الموضوع: شوية المقاطيع إللي عاملين نفسهم ركيـنة عربيات ومستوليين على كل أرصفة مصر

مصر اصبحت أم البلطجة والبلطجية بعد أن كانت أم الدنيا وستها كمان

اللى انتو بتقولوا و ايه يعنى 2 جنيه دة غلبان .... غلباااااااااااان !!!!!!!

الغلبان دة بيكسب اكتر منى ومنك ومن كل اللى علقوا ... انا فى شارع جميلة بوحريد فاسكندرية اللى بينطوا فجأة يليطوا المراية والازاز لامم قدامى فى عشر دقايق اكتر من 15 جنيه يعنى فالمتوسط فالساعة 60 جنيه يعنى 8 ساعات شغل بس فاليوم 480 جنيه ... انت حضرتك بتاخد فاليوم 400 جنيه ؟؟ لا وكمان ازمر له واقفل الازاز يفضل واقف ويقولى انا لمعت وانت وذوقك ويفضل متنح و الواحد معاه ستات

الواحد بيدفع آه عشان يخلص لكن مناخدهاش على انها زكاة ولا صدقة دى لا زكاة ولا صدقة دى اتاوة وبندفعها عافية عشان نفدى عربياتنا
اللى بيقول بلغ الشرطة كنت لسة هرد بس انا شفت هو مين عرفت ليه بيقول كدة

المشاركة الأصلية كتبت بواسطة m r. Z e c o

اي مكان فيه واحد منهم بلغ عنه بلطجة وسرقه باالكراه اه والله ..ده لو حسك مس هتديلو يهددك ان العربية تتخبط او تتخربش

ههههههههههههههههه
طيب خد عندك دى
الناس دى محتلين جميع الارصفه اللى فى كل الشوارع المحيطه بمرور السلام
و الركنه ب 5 جنيه حتى لو كنت حتدخل تسأل عن حاجه و تطلع على طول و الدفع و انتا بتركن العربيه علشان يضمن انك مش حتهرب منه
انا مره لما عملت نقل ملكيه و كانو مدينلى تصريح فروحت المرور بسأل بس ان كان الرخصه بتاعتى جت و لا لاء و الكلام ده كان السعه 7 الصبح
قولت اعمل نفسى ناصح و اركن ورا المرور قبله بشارعين
ركنت جنب الزباله و ماكنشى فيه حد فى الشارع خالص و انا لسه بقفل العربيه لاقيت واحده ست طلعلتى من تحت الارض و بتقولى الركنه ب 5 جنيه !!!!!!!! بقى انا راكن بعيد اصلا علشان اهرب منهم و برضه الاقيهم ؟؟
انا خايف بكره يحتلو الرصيف اللى تحت بيتي