-
الواحد مش عارف يعمل ايه
الواحد فعلا مبقاش عارف يعمل ايه ,العربيات عامه نوعين جديد(زيرو) ومستعمل ومن وجهه نظري القديم حاجه من تلاته
1-كسر زيرو وده الواحد بيخاف يشتريه لانه مش عارف بيتباع ليه اصلا
2-استعمال من 5-10 سنين ودي بتبقي غالبا استعملت جامد وعايزه مصاريف مش شرط تكون كتيره اوي بس نظريا العربيه بتبقي غاليه(لانسر99 مثلا55000)
3-استعمال اكتر من كده ودي اساسا بتبقي مشروع عربيه وانت بتكمله (تقريبا بتنيها من اول وجديد وبتغيرلها 90% من اجزائها)
وانا بصراحه مش مقتنع بحاجه اسمها استعمال نضيف لان لازم هتخفي عليك حاجه تبان بعد الشراء وغالبا بتكون سبب البيع
بالنسبه للجديدمن وجهه نظري 6 فئات (من الناحيه الماديه)
1-فئه ما حول 50000 (نصر-لادا-شاهين-0000)ودي غالبا بتستلمها بايزه اصلا
2-فئه ماحول 60000 (دايو-فيرنا-00)ودي بتبقي عربيات حديثه بس ليها مشاكل فنيه الي حد ما زي الثبات مثلا والتكييف الضعيف والي هي مناسبه لسعرها جدا
فئه ما حول ال80000 (لانسر-ماتريكس-النترا-كورولا-000000)ودي الي تقريبا واكله الجو وعليها العين ومتعرفش تقارن بينهم ولا تستقر علي حاجه فيهم لان كل عربيه فيهم ليها مميزات وعيوب مختلفه عن التانيه خالص
4-فئه ماحول 130000 (هوندا-a4-امبريزا-0000)والفئه دي محدش بيحاول يقربلها معرفش ليه (غالبا كله خايف من سعراعاده البيع)
5-فئه ماحول 160000 (فيكترا-a5-الفولكس-0000 )ودي فعلا فئه قويه بس غاليه اووووووووووي وبصراحه الواحد يصبر شويه ويخش علي الفئه البعديها
6-فئه ما اكثر من 200000 (بي ام -باجيرو-000000) ودي مقدرش اقول عليها غاليه لان الي هيجيبها مش هتبقي فارق معاه بس هي عامه استهلاك نار للبنزين مع اسعار قطع غيار نااااااااااار لواحد كان مستني الفئه دي من الفئه الخامسه
الكمال لله وحده
انتو ايه رايكو الواحد بقي يركب ايه؟
-
أسهل حاجة يركب الهوا 8)
بس تقسيمة ممتازة للسيارات.....
-
اشترى دماغك وسيبك من وجع الدماغ
:twisted: :twisted: :twisted: :twisted:
-
[b]انا حقولك حاجة سيبك من المستعمل اى كان حلتة , خليك فى الجديد
شوف امكنياتك اية و اختار احسن عربية فى امكانياتك
و لو فى عربية عجباك قوى لكن بعيدة شوية عن امكانياتك فكر فى التقسيط دة ممكن يكون حل
فى النهاية حاول تستقر على حاجة و تقتنع بيها , و تاكد انت مافيش حاجة حتكون كاملة من جميع النواحى مهما كان سعرها , فبدل ما تحير نفسك ابدء فكر و شوف ممكن توصل لاى موديل
و اكيد الاخوة فى المنتدى محدش حيبخل عليك باى نصيحة تخصى اى موديل
-
والله يا اخى فى حالة الدربكة والحسابات الملخبطة ديت تنتظر لحد لما يستقر فكرك وبعدين تقرر لحسن كدة انت اخر لخبطة والامور ساحت واصبح الاختيار صعب لانك لم تعطى اى فرصة للاختيار معك
-
-
ههههههههههههههههههههههههه :lol:
والله على راى الاستاذ
انت كده ضلمتها يا باشا
:? :x :shock: :cry: :(
طيب والعمل يا باشا
-
ههههههههههههههههههههههههه :lol:
والله على راى الاستاذ (بايو)
انت كده ضلمتها يا باشا
:? :x :shock: :cry: :(
طيب والعمل يا باشا
-
عادي والله ياجماعه انا مقصدش اضلمها انا بس بقول وجهه نظري واكيد ناس كتييييييير مبتفكرش زيي كده
-
ياباشا كلامك سليم احنا بنهزر معاك
:lol:
بس فعلا فى اى فئة مش هتلاقى كل الميزات عشان كده الواحد بيتغاضى عن بعض العيوب فى مقابل ميزات معينة حسب اختياره والفلوس اللى معاه. 8)
-
اكيد مش هتلاقي فئه من غير عيوب وهي طبعا في الاول وفي الاخر مساله احتياجات تعقبها امكانيات وربنا يوفق كل واحد في الي بيدور عليه
-
والله يا أخ جعيدى الموضوع من وجهة نظرى بسيط جدا : أركب زيرو فى حدود أمكانياتك المادية , و أبعد تماما عن المستعمل ! اللى بيشترى عربية مستعملة بيشترى بيشترى بلاوى غيره - هذه ليست قاعدة عامة طبعا - أنا أشتريت عربية مستعملة سنة 97 و مازالت السيارة معانا حتى هذه اللحظة :)
وتقبل تحياتى
-
بص المستعمل مش لازم يكون وحش بس طبعا يستحسن تتجنبه و كل شخص بيجيب على حسب أمكانياته
بالسبة لفئة 130000 أنا شايف أن في اقبال على الفئة دي و الدليل السيفك و الأسترا و الماذا3 أنا مش شايف أن في خوف من الفئة دي
Content Relevant URLs by
vBSEO 3.6.0 PL2