افيدوني

**drzezo84** · 08-06-2014 05:43 PM

اتعرضت لنصابين ولاد كلب كنت بسالهم علي عنوان وقالولي الكاوتش مريح نزودهولك قولتله ماشي فابن النصابه قالي ده ناقص النص نكشف عليه وطلعلي 13 خرم وقالي الحمه خابور مستورد ب 15 ج، عايز اعرف ازاي عملوا الاخرام الصغيره دي وجه يعمل كده في العجله الخلفيه قولتله لامامعيش فلوس قالي اعدلك الشفه وكشف بعدها ماظهرش اخرام عايز اعرف ينفع ارجع بالعربيه مسافه 80 كيلو عاب الكاوتش الملحوم 13 لحام ده ولا لا وهما بيعملوا النصب ده ازاي افادكم الله وشكرا

**eshoo** · 08-06-2014 06:14 PM

بيحطو مية نار مخففه في الازازه اللي المفروض يكون فيها ميه وصابون بس وبالتالي مية النار دى بتتفاعل مع التراب اللي على الكاوتش وبيكون التفاعل ده على هيئة فقاقيع هواء صغيره اللي هي نفس نتيجة الاخرام

**drzezo84** · 08-06-2014 06:52 PM

يعني دي فقاقيع استغاله مافيش اخرام اصلا وينفع ارجع بيها ياباشاواسافرعليها

**eshoo** · 09-06-2014 01:32 PM

من ناحية اشتغاله فهى اشتغاله بس ده مايغنيش انه حط الخوابير خلاص . ممكن تركب الاسبير لحد ماترجع بالسلامه ان شاء الله

**drzezo84** · 09-06-2014 03:09 PM

تسلم يا esho باشا

**carrier** · 09-06-2014 11:13 PM

المشاركة الأصلية كتبت بواسطة drzezo84

اتعرضت لنصابين ولاد كلب كنت بسالهم علي عنوان وقالولي الكاوتش مريح نزودهولك قولتله ماشي فابن النصابه قالي ده ناقص النص نكشف عليه وطلعلي 13 خرم وقالي الحمه خابور مستورد ب 15 ج، عايز اعرف ازاي عملوا الاخرام الصغيره دي وجه يعمل كده في العجله الخلفيه قولتله لامامعيش فلوس قالي اعدلك الشفه وكشف بعدها ماظهرش اخرام عايز اعرف ينفع ارجع بالعربيه مسافه 80 كيلو عاب الكاوتش الملحوم 13 لحام ده ولا لا وهما بيعملوا النصب ده ازاي افادكم الله وشكرا

ربنا يعوض عليك

وجب الحرص مستقبلا

فالمؤمن كيس فطن

**محمود سامح** · 10-06-2014 01:39 AM

حصلت معايا فى محطة التعاون فى صلاح سالم واتنصب على فى 9 خرم خابور وباظت العجلة واشتريت جوانى وفى الاخر رميتها واشتريت واحدة جديدة واخذت درس كبير من الخابور اللى لابستة

**RAMY.ALI** · 11-06-2014 01:06 PM

انا كنت واقف مستنى مواصلات ولقيت واحد نتاع كوتش بيقول لصاحب العربية لفلى العجلة وطلع من جيبة حاجة وعمل حوالى 4 اخرام ورجع حطها فى جيبة ولما الراجل رجعلة قالوة العجلة مخرومة نفكها ونشوف وبدء من هنا الشغل والخابور غالى واللحام غالى ما علينا هو بيعما العملية دة كتير فخلى بالكم ومتعملش العجلة الاعند واحد مضمون وانت واقف جنبة ومتسبهوش ابدا