

استاذ محمد .. بعد إذنك هي البيكانتو اللي مع حضرتك فيها folding mirrors ؟

لأ يا استاذة آية مفيهاش ،، انتى عاملة ايه مع اللى معاكى؟ وبالذات فى الدركسيون؟ عارفة تتاقلمى معاه؟

الموضوع: استلمت بيكانتو ٢٠١٥

LinkBack

أدوات الموضوع

عرض

استلمت بيكانتو ٢٠١٥ - انشر الموضوع فى :

-

-

-

-

المواضيع المتشابهه

مفيش اخبار عن سيتى ٢٠١٥

ان شاء الله نويت اجيب سبورتاج ٢٠١٥ هاى لاين

صور مازدا٣ ٢٠١٥

★ صور ★ سيارة تويوتا إن إس 4 التجريبية الهجينة toyota ns4 hybrid ٢٠١٥

استلمت بيكانتو 2011 مانيوال هاف اوبشن

الكلمات الدلالية لهذا الموضوع

المفضلات

المفضلات

ضوابط المشاركة