خبرة جديدة = خبطة جديدة

**Dr Ahmed** · 17-07-2007 01:57 AM

بالأمس حاولت دخول شارع ضيق لأركن فيه قريبا من عيادتى الموجودة فى شارع مزدحم... كان على مدخل الشارع متوسيكل ب 3 عجلات وبجانبه رجل وامرأة فسألتهم لاستعجالى اذا كانت المسافة ستسمح بمرور السيارة أم لا.. وقالو لى انها وااااااااااسعة... بدات أدخل وتركيزى على عدم خبط الحائط الذى على يسارى وهم بيرشدونى من على يمينى.. وعمالين يقولو لى ماشى ماشى ماشى .. وأتارينى ماشى حاكك فى حديدة من المتوسيكل المنيل بتاعهم لحد ماتحشرت فيه!!!!!###########
نزلت وبيقولو لى مافيش حاجة خالص وأبص ألاقى خربوش عميق بطول 50 سم وتجريح بالهبل...... آآآآآآآآآآآآآآآآآآه .....
إنا لله وإنا اليه راجعون
منهم لله

من هذا الموقف عرفت قاعدة جديدة ذهبية: اضبط المرايات علشان تشوف جوانب العربية بالكامل وانت بتلف فى مداخل ضيقة ولا تعتمد على من يرشدك بالذات لو واحدة ست وصدق نفسك فقط..

**معاذ الشرباصى** · 17-07-2007 02:39 AM

قدر الله و ما شاء فعل

فعلا المرايات مفيدة جدا فى مثل هذه المواقف

و لازم الواحد ميصدقش غير اللى هو شايفه فقط, لأن الناس فى الشارع فهلوية

ربنا يحفظلك عربيتك يا دوك من كل سوء

**boody2** · 17-07-2007 09:19 AM

لدكتور احمد

اولا صباح الفل

ثانيا فداك و الحمد لله
حقول لحضرتك ان برضه مراتي كانت سايقة السيارة من حوالي 4 اشهر و هي نازلة من منزل كوبري سيارة نيسان خلف سيارة زوجتي خبطت موتوسيكل و الموتسيكل وقع علي المنزل و جادون الموتسيكل جاب الاكصدام الخلفي لسيارتنا علي الارض و يوميها غيرنا الاكصدام بحوالي 2100 جنيه مع الرش و الحمد لله كان السيارة متامن عليها و لهذا وجب الحزر من الميكروباص و الموتسيكل و في الاخر ربنا يستر
أخوك مهاب ابو بودي

**Karim_Monir** · 17-07-2007 09:34 AM

معلش يا دكتور قدر الله وما شاء فعل
ويا ريت تركب المرايات الصغيرة علي المراية بتاعت الجنب بتديل تفاصيل كتير بالذات وقت الركنات

**memoo_1st** · 17-07-2007 11:39 AM

قدر الله وما شاء فعل الحمد لله انها جت في حاجه بسيطه
بس هوا فعلا الواحد ميصدقش غير الي شايفه في المرايه حتى لو سايس ساعات يقعد يقولك اطلع من الركنه وفيه غربيه جاييه :shock: :shock:
هوا فعلا دي ناس فهلوانيه

**ابوحميد** · 17-07-2007 07:19 PM

فعلا يا جماعة الواحد مش يصدق غير اللى شايفه بعنيه
الناس دلوقتى بتفتى وخلاص

**fahd_628** · 17-07-2007 08:44 PM

يا ساتر يارب

ربنا يحفظلك عربيتك

**اسلام المصرى** · 17-07-2007 08:59 PM

معلش يا دكتور أحمد ماتزعلش نفسك الحمد لله بسيطة , أنا عارف و فاهم أنها حاجة تضايق طبعا و ترفع الضغط معلش قدر الله وما شاء فعل و الحمد لله فى الاول و فى الأخر.