حصريا اسعار و مواصفات سيراتو خليجى 2015

**ahmedmohamed7** · 08-06-2014 06:46 PM

المشاركة الأصلية كتبت بواسطة zook

ما هو مفيس 2014 خلاص مفيش نازل اللا 2015 فئتين بس

2014 مش هينزل لان جابر هو بيجيبهم و هو بيجيب 2015 دلوقتى ممكن بئه تلف المعارض تدور على 2014 باقيه

سؤال معلش 134 ازاى اكيد فاضيه ؟

لا معلشى انا مش فاهم .......يعنى ايه 2015 فئتين بس ؟
الى موجود خليجى فى السوق دلوقتى اعتقد 2014 مش 2015

بالمناسبة العربيتين ال سيدان الخليجى الى كانو عند سمير ريان دول 2014 مش 15
134 الف ديه خليجى سيدان جنط 17 مرايات ضم مالتى نت غير فتحة ومن غير abs و ايرباج واحد

**Mohab555** · 08-06-2014 07:10 PM

المشاركة الأصلية كتبت بواسطة zook

نا رحت معرض جابر عبد الشهيد و توهت هو مش مشهور اوى فى المنطقه قريب من spectra بس هوه عنده خليجى كتير اوى كيا هو مش بيبع اساسى للناس هو بيوزع للمعارض و ممكن يبيع برده

انا لسه راجع حالا بالمواصفات قلت اكتبها يارب تستفيدو بيها
عنده سيراتو خليجى 2015 سعودى ( يتميز عن باقى الخليجى قوه تحمل الكاوتش و الدهان لدرجات حراره عاليه )

حصان 1600cc -130
باور ستيرنج - تكيف -4 زجاج كهرباء-دركسيون متعدد الوضعيات تلسكوبى - اكصدام و مرايات لون السياره شبكه اماميه نيكل -مقابض داخليه نيكل-حامل اكواب -مرايات شماسات- فتح الشنطه و التنك من داخل السياره -مساند راس- جراب نظاره-6 سماعات- مسند يد امامى- كرسى السائق متغير الارتفاع-كمبيوتر رحلات-immobilizer- جنوط سبور 16 -بلوتوث-مثبت سرعه-فوج لايت-مرايات كهرباء-1 ايرباج-مالتى فانكشنز-حساس خلفى-سنترلوك بالريموت-جهاز انذار-زجاج عازل-راديو cd+usb+aux mp3 عازل كبوت -تحكم ارتفاع كشافات اماميه من الداخل -abs و ebd-افراج زجاج ملون (مش فاهم ديه يعنى ايه

السعر 157 الف
فئه تانيه سيرتو تزيد فتحه سقف 162 الف جنيه
مافيش حاليا فئات اخرى

كده فاضل مرايات ضم و تحكم shiftat من الدركسيون (كان نفسى فيها) وتغيير اوضاع قياده (كان نفسى فيها بردو :d) وكاميرا خلفيه (سهله تتركب ) ومفتاح بصمه ( مش عارف ممكن يتركب او لا )

احب اضيف معامله فى معرض احسن من مندوبين سمير ريان كتير اللى اتعاملت معاهم عشان كده لو هشترى خليجى هيبقى منهم افضل

طب الفئة الى فيها شيفتات من الدركسيون و تغير اوضاع القيادة بتبدأ من كام ؟؟؟! واتأكدت انها فيها ebd ولا ايه ؟؟

**ahmedmohamed7** · 08-06-2014 07:27 PM

المشاركة الأصلية كتبت بواسطة zook

2014 اللى موجود معارض ده اخر دفعه بواقى يعنى

2015 موجوده عند الموزع جابر عبد الشهيد
2015 سعودى خليجى نازل فئتين بس انا موضحهم فوق لحد دلوقتى

واضح ان فيه سوء تفاهم ....انا ذكرت لحضرتك انى بدور على ريو مش سيرانو يا فندم :)

**zook** · 08-06-2014 07:29 PM

المشاركة الأصلية كتبت بواسطة Mohab555

طب الفئة الى فيها شيفتات من الدركسيون و تغير اوضاع القيادة بتبدأ من كام ؟؟؟! واتأكدت انها فيها ebd ولا ايه ؟؟

abs و ebd مع بعض و موجودين
لسه 2015 منزلش منها فئات تانيه

هى حلوه اوى بس ناقصه شيفتات من الدركسيون و تغير اوضاع القيادة دول بس

**zook** · 08-06-2014 07:57 PM

المشاركة الأصلية كتبت بواسطة ahmedmohamed7

واضح ان فيه سوء تفاهم ....انا ذكرت لحضرتك انى بدور على ريو مش سيرانو يا فندم :)

اسف مختش بالىى دلوقتى هاتش بالك بس ممكن تسال فى معارض تانيه و ان شاء الله تلاقيها

**Dr . Mohamed** · 08-06-2014 08:53 PM

أنا لسه حاجز واحدة 2015 فئة تالتة و بيقولى موجودة و هستلمها بإذن الله كمان 3 أيام

**saint2011** · 08-06-2014 08:58 PM

المشاركة الأصلية كتبت بواسطة dr . Mohamed

أنا لسه حاجز واحدة 2015 فئة تالتة و بيقولى موجودة و هستلمها بإذن الله كمان 3 أيام

ودى مواصفاتها ايه يا باشا وسعرها كام وهى خليجى ؟؟

**Dr.M_baz** · 09-06-2014 12:32 AM

شكرا على اﻷسعار.

Sent from my GT-N8000 using Forum Runner

**amrnader** · 09-06-2014 01:37 AM

شكرا يا فندم على المعلومات معلهش هسألك شوية حاجات كتير :)

يا ترى فيها فتحة تكييف خلفى؟ و الراديو اصلى و لا تاتش متركب؟ هل الشاشة بين العدادات ال سى دى ملونة و لا العادية؟ الحساسات اصلية و لا متركبة و خلفية بس؟