حد بيحلق ب ماكينة الحلاقة Cruzer 6

**mohaakotb** · 08-06-2014 10:59 PM

الموضوع ببساطة انا بشرتي حساسة وكنت بحلق ب فيوجن باور بقالي سنين تخللها مره اشتريت فيليبس اللي 3 شفرات دائرية دي وكانت ممله جدا ومبتحلقش كويس وبتعملي حبوب ف رجعت للفيوجن تاني وزهقت بردو منها للأسف ف قررت اشتري كروزر 6 خصوصا ان الناس بتشكر فيها للبشرة الحساسة

جبتها امبارح وحلقت بيها انهاردة بس نفس اعراض الفيليبس ظهرت !! وشي احمر جدا وبدأت الحبوب تظهر اهي ووبطيئة جدا بروح واجي كتير عشان تحلق وبردو مبتحلقش كويس بيبقي في شعر كتير مش عايزه تجيبه !!! ده غير انها مابتنعمشش زي فيوجن لو اتشقلبت ... ف هل ده معايا بس ولا كله كده !!
وهل الحلاقة عكس نمو الشعر صح ولا غلط ؟؟ وهل ممكن احلق وانا باخد دش تكون العملية الطف شوية ؟؟

**new_man** · 09-06-2014 10:41 PM

ماكينه سيئه كنت بقعد احلق بيها بالنص ساعة لحد ماتخلص شحن وبرضه مبتحلقش كويس
وكانت بتعملى حبوب زيك واحمرار وتهيج فالجلد

**mohaakotb** · 10-06-2014 02:43 PM

الناس بتقولي هي لازم في الاول كده !!! بس انا عندي بأفورة جامد ورخمة فعلا في الحلاقة مبتحلقش كويس

**speed_magnum** · 10-06-2014 02:56 PM

فئة الكروزر في براون مش حلوة
عندك series 7 دي رهيبه
وفي كمان braun cool tech ودي معايا وحلوة
..
عموما الماكينات الكهربه مقرفه شويه في اول استخدامها لحد ما تاخد عليها ..
..
بس هقلك على حاجه ممكن تهدي الحبوب والتهيج اللي عندك
انت قبل ما تحلق تحط عل دقنك بودرة تلك ...
او طريقه تانيه انك ترغي دقنك عادي اكنك هتحلق بموس وتحلقها بالكروزر
بس لو هترغيها لازم تكون قصيرة يعني عدي عليها يومين بس

**mohaakotb** · 12-06-2014 07:53 PM

??????

**mohaakotb** · 12-06-2014 07:54 PM

جربت احلق بالفوم والنتجية هي هي !!!

**speed_magnum** · 28-06-2014 04:12 PM

اه قصدي فوم
وبودرة التلك بتحطها قبل الحلاقه اه
والنتيجه هي هي دي بقى ما اقدرش افيدك فيها
انا قلتلك على اللي انا بعمله وريحني

**Omar2017** · 28-06-2014 07:00 PM

cruzer 6 اية بس يا راجل يا طيب في مكنة اسمها wahl super taper دية ممتازة امريكي الصناعة و التقفيل انا كان عندي الcruzer كانت (زبالة) اما wahl من الخليج و مش هتلاقيها غير في بورسعيد