واحد صاحبى النهارده بيقول لى ان اللوحات المعدنية رجعت أرقام بس من تانى وان كل اللى حايجدد رخص عربيته حايدوله نمر أرقام فقط ويسحبوا منه الأرقام والحروف
ياترى ده صحيح؟
عرض للطباعة
واحد صاحبى النهارده بيقول لى ان اللوحات المعدنية رجعت أرقام بس من تانى وان كل اللى حايجدد رخص عربيته حايدوله نمر أرقام فقط ويسحبوا منه الأرقام والحروف
ياترى ده صحيح؟
متاابع
عندنا اتلغت و اصبحت نمر عادية ملاكي
انا مرخص شهر 3 اللي فات و مكنتش اتلغت ولا حاجة
مستحيــــــــــــــــــــ ــــــل ممكن مؤقتا في المحافظان بس
هو لعب عيال ولا ايه !!!
ان شاء الله هاجدد كمان اسبوعين واتاكد من المعلومه دى ويارب تطلع صح
محدش فاهم حاجه في البلد دي
عندنا فى بنى سويف من شهر كل اللى اشترى عربية زيرو اعطولوا نمر قديمة ارقام بس و قالوا النمر الجديدة خلصت
يعنى كده نص العربيات هاتمشى بنمر جديده والنص التانى هايمشى بنمر قديمه !!
واحد صاحبى قالى الكلام ده من 5 شهور او اكتر
قال ان اللوحات الجديده هتتلغى و القديمه راجعه تانى و انا كنت فاكره بيهزر
انا مجدد من اسبوع و العربية القديمة كملت بنفس الحروف و ارقام
و الزيرو بتاخد حروف بس ... بس مش واخده تلات سنين
انا دفعت ضريبة تلات سنين بس خدت تصريح ست شهور و هروح تاني في شهر 12 اخد نمر حروف و ارقام
ده طبقا لكلام الموظف هناك ... يارب يكون صح
اللوحات القديمة دى شوفتها فعلا فى المحافظات بس لكن عمى ما شوفتها فى الجيزة او القاهرة وناس كتير رخصت جيزة وقاهرة وخدوا لوحات الرقام وحروف عادى
وليه كده يعني؟؟
كل محافظة وليها ظروفها فى موضوع اللوحات الجديده
لو عندهم كميات كبيرة منها بيدوا للكل
لو كميات بسيطة بيخلوها للعربيات الزيرو
لما بتخلص من عندهم بيشتغلوا على اللوحات الصاج العادية تانى
انا لسة مرخص بلوح جديدة الحروف والارقام عادي
عندنا فى قنا رجعوها النمر العادية وكل واحد رقم عربيته اربع ارقام فما اقل يستبدلها بنمر 5 ارقام ولما سألت الموظف عن النمر الجديدة قال لى خلصت
أنا لسة مرخص العربية وحطولي أرقام قديمة ... مرور الغربية
ف السويس العربيات الجديدة بتترخص بالنمر القديمه يعني "ملاكي السويس xxxxx"
سبحانة الله محدش فاهم حاجة فى اى حاجة
النمر الجديدة -حروف و أرقام شاحة - فى مررو القاهرة المفرود تكون 3 حروف و 3 أرقام و عشان ناقصة بيجيبوا 3 حروف و 4 أرقام إللى هى محافظات - أعرف كذا حد مرخص كده وهو مرور قاهرة و واخد نكر محافظات - تقريبا قليوبية بس متسجلة فى المرور إنها قاهرة
السبوبه خلصت و هايخترعوا سبوبة جديدة قريب
لسه شايف برنامج خواطر عن الفحص الفنى و تفاصيل ترخيص السيارات فى سويسرا...ناس بتنطلق لقدام و أحنا بنطير للخلف...
فى مرور جنوب سيناء لغوا اللوحات الجديدة ,أى ترخيص جديد بياخد نمر "ملاكى جنوب سينا + أرقام فقط" بتتعمل قدامك وأنت فى المرور! يجيب حتة "صفيح " و يدق عليها و يكتب عليها بلاكيه ألأسود! أقل ماتوصف بيه أنها شىء حقير متعلق على العربية. و ماحدش فى المرور عنده معلومة مؤكدة عن ايه اللى بيحصل و سببه.
محدش فاهم حاجه في البلد دي هوده اللى انا عارفه
اتغلت مؤقتا في كل المحافظات
ما عدا
القاهرة والجيزة والقليوبيه والاسكندريه
باقي المحافظات دلوقفتي كلهم بيعلقوا ارقام ملاكي وده بصفه مؤقته
انا واخد نمر قديمة ايوة !!!!!!!!!!!!!
بيعلقوا نمر قديمة عشان الجديدة اللي هي حروف وأرقام خلصت
لسة مرخص مرور المقطم ومديني نمر ٣ حروف و٤ ارقام
مش ٣ و٣
ازاي !!
مينفعش طبعا
لسه جيرانى فى الجراج مرخصين لوحات جديده فى اسكندريه هذا الاسبوع
محرم بك : س ج ج + ٤ ارقام
ابيس : س ع ع + ٤ ارقام
انا سمعت نفس الاخبار ... لكنها غير منطقيه ...
هو فى بعض الاوقات بيبقى مفيش لوحات جديده .. فبيحطو ارقام فقط مثل القديمه و لكن مؤقته ...
تحياتى ...