انا حاجز سيات ليون بيز لاين وعايز اعرف ايه اخبارها وايه انطباع ناس عنها وايه اخبار فتيس دلوقتي.
عرض للطباعة
انا حاجز سيات ليون بيز لاين وعايز اعرف ايه اخبارها وايه انطباع ناس عنها وايه اخبار فتيس دلوقتي.
أنا معنديش أي فكرة الصراحة، ربنا ييسر لك.
جولف7 ... بس كدة !
تحفة فنية هموت و اشتريها بس خايف من ال DSG هي فعلا جولف 7 في كل حاجة و موتور عزمه رائع مع استهلاك بنزين قليل جدا بتشم بنزين وسائل امان ABS / EBD /ASR / ESP / 6 Airbags انا ناوي ان شاء الله اول مافضي انزل علي اي مركز صيانة سيات او فولكس و اشوف علي الارض فعلا هل DSG مشاكله اتحلت ولا لسة حاول تعمل كده عشان تطمن
كانت 2012 مع واحد معرفة ما اشتكاش منها خالص لكن قبل السنتين بتوع الضمان ما يخلصو باعها عشان كان خايف من حوار الفتيس مع أن ما كانش فيه أي مشاكل.
الفتيس الحمدلله ابتداء من 2013 لحد دلوقتي محدش أشتكي منه لا في سيات ولا فولكس ولا حتي سكودا
فعلا المشاكل قلت بنسبة ضخمة جداً مع الجيل الثالث منه
اما عن الليون فهي فعلا عربية ممتازة جداً
انا شوفتها بنفسي علي ارض الواقع
حاجة كدة خيال
شكل رياضي جداً - رشيقة جداً - مثيرة جداً جداً جداً
لو انت معاها علي الطريق تستفزك جداً انك تجري معاها
هبعتلك حالا لينكات بتقارير عنها
تحياتي وربنا يوفقك ان شاء الله وتستلم علي خير
الطريقة في اسلوب القيادة
في الزحمة والأشارات تشغله مانيوال وتنقل انت بأيدك
او ممكن تستخدم الsport mode عشان تطول زمن النقلة شوية عن الطبيعي
وفي الطوالي طبعاً تشغله اوتوماتيك
د\ي افضل طريقة لقيادة الdsg عشان يعيش اطول فترة ممكنة بدون مشاكل ان شاء الله
تحياتي
ياجماعة انا موهوم بالعربية دي وعاوز اجيب اعلي فئة فيها ومش معقول اجيب عربية ب 189000 جنيه عشان ابيعها كمان سنتين
انا عاوز اعرف هل شركة بحجم فولكس فاجن هتعمل فتيس بايظ؟؟؟؟!!!
ولو التوكيل بيقول اني احط بنزين 92 بس اﻷداء هيكون اقوي ببنزين 95
طب هل ينفع احط شوية 92 وشوية 95
العربية حكاية ﻷنها مليانة تكنولوجي ووسائل امان وموفرة للبنزين جدا
انا زهقت من التفكير المصري اللي يسيب عربية زي دي ويجيب ياباني او كوري
ارجوكم ساعدوني وحد يجاوبني
ألف مبروك يا باشا
معلش هغلس عليك في كام سؤال
- هو التوكيل مكانه فين؟ لأن عايز أشوفها و مش لاقيها في أي معرض و حجزت التست درايف من على الويب سايت بتاعهم و محدش كلمني.
- مدة الحجز أد أيه؟
هو ايه المشاكل اصلا بتاعة الفتيس dsg وهل فعلا لو حصل حاجة بعد الضمان بيتغير بالكامل بحوالي 60000 جنيه!!!!
اصل انا حاسس ان الناس بتبالغ اوي
ابعد عن الشر و غنيله
محدش ناقص كل يوم العربية تعطل و يروح يتخانق ف التوكيل
اشترى دماغك و ماتجبش العربية رغم انها ممتازة طبعا لكن عشان ماتبقاش حاطط ايدك ع قلبك
و ماتنساش انك هتدفع مبلغ مش قليل
انا في نفس حيرتك بالضبط
و موهوم بالعربية و بجمالها و قارنتها بكل الحاجات التانية اللي في سعرها و كانت دايما هي الكسبانة
و لكن كل رعبي من الفتيس الdsg !
و سؤالي هنا هل ممكن ادفع فلوس زيادة شوية و ازود الضمان في التوكيل لمدة 5 سنوات مثلا ؟
او هل ممكن يكون في تأمين شامل على العربية و يشمل الفتيس ؟
لانها بصراحة عربية متتفوتش !
و عندي سؤال كمان , هل العربية مفهاش park sensors في كل الفئات ؟
العربية مفهاش الا في الهاي لاين بس للأسف
وفيها خلفي وامامي كمان
ياجماعه المشكله الخاصه بالفتيس انتهت من بعد الجيل 2012 ومحدش أشتكى
ولو اتبعت طريقة القياده أنك تشغله مانول فى الزحمه الشديده او المود اسبورت عشان تطول زمن النقله لان نقلاته السريعه وديه ميزه بس فى الزحمه بيسخن من كده وشغله أتو لو زحمه خفيفه أو فى الطوالى هيعيش معاك الفتيس فتره طويله جدا جدا وهتستمتع بيه
ايوة متأكد ﻷني لسة شايفها في التوكيل
انا عرفت ان الأوكتافيا كمان حصلها نفس المشكلة في الفتيس وغيرو الموتور ل 1600
شكلي كده هعيد التفكير مرة تانية
انا معايا جيتا الشكل القديم dsg7 1600cc والفتيس زي الفل بس برضو الفتيس رخم بالنسبه للي بيحبه الكيك داون لانه مع الكيك داون و الفرمله المفجاءه اثناء الكيك داون بيدي رزعه بسيطه وزيت الفتيس مش بيتغير نهائي والعربيه دي بتاعت والدي ومش بيتشكي منها الا نادرا
العربية رائعة من كل حاجة و ال ثبات رائع يعنى تاخد ملف على ١٤٠ او اكتر و انت مش قلقان و لا فى اى حاجة
و التكييف هايل و السوند سيستم رائع
واكتر ميزة الفتيس اداءه رائع
العربية تطلع من اى عربية ١٦٠٠ مرتاحة جدا
ده غير نظافة الخامات و التقفيل من جوة
و موضوع الفتيس انا سألت التوكيل و انا بعمل الصيانة قالولى مجاش مشاكل منه خالص لحد دلوقتى من موديلات ٢٠١٣
نفذ يا باشا و توكل على الله و صلى استخارة و متحطش فى دماغك موضوع الفتيس
بدل ما تدفع نفس الفلوس فى عربية كورى
باشا بعد اذنك اسف للسؤال هوا العربيه كاش ولي قسط