استشارة طبية للفيفا

**hany2000** · 08-06-2014 12:40 AM

أولاً مساء الفل على اجمد منتدى و احسن رجاله
انا معايا فيرنا فيفا موديل 2001 كانت عروسه و ماشيه زي الفل
و بعدين في يوم مؤشر البنزين نزل تحت النص بشويه و رحت فولتها و دي كانت بداية المشاكل
روحت بالعربية عادي و تاني يوم ادور العربيه تدور بس زي ماتكون متلته و الار بي ام يلعب و الموتور يتهز و لو سيبتها شويه تبطل و الحاجه اللي لاحظتها كمان اني بعد ما امشي بيها شويه و اقف اسمع طقطقه من ورا تحت الكنبه جاي من التنك تقريباً و لو فتحت تنك البنزين بلاقي صوت تنفيس هوا جامد بيبقى مكتوم جوه التنك كمان لما بمشي بيها بلاقي مؤشر البنزين بيعلى كأني بحطلها بنزين و لما تقف فتره بيرجع ينزل تاني و العربيه بتنتش و سحبها ضعف جداً
معلش طولت عليكم بس انا دلوقتي مبركبهاش عشان بتطلع عيني في الزحمه من التنتيش و التبطيل

**exact** · 08-06-2014 02:22 AM

مجرد تخمين مش اكيد... غطا التانك فيه صمام... الصمام ده معلق

**السريع** · 08-06-2014 05:37 AM

بنزين مغشوش نزلو و معلش التفويله هاتروح فى الارض و حط من الامارات او الوطنيه و قولنا ايه الاخبار
الاعراض اللى بتتكلم عليها دى اعراض بنزين مغشوش و متمشبش بيه كتير بدل مالموضوع يكبر لطرمبه بنزين

**haysam2000** · 08-06-2014 12:31 PM

سؤال بر هالموضوع : فيفا 2001 ازاى ؟
يا البنزين فيه حاجه يا الطرمبه بتهيس

**hany2000** · 10-06-2014 01:26 PM

فيه ناس بيقولوا دي مشكلة حساس كانستر المسؤل عن تصريف بخار البنزين اللي في التنك
حد يعرف مكانه فين ده

**drcobra** · 10-06-2014 02:03 PM

متابع

**hany2000** · 20-07-2014 01:21 PM

معلش اتاخرت في الرد بس انا شايف اننا لازم نقول النتائج اللي وصلنالها عشان الكل يستفيد
فعلا المشكله طلعت من حساس كانستر و ده ورا البوابه علطول هتلاقيه عباره عن قطعه طالع منها خرطوم من الناحيتين
و اول لما فصلت الخرطوم الداخل سمعت صوت شفط هوا تحس ان الموتور مكنش داخله هوا كفايه
المهم العربيه اتظبطت بس في المقابل استهلاك البنزين زاد شويه
و لما سألت عرفت ان المشكله في حساس كانستر التاني اللي موجود تحت التانك لان مدام اللي فوق سحب هوا اول ما شلنا الخرطوم الداخل يبقى سليم و المشكله في الحساس التاني اللي موجود تحت التانك
و هغيره بعد رمضان إن شاء الله