الموضوع: أول حصة سواقة ... وما أدراك

المشاركة الأصلية كتبت بواسطة sh23

* الموضوع سهل وما يخوفش ؛ والموضوع أسهل من تعليم المشي لطفل صغير؛ بس عاوز تركيز شوية
* المهم الممارسة والتكرار والتعود
* بالنسبة للغيارات ف الفتيس فهو سهل جداً ويحتاج للتعود وفي أغلب العربيات واحد تقريبا والنظام العام بتاعة كالتالي:-
= وضع المور معناة أن الفتيس حر تماما ولم يتم تعشيق أي تروس ؛ ومن الممكن الإحساس بة عن طريق تحريك عصا الفتيس بهدوء حركة خفيفة للداخل( ناحية السائق) و بدون الضغط علي دواسة الدبرياج وسوف تحس أن الفتيس خفيف وحر تماما
= الغيار الأول _ لابد من الضغط علي دواسة الدبرياج- تحريك عصا الفتيس للداخل ثم للأمام
= الغيار الثاني _ لابد من الضغط علي دواسة الدبرياج- تحريك عصا الفتيس للداخل ثم للخلف
= الغيار الثالث _ لابد من الضغط علي دواسة الدبرياج-- طبعاً أنت كنت في وضع الغيار الثاني - يبقي الحركة خفيفة للخارج ثم للأمام
= الغيار الرابع _ لابد من الضغط علي دواسة الدبرياج-وأنت في وضع الغيار الثالث يتم سحب عصا الفتيس للخلف مباشرة
= الغيار الخامس _ لابد من الضغط علي دواسة الدبرياج- يتم دفع عصا الفتيس للخارج ناحية الراكب بجوار السائق ثم لأمام
= الغيار الخلفي (المارشدير ) بيختلف حسب نوع العربية لكن في أغلب العربيات كالتالي _ لابد من الضغط علي دواسة الدبرياج- يتم دفع عصا الفتيس للخارج ناحية الراكب بجوار السائق ثم للخلف
علي فكرة هذة العملية بسيطة من غير أي عنف يعني بالراحة وأنت ببتعود عليها بعد فترة ممكن تعرف الغربية واخدة انهي غيار بمجرد النظر
*بالنسبة لأمتي تدي العربية نقلة جديدة :
= الأول علشان تبدء الحركة
= الثاني بعد العربية ما تتحرك وقبل ما سرعتها تعدي 20 كم/ ساعة
= الثالث لما سرعة العربية تزيد عن 30 كم/ساعة وقبل ما تعدي 40
= الرابع لما سرعة العربية تعدي 40 وقبل ما تزيد عن 60
= الخامس لما سرعة العربية تقرب من 80
وكل دة ف العربيات الجديدة وبتختلف نسبياً من عربية لأخري حسب طريقة السائق في التعامل مع العربية ( يعني العربية بتتطبع بأسلوب اللي سايقها )
وبالتوفيق إن شاء الله ؛ وعلشان تطمئن ؛ أما من 10 شهور كنت لسة بأتعلم ودلوقتي عامل حوالي 18000 كيلومتر بالسيارة ؛ نصفهم تقريباً علي الطرق السريعة (أسكندرية الصحراوي وطريق وادي النطرون ) وجربت العربية في مرة حتي سرعة 150 كم / ساعة
**** يعني كلنا ف الأول بنخاف والعربية تصرخ أو تبطل أو تصفق ؛ والناس اللي سايقة ف الشارع تشتمنا ؛ وبعد فترة بنتعود وبتبقي السواقة عادة وبأقل مجهود ****
**** بأختصار مثل الطفل الصغير الذي يجب أن يتعلم الحبو ثم المشي وبعد ذلك يجري براحتة ****
*** أهم ما في الموضوع -الهدوء-- التركيز -- عدم الخوف --بعد ذلك كلة بيجي لوحدة بالتعود *** تمنياتي بالتوفيق

والله انتو ناس قمة فى الاخلاق ربنا يحفظكم على الطريق
انا بقى وبكل فخر لسه مابعرفشى اسوق مع انى كبيرة هاها
بس ان شاء الله قريب جدا هاتعلم غصب عن كل اللى معارضى من اولادى خايفين على اعصابى تلاقيهم خايفين على نفسهم لو اتعلمت ومابقتش محتاجة لحد يجيبنى ويودينى
انا فهمت من شرح حضرتك البسيط والهادى اشكرك
تمنياتى بالتوفيق للجميع

احلي شرح تمام ربنا يكرمك

بص ياسيدي بطريقه اخري


الخامس..... الثالث........ الاول
...........هنا الموررر............
المارش...... الرابع....... الثاني


ياعني الغيار بتاعك وانت ماشي يا اما فوق او تحت
اللي بينهما هو المور

حاجه تانيه

المورر وضعه اول ما تركب السيارة في النص
اي بين الثالث والرابع

اذن انت مثلا اديت الثاني وعاوز تروح للثالث

جيب الفتيس في المور (طلعه من التاني وسيبه هيروح لوضع المور لوحدة)
تقوم دايس دبرياش وتطلع الفيس علطول فوق يكون دة الثالث

عاوز الرابع
اضغط دبرياش
وبعدين نزل الفيس مستقيم لتحت

الخامس
دبرياش
مور
تروح جايبه زي كدة
|___ دة الخامس ......والخط هو المور
| دة الرابع


توضيح اكثر

|||(الخامس)............... |||(الثالث)............... |||(الاول)...............

______________________________________دة المور

|||(المارش)............... |||(الرابع).............. |||(الثاني)...............





اذن الخلاصه
علشان تعمل اي نقله لازم تفوت علي المور

وللعلم مش كل العربيات فيها الخامس
والفحاله دي اعتبر اكن الخامس مش موجود
وهيكون بعد الرابع المارش

وممكن يكون المارش جنب الاول زي ماهو موجود في الدايو النوبيرا
هيكون كدة في النوبيرا
الثالث...........الاول.....المارش
.......................................مور
الرابع...........الثاني

بس انت متتعبش نفسك

الموضوع سهل والله

واسهل طريقه حرف H

اكيد انت فهمت يعني ايه H


H
سؤال لك الان؟؟؟؟؟؟؟
ماذا يعني لك هذا الحرف
قول انت بقي الاول فين والثاني والثالث والرابع وحدد الموقف القانوني للمارش
مع التوضيح
دي مادة نجاح وسقوط لازم تجاوب ان شاء الله