تجربة صيانة في مركز المحترم أ.طناني

السلام عليكم
معايا فيكترا 2001 من شهر يناير بس لظروف شغلي معملتش صيانة طقم السرفيس اول ماشتريتها عملته من 3 اسابيع في سنتر أ.طناني في المعادي في شارع 105 طبعا طناني غني عن التعريف بس حبيت انقلكم تجربتي للاستفادة العامة
دي مش اول زيارة ليا قبل كده رحت كشفت علي عربية استرا وللاسف طلعت راشة جوه ومختهاش وكان ساعتها المهندس احمد لسه موجود ومرضاش ياخد مني فلوس قالي احنا لسه معملناش حاجة وكشفنا صاج بس وبصراحة كان راجل ذوق جدا
الناس امينة جدا في شغلها وﻻ بيحوروا بيجوا مباشرة وفعلا بيقولولك وبكل أمانة علي المشكلة وحلها من الاخر وده عشان الناس عنده فاهمة شغلها وشاطرين وفاهمين في الاوبل مش فتايين وبيلفوا ويدوروا
طناني كمان شخصية محترمة ولذيذة جدا وكمان ابن كار (محاسب قانوني زيي) ودي كانت اول مرة اشوفه كنت بسمع عنه في المنتدي
والي اكدلي امانة الناس دي ان المرتين الي رحت فيهم عشان اكشف والتانية عشان اركب السنتر كان مليان عربيات بس من غير زباين الناس سايبة لهم العربية وهما يخلصوا ويصلحوا ويشتروا قطع الغيار ويودوا العربية للكهربائي وبتاع الشكمان والزبون يجي ياخد العربية في الاخر جاهزة ففعلا الناس امينة

انا اتبسطت اني اتعرفت عليه وعلي السنتر بتاعه ويارب يزيده انا حبيت انقل لكم تجربتي عشان كلنا نستفيد

شكرا لنقل هذه الواقعه ودول ناس عندهم امانه فى زمن الامانه فيه عمله نادره

طنانى من الناس المحترمة فى زمن قل فيه الاحترام
الله يباركله

طناني فعلا راجل محترم

فعلا و الله طناني من الناس الي متلاقيش زيهم كثير

فعلا والله انا من كتر اللى بسمعو عنو احترمتو جدا وان شاء الله هروحلو علشان شويه مشاكل كدة وهو يتصرف لانى مبتدىء وربنا يكرمو

مش عايز اصلح التكييف غير عنده وللاسف كل مروح ملاقيش الصنايعي

كنت متفق معاه انى هاروح المركز عنده انهرده بس حصلت ظروف شغل و معرفتش اروحله