العربيه عندى بتتأخر فى الدواره و هغيرلها رشاشات.......و هى فى نفس الوقت معدل استهلاك البنزين عالى (حوالى 130فى الصفيحه) كنت عايز اعرف لو حد جرب يحطلها رشاشات هيونداى او بى ام ....هل بتأثر فعلا على استهلاك البنزين....و هل ليها تأثير على العربيه
عرض للطباعة
العربيه عندى بتتأخر فى الدواره و هغيرلها رشاشات.......و هى فى نفس الوقت معدل استهلاك البنزين عالى (حوالى 130فى الصفيحه) كنت عايز اعرف لو حد جرب يحطلها رشاشات هيونداى او بى ام ....هل بتأثر فعلا على استهلاك البنزين....و هل ليها تأثير على العربيه
الموضوع ده اتكلمنا فيه كتير جداً ,
ممكن تعمل بحث عن الرشاشات في القسم هنا و هتلاقي حاجات كتير و بالصور و الاسعار و الأماكن .....
كلام اخونا اكرم مظبوط و عموما انا كان عندى نفس المشكلة و غيرت لرشاشات bmw m40 و الحمد لله المشكلة اتحلت و كنا جايبهم من الحرفيين ب 250 ج
فعلا دول احسن رشاشات ممكن تشتريهم و عن تجربة Bmw M40 فى حدود 200 جنيه
يا ابراهيم انا عاوز اطمنك و فى نفس الوقت عاوز اشكر كل من فى المنتدى على موضوع رشاشات البى ام دبليو انا باكلمك و انا لسة مغيرهم من ساعة و العربية و الله العظيم بقت حاجة تانية فعلا حتحس بفرق شاسع فى الدوارة و السحب لكن بصراحة موضوع استهلاك البنزين انا لسة ما جربتوش بس لما اطمن ان شاء الله حاطمنك و على فكرة انا جبتهم من الفراهدة من الاسكندرية الاربعة بـ 150 جنيه و الراجل محترم جدا ادانى واحد زيادة على اساس ان لو فى حاجة من الاربعة فيها اى مشكلة اغيرها و بعدين ابقى ارجع له الخامس بعد لما امئن على الباقى فتوكل على الله و هات رشاشات البى ام و مش حتخسر حاجة و بعدين لو مش حتستريح لهم ممكن ترجعهم فى خلال اسبوع و تاخد فلوسك تانى
ياريت توصف المكان اللى أشتريت منه
أو أسم المحل...
ولك خالص الشكر
وهل يوجد أختلاف فى فيشة الرشاش ولا كلهم واحد ؟؟؟
بص يا استاذ موبى انا طبعا لما روحت اشتريهم قعدوا يسالونى العربية موديل كام و اربعة سليندر ولا خمسة سليندر طيب شكل العربية ايه ده طبعا على اساس انى كنت حاركبهم فى بى ام دبليو و طبعا انا ما كنتش عارف ارد عليهم بس اللى نجدنى انى كنت واخد صورة الرشاش الى كانت محطوطة على الموقع كنت واخدها على الموبايل فاول لما شافها صاحب المحل قالى بس كدة انا عرفتهم بس خد بالك ان فى ام 40 و ام 60 و الاتنين قريبين قوى من بعض بس بصراحة اول لما شوفتهم و قارنتهم بالصورة اللى معايا انا نفسى عرفتهم على طول و ربنا يبارك لك فيهم لما تجيبهم اما بالنسبة للمحل أسمه محمد الباشا انجال عبد المعز معوض و عنوانه 59 شارع الامام على -الفراهدة - اللبان - الاسكندرية و رقم تليفونه 3913847 و المحمول 0129953903 و الولد اللى موجود هناك اسمه حمو الباشا انت روح بس الفراهدة و اسأل عن حمو الباشا و ما تنساش انا جبت الطاقم بـ 150 جنيه و لو قدرت تنزل فيهم يبقى ربنا يبارك لك و ما تنساش ما تنظفهمش ببنزين فى علبة اسبراى انا جبتها من عند بتوع الاكسسوار مخصوصة لتنظيف الرشاشات و ثمنها 20 جنيه مخصوصة لازالة الكربون نتيجة الحرق
رشاشات هيونداى بتعمل 750 وفكك من المستعمل عن تجربة
ممكن صورة الرشاشات الbm
الف شكر يا ممدوح باشا
انا كنت شوفته قبل كدة بس حضرتك مكنتش كاتب انه بتاع ال Bmw
لما اشترية المفروض انه يركب على طول ولا بيتنظف الاول
بعد ما تركبة حط منظف رشاشات فى التنك
MMamdouh
انا عارف ان الموضوع ده قديم بس احب اضيف له تجربتى فى الحرفيين
أولا اكتشفت ان فيه نوعين من الرشاشات ونوع واحد اللى بيشتغل مع اللانوس
ثانيا لما تيجى تشترى الرشاشات لازم تشوف رقمها part number ولازم يكونوا كلهم رقم واحد
ثالثا اول لما تشتريهم لازم تركبهم فورا ومتستناش
رابعا بعد تركيبهم لازم تبطل العربية وتشغلها كذا مرة بالاضافة انك لازم تفصل كل رشاش لواحدة علشان تتأكد انهم شغالين
خامسا لازم تتأكد ان صوت موتورك طبيعى ومفيهوش اى هزة
فى النهاية احب اقول لحضرتكم ان ديه ابشع تجربة انا جربتها فى حياتى يمكن لأن ديه اول مرة اركب فيه حاجة استيراد لأنى علشان اركب 4 رشاشات جربت تقريبا 10 رشاشات وكل مرة يطلع فى واحد مشكلة ورشاشات بعد ماتشتغل أول لما العربية تسخن يروح فاصل والله انا بدأت فى الموضوع الساعة 2 ظهرا خلصت الساعة 7:30 باليل لما كرهت نفسى واللى ميعرفش المفروض ان الرشاشات تركب فى 30 دقيقة بالكتير
المهم انى بجد انصح اى واحد انه ميجبش استيراد
بالنسبة للأحساسى بالعربية السحب بتاعها عادى جدا / الدوارة فرقت كتير بقت اسرع فعلا / اللى خايف منه ان اقصى سرعة للعربية يكون قل لأنى جربت بعد مركبتهم انى اجرى اقصى سرعة جبتها كانت 140 بالاضافة ان التجميع بطئ جدا بعد ال100 بس انا لسة ماستخدمتش بوزيتف باور
ارجو الافادة للجميع
لو فيه رشاش فاصل أو شغال ضعيف هتلاقى العربية صوتها مش انسيابى يعنى عمل يعلى ويوطى وانت اكيد هاتحس ده مع ضغط البنزين هاتحس زى ماتكون العربية مخنوقة ومرة واحدة هاتحس انها زى الصاروخ - نفس الاعراض لو البوبينة مطلعة كهرباء ضعيفة
believe or not
when i found all this hassle i insisted to unplug them by my self
finally its work but really it was a very bad experience
when i replaced mine... it was 9PM on February so it was cold as hell... dark as hell and the engine was hot as hell
i couldn't wait till next day nor leave a stupid mechanic do the job so i did it myself and it was a great success
MMamdouh
well as i think the installtion was piece of cake but keep in your mind every time we discover the the injector not working i have to go to the used store 5 min
then to his warehouse / 20min
then a new try / 15 min
this is why i did the installation right in front of the shop
MMamdouh